Yahiya 11:55 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵⁵ Na song hallom, tapit na baw pabalik paballangan bangsa Yahudi, yana paballangan Ngalingkaꞌ. Dari meka jama man kadilehan luꞌ pilay pa Jerusalem yaꞌ gi bay nagnaꞌ paballangan looy. Bbuwatan da siꞌ ngikut arat agama da mandi doꞌ duhuꞌ supaya sila sutsiꞌ ni paballangan looy.

Yahiya 11:55 ပူးပေါင်းရင်းမြစ်များ

Panagnaan 35:2

Yaꞌ gi siꞌ sila bay palakka man Sekem, yuk si Yaꞌkub ni paglūng na sampay na mimon jama na, “Bong luu tuhan-tuhan bi, labbahan bi na. Maka mandi na kam, boꞌ sayin na kam ka pamakoy ma yaꞌ lamaꞌ man bi muwan sipat doman kam sutsiꞌ pa Tuhan.

Matiyu 26:1

Pag lupus jaꞌ siꞌ si Isa bay nabbut pakaradjaan meꞌ looy siꞌ, yuk na ni siga mulit na,

Matiyu 26:2

“Ndang katoonan bi na du, njawom duwa ngallaw taabut na paballangan Ngalingkaꞌ. Ni waktu looy ilay mintu sinungkuban na Anak Manusiyaꞌ boꞌ llansang taꞌ tehang sampay matoy.”

Malkus 14:1

Na paddus meꞌ looy, duwa ngallaw sa taabut na paballangan Ngalingkaꞌ ka paballangan Tinapay Yaꞌ Magpasulig. Kuwan siga imam langkaw ka ga guru saraꞌ agama, ndang miha na pin lawang man da nungkuban si Isa gantaꞌ yaꞌ tasayu jama supaya tapapatoy da na.

Lukas 22:1

Na ni waktu looy siꞌ, tapit na masa paballangan Tinapay Yaꞌ Magpasulig ma pinag-awnan du paballangan Ngalingkaꞌ.

Yahiya 12:1

Na nnom ngallaw gi siꞌ boꞌ nagnaꞌ paballangan Ngalingkaꞌ, lay na baw ga si Isa pilay balik pa Betani, yana kawum si Lasarus, lalla looy ma bay pinakallum meꞌ na.

Yahiya 13:1

Na tapit jaꞌ siꞌ paballangan Ngalingkaꞌ, ndang katoonan si Isa na tapit na waktu man na ngambanan junyaꞌ sampay pabeleng pa mman Mmaꞌ na. Na iya siꞌ tu, labba man sibuwa ngabut sampay pa katapusan, ndang maaseꞌ ya ni siga mulit na ntuu ni junyaꞌ.

Yahiya 18:28

Pag deꞌ subu, lay na baw si Isa binoo meꞌ siga pa-mmean Yahudi lakka man lumaꞌ Imam Kayapas pa astanaꞌ Gubnul Pilatu. Sugaꞌ yaꞌ sila kuhi paasok sabap njawom saraꞌ agama da, bong sila nabbaꞌ ni lumaꞌ jama saꞌ Yahudi, katamak ninsila, sampay yaꞌ na sila kapalamud mmeꞌ mangan ni paballangan Ngalingkaꞌ.

Yahiya 2:13

Na pagka tapit na paballangan bangsa Yahudi inawnan Ngalingkaꞌ lay na ga si Isa patukad pa Jerusalem mmeꞌ ballang.

Yahiya 2:6

Na ndooy siꞌ, luu nnom poga mehe man ngannaꞌ boheꞌ halliꞌ man siga Yahudi ngikut arat agama da nutsiꞌ tangan da. Njawom disu poga kira-kira ngisi ga dahatus liter.

Yahiya 5:1

Pag-anu, luu na baw disu waktu lay patukad ga si Isa pa Jerusalem ngaluruk ni paballangan bangsa Yahudi.

Yahiya 6:4

Jaman looy siꞌ, tapit na baw balik paballangan bangsa Yahudi, yana paballangan Ngalingkaꞌ.

Salsila siga Rasul 21:24

Na bong si kadarihan ningkau, mmeꞌ na doꞌ ko ninsila pa langga mehe. Maