Yahiya 12:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Na pag ndaꞌ siga Parisi meꞌ looy na, yuk da padisu-padisu, “Tud yaꞌ na bitu luu sōng bay sangsāꞌ tabi noan ga jama looy. Ndaun bi doꞌ ba pilay! Katis na jama junyaꞌ mmeꞌ niiya.”

Yahiya 12:19 ပူးပေါင်းရင်းမြစ်များ

Matiyu 21:15

Sugaꞌ pag takita siga imam langkaw ka ga guru saraꞌ agama ndooy siga pakaradjaan kahaylan-haylan bay pabuwat si Isa, tud bay dugahan sila. Boꞌ lay gi magdaruhun duga da pag takale da siga anak-anak ni langga mehe howap lagi nohoꞌ pinudji panubuꞌ Sultan Daud.

Yahiya 12:20

Na ni mimon jama ma bay pilay pa Jerusalem mmeꞌ numba ni paballangan looy siꞌ, luu du tabeꞌ kasohean bangsa Greek.

Yahiya 17:21

Maꞌ, paku ku batnaa, pagsidambuwaun sa atay da sikamimon. Yana meꞌ kita dambuwaꞌ atay, kamura-murahan sila pun dambuwaꞌ atay du ka kita supaya pitsayaꞌ na manusiyaꞌ tud kau bay mapitu aku.

Yahiya 3:26

Dari ilooy ma lay sila pa mman si Yahiya mangaruha. Sugaꞌ duhuꞌ yuk da niiya, “Tuwan Guru, lalla looy ma bay soheꞌ nu sitammu ndooy ni dambilaꞌ Sōng Juldan, ilooy ma bay awnan nu lakka man Tuhan, meꞌ kau na du la batnaa mandi jama. Boꞌ bahuklud na ga jama mimon pilay pa mman na nohoꞌ pinandi.”

Salsila siga Rasul 17:6

Pag yaꞌ jaꞌ tatammu da, si Jason na baw ka ga kasohean pagkahi na sukuꞌ si Isa lay guyud-guyud da pa awpan siga saraꞌ ni daira da. Boꞌ maghowapan na pin sila sa tahaꞌ-tahaꞌ lān song da pilay. Takka jaꞌ siꞌ sila, yuk da, “Si Jason itu bay ngannaꞌ duwa jama maat ni lumaꞌ na. Boꞌ ga jama looy ilay sikaduwa, bbuwatan da ngalataan kalahat-lahatan buwat kalingogan paninggai-paninggai jaꞌ. Boꞌ masi gi silay sila luntuu ni daira tabi. Sila ilay ka ga mimon pagkahi da nguntra pamarinta Panghuluꞌ Sultan. Baꞌ-bāꞌ da, luu gi konoꞌ sultan sarī subay binean pinag-awnan si Isa.”

1 Yahiya 2:2

Ni gasad bayaꞌ na, lay na sambut na mulkaꞌ Tuhan mari tatanggung na mimon dusa tabi supaya tabi taampun na meꞌ Tuhan. Boꞌ saꞌ sat mimon dusa tabi bay tanggung na, arapun sampay dusa manusiyaꞌ labbasakayi, lai du tanggung na.