Yahiya 12:26 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁶ Soysoy doman buwat kahandak ku, subay du nūs lān ku supaya nnoy-nnoy mman ku, ndooy du ya. Maka sagannap ma buwat kahandak ku, mastiꞌ pinaehe sina mintu meꞌ Mmaꞌ ku.”

Yahiya 12:26 ပူးပေါင်းရင်းမြစ်များ

Matiyu 16:24

Pag-anu, yuk si Isa ni ga mulit na, “Soysoy doman mmeꞌ niyaku subay tikutan na kahandak na bong pin taduwan na jaꞌ kahandak ku. Subay atas na manangkit tehang halliꞌ man na nilansang, boꞌ na patuhut niyaku. Hati na, subay atas na lumingkaꞌ njawom jinisan katiksaan ka kabinsanaan kalnaꞌ aku san man na matoy, boꞌ na kapa-mmeꞌ niyaku.

Matiyu 25:21

“Tampung bōs na, ‘Tud bay mahap meꞌ nu buwat. Kau na tindog mahap maka kanaalla. Pagka ko bay kanaalla ni pabuwatan dangkitiꞌ, batnaa paeka ku na altaꞌ ku hinalap ningkau. Tu ko. Patabeꞌ ta na ko ni kagakan ku.’

Malkus 8:34

Pag-anu, lay na baw linganan si Isa baanan ga jama ndooy ka ga mulit na pa mman na boꞌ na halling, “Soysoy doman mmeꞌ niyaku subay tikutan na kahandak na bong pin taduwan na jaꞌ kahandak ku. Subay atas na manangkit tehang halliꞌ man na nilansang, boꞌ na patuhut niyaku. Hati na, subay atas na lumingkaꞌ njawom jinisan katiksaan ka kabinsanaan kalnaꞌ aku san man na matoy, boꞌ na kapa-mmeꞌ niyaku.

Lukas 12:37

Bong ina siga ata ndang saddiya na ni katakka papuꞌ da, mastiꞌ sinupaatan jaꞌ sila. Tandaꞌ papuꞌ da kasulutan ninsila, saynan na na sina badjuꞌ na, boꞌ na matingkōꞌ ga ata na ni lamisahan na. Pag-anu, boꞌ iya na ya motangan sila.

Lukas 6:46

Pag-anu, yuk si Isa lagi, “Kannahun bi bitsala ku. Yaꞌ sina sikatuwaꞌ bong kam ngawnan aku ‘Papuꞌ,’ boꞌ yaꞌ baw kam mmeꞌ ni tōꞌ ku.

Lukas 9:23

Pag-anu, yuk si Isa ni sikamimon jama ndooy, “Soysoy doman mmeꞌ niyaku subay tikutan na kahandak na bong pin taduwan na jaꞌ kahandak ku. Subay atas na manangkit tehang halliꞌ man na nilansang, boꞌ na patuhut niyaku. Hati na, llaw-llaw subay atas na lumingkaꞌ njawom jinisan katiksaan ka kabinsanaan kalnaꞌ aku san man na matoy, boꞌ na kapa-mmeꞌ niyaku.

Yahiya 10:27

Batan bong ina siga sukuꞌ ku, mastiꞌ pakale jaꞌ ni suwara ku. Lungbid kami ka sila maka mmeꞌ na jaꞌ sila niyaku.

Yahiya 13:16

Na pagka Papuꞌ bi lay magpadiyoꞌ, sapatut na, kaam pun iyadu. Batan baan ta kam banahan, yaꞌ sina luu ata patingkat gi man papuꞌ na. Damikiyan yaꞌ du luu sosohoan patingkat gi man ilooy ma bay nohoꞌ iya.

Yahiya 14:15

Maka yuk si Isa, “Bong kam maaseꞌ du niyaku, mastiꞌ bean bi jaꞌ sina siga panohoan ku.

Yahiya 14:3

Pus ku mintu manyapan kaam, boꞌ ku sa pabeleng ngokoman kaam supaya nnoy-nnoy mman ku, ndooy du mman bi.

Yahiya 15:20

Ingatun bi meꞌ halling sambat ku na siꞌ, ‘Yaꞌ sina luu ata patingkat labi gi man papuꞌ na.’ Sangkon, pagka aku bay nilaugan meꞌ da, kaam pun ina mastiꞌ nilaugan du. Bong siꞌ ilay ndang bay kinanna meꞌ da tōꞌ ku, malaingkan ningkaam pun ina, kinanna du.

Yahiya 17:24

“Maꞌ, kainagon ku sila ma bay halap nu niyaku wā dambuwaꞌ ka aku. Meꞌ looy ilay, takita da na ehe kabantugan ku, yana kabantugan bay pamuwan nu niyaku sabap ndang kakasi nu ku yaꞌ gi bay pinapayak junyaꞌ.

