Yahiya 12:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Takka jaꞌ sila, lay ballang jama lahat looy man da ngalak si Isa. Si Malta pun luu du ndooy motangan sila. Si Lasarus pun luu du ndooy tabeꞌ ni baanan jama mmeꞌ paharung ni si Isa.

Yahiya 12:2 ပူးပေါင်းရင်းမြစ်များ

Matiyu 26:6

Na sasang ga si Isa ndooy ni Betani, lay sila pa lumaꞌ disu lalla bay pingkaꞌ inipu inawnan si Saymon.

Malkus 14:3

Na waktu looy siꞌ, lay ga si Isa ndooy ni Betani ni lumaꞌ disu lalla inawnan si Saymon ma bay pingkaꞌ inipu. Pag-anu siꞌ, sasang ga si Isa mangan ndooy, luu na baw pasōng pa mman na disu danda moo katsaꞌ-katsaꞌ dorogan pannoꞌ meꞌ insallan hamut landuꞌ hagaan inawnan nalda. Pag-anu, lay pongan na kallong katsaꞌ-katsaꞌ looy boꞌ tumpahan na insallan hamut looy taꞌ kōk si Isa.

Lukas 12:37

Bong ina siga ata ndang saddiya na ni katakka papuꞌ da, mastiꞌ sinupaatan jaꞌ sila. Tandaꞌ papuꞌ da kasulutan ninsila, saynan na na sina badjuꞌ na, boꞌ na matingkōꞌ ga ata na ni lamisahan na. Pag-anu, boꞌ iya na ya motangan sila.

Lukas 14:12

Pag-anu siꞌ, yuk si Isa ni Parisi looy ma bay moo iya mangan, “Bong ko ngaddoꞌ jama mangan-mangan ni lumaꞌ nu, daa sat ga bagay nu jaꞌ atawa siga danganakan nu kaddoꞌ nu. Damikiyan, daa sat ga lūng-kampung nu atawa jama bihing lumaꞌ nu ma dayahan kaddoꞌ nu. Bong ina meꞌ sila jaꞌ kaddoꞌ nu, yaꞌ du luu tungbas Tuhan ningkau batan ga jama meꞌ looy ilay siꞌ, ndang luu na du dapat da nungbasan kau.

Lukas 22:27

Ni bandingan manusiyaꞌ, mas patingkat jama ma binotangan ni lamisahan man ilooy ma motangan iya. Sugaꞌ ningkitabi, saꞌ meꞌ looy. Akigun bi jaꞌ suntuan ku batan halloman ku bay dambuwaꞌ ka kaam, bbuwatan ku ngintu jama.

Lukas 5:29

Na song hallom, lay na baw si Libay ballang mehe ni lumaꞌ na man na ngalak si Isa. Ndooy siꞌ, meka du tukang ninga sukay ka ga jama sarī bay mmeꞌ paharung mangan.

Siga Pakaradjaan bay Pinalahil 3:20

“Aku itu meꞌ sapantun jama nangge ni poan lawang bi nugtug kawu-kawu binukisan. Na soysoy ina bay kale suwara ku sampay nohoꞌ aku paasok, malaingkan paasok du ku pa mman na sampay mmeꞌ na ku pasawu mangan niiya.