Yahiya 12:34 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁴ Pag-anu siꞌ, tilaw kasohean ni baanan jama ndooy, yuk da, “Tuwan, pasal bay halling nu siꞌ talpaksaꞌ Anak Manusiyaꞌ inangkat taꞌ tehang, soy lay la Anak Manusiyaꞌ looy ma bay awnan nu siꞌ? Bong iya na Almasi, pooy meꞌ nu kabāꞌ pinapatoy ya inangkat taꞌ tehang? Batan pamāꞌ kitab, inawnan Almasi, llum saumu-umu.”

Yahiya 12:34 ပူးပေါင်းရင်းမြစ်များ

Matiyu 16:13

Pag-anu, lay na baw pawus ga si Isa pa bihing daira inawnan Sesariya Pilipi. Sasang da ndooy, tilaw si Isa ni ga mulit na, “Na kuwan aku, Anak Manusiyaꞌ, bong ni bitsala jama, soy tu ku?”

Matiyu 21:10

Ni katakka ga si Isa pa Jerusalem, maghiposan na jama ndooy sitilaw-tilaw, yuk da, “Soy doꞌ ina jama naa?”

Matiyu 8:20

Tampung si Isa, “Mamiki doꞌ ko ba paayad. Gam gi ina ga sattuwa tawun, luu gi katattogan man da patannaꞌ sangom-sangom. Minsan ga manuk-manuk, luu du ka sāng da. Boꞌ aku, Anak Manusiyaꞌ, yaꞌ san luu patulihan ku.”

Yahiya 10:34

Pag tampung si Isa, “Minsan njawom kitab bi, Tuhan mismu bay magpalman ni siga pa-mmean kabboꞌ-bboan tabi, yuk na, ‘Kaam ina siga tuhan.’

Yahiya 12:32

Batan pag taabut ku ina mintu inangkat taꞌ tehang, inaa na lān man ku ngaliyun jama man mimon kabangsa-bangsahan pa mman ku.”

Yahiya 15:25

Dari lay na binakbul tunaꞌ looy njawom kitab, ilooy ma yuk na, “Lammis sila niyaku san yaꞌ luu pataꞌ poon sabap na.”

Yahiya 8:28

Dari yuk si Isa ninsila, “Pag ina mintu taabut na Anak Manusiyaꞌ inangkat meꞌ bi taꞌ tehang, ndooy na sina mintu bohoꞌ tasayu bi aku na Almasi. Maka ndooy na du bohoꞌ tabista bi yaꞌ ku buwat oy maka oy na lakka man pamiki ku dī ku, arapun bean ku jaꞌ sohoꞌ Mmaꞌ ku. Damikiyan, iya du maan aku bong oy bitsala subay pōꞌ ku.

Suwat si Pol pa mman Baanan Sukuꞌ si Isa ndooy ni Rom 3:19

Na hantak bitsala looy ilay siꞌ njawom kitab, tumatandaꞌ na mimon manusiyaꞌ dusahan pa Tuhan. Tud yaꞌ luu san disu nammu daawa man da nangkisan hukuman Tuhan, awla na bangsa Yahudi ma bay pina-ntanan saraꞌ, boꞌ langga da lagi. Sangkon mimon manusiyaꞌ pataꞌ kalabuan hukuman.

Suwat si Pol pa mman Baanan Sukuꞌ si Isa ndooy ni Rom 5:18

Dari meꞌ halling sambat ku na siꞌ, sabapan disu dusa, mimon manusiyaꞌ lay talapay binotangan hukuman mulkaꞌ. Sugaꞌ sabapan disu pabuwatan intong, mimon manusiyaꞌ binuwanan na lawang man da initung intong sampay man da na koleꞌ kaallum bahau.

Hibrani 7:24

Boꞌ pagkaimam si Isa ilay, yaꞌ na luu gantiꞌ na sabap llum ya saumu-umu.