Yahiya 21:22

Pag tampung si Isa, “Bong ku doman llum na pin ya ngabut sampay ku pabeleng, ongoy subay na pin katoonan nu? Mmeꞌ jaꞌ ko ba niyaku.”

Suwat si Pol pa mman Baanan Sukuꞌ si Isa ndooy ni Rom 1:1

Suwat tuu itu lakka man aku, yana si Pol, disu ata si Isa Almasi. Aku itu bay lliyun meꞌ Tuhan binuwat rasul nohoꞌ masaplag umanat mahap pasal kasalamatan.

Suwat si Pol pa mman Baanan Sukuꞌ si Isa ndooy ni Rom 14:18

Na sagannap ma makutuꞌ hāl meꞌ looy sambayan da ngisbat Almasi, mastiꞌ kinahopan jaꞌ sina meꞌ manusiyaꞌ awla na Tuhan.

2 Korin 4:5

Na kami tu masaplag, saꞌ ga man kami maehe dī kami, arapun man kami maehe si Isa Almasi. Sangkon pinasaplag meꞌ kami iya yana Papuꞌ. Maka kami tu, tukang ngintu kaam sadjaꞌ sabapan aseꞌ kami ni si Isa.

2 Korin 5:8

Sannang na pamiki tabi batan tatantu tabi mastiꞌ luu jaꞌ kaayaran ngagad kitabi. Batan katoonan tabi na, mas mahap gi kitabi sakkat ka baran tuu supaya kitabi kapagdambuwaꞌ na ka Papuꞌ Isa.

Galatiya 1:10

Na ni hāl bay halling ku ilay siꞌ, katoonan ku du luu nnaa kasohean yaꞌ kasulutan niyaku. Sugaꞌ basta lay jaꞌ ku nulut ni kahandak Tuhan, yaꞌ du dari oy na san ku yaꞌ na kinahopan meꞌ manusiyaꞌ. Bong siꞌ itu masi puhung ku subay na pin ku kinahopan leꞌ manusiyaꞌ, yaꞌ du ku pataꞌ inawnan sosohoan si Isa Almasi.

Pilipi 1:23

Kaawran ku mamiki. Bong siꞌ aku kabean, doman na ku ngambanan junyaꞌ tuu batan mas mahap gi niyaku kapagdambuwaꞌ na ka Almasi.

Kolossa 3:24

Maka katoonan bi na du sina, pagka kam maghulas-sangsāꞌ kalnaꞌ Papuꞌ Isa, mastiꞌ luu jaꞌ sina mintu tungbas ayad ningkaam. Tungbas ningkaam yana mimon kaayaran ma bay hinalliꞌ ni sukuꞌ na.

Kolossa 4:12

Maka luu gi ntuu jama lahat bi du, yana si Epapras, lay du bay nohoꞌ masampay salam duwaa na ningkaam. Iya itu sabana-bana sosohoan si Isa Almasi. Basag ya makuhan kaam duwaa supaya taggu iman bi maka supaya tatantu bi bong oy kahandak Tuhan ningkaam.

2 Pitel 1:1

Ituu itu aku, si Saymon Pitel, disu ata si Isa Almasi. Maka aku itu disu rasul na. Itu suwat ku pa mman bi ma pitsayaꞌ na du ni si Isa Almasi, yana Tuhan tabi ka tukang nalamat kitabi. Ni kaintong na, yaꞌ ya minig jama, batan kaam pun ina, meꞌ kami na du, bay kaladjikian saliꞌ-saliꞌ buwatan hagaan, yana pangando tabi niiya.

1 Yahiya 5:3

Meꞌ tabi makitahan Tuhan aseꞌ tabi niiya, bean tabi jaꞌ siga panohoan na. Boꞌ siga panohoan na ina yaꞌ du bohat binogbogan

Suwat Lakka man si Jūd 1:1

Aku itu si Jūd, disu ata si Isa Almasi. Maka aku itu danganakan si Yaꞌkub. Itu suwat ku pa mman bi, sagannap ma bay lliyun meꞌ Mmaꞌ tabi Tuhan binuwat sukuꞌ na, yana kaam ma kinaasean meꞌ na sampay inayaran meꞌ si Isa Almasi.

Siga Pakaradjaan bay Pinalahil 14:4

Sutsiꞌ sila. Kanaalla sila pa Tuhan. Sibuꞌ du karuha da ka lalla ma yaꞌ kuhi magjina. Maka paninggai-paninggai Bili-bili looy, luu na pin sila patuhut niiya. Sila ilay yana sagannap manusiyaꞌ ma lay nilakkat man komkoman Ibilis supaya sila dari sukuꞌ Tuhan. Sila meꞌ sapantun buwaꞌ kattoman ma pabiddaꞌ ayad na sinongan pa Tuhan ka Bili-bili looy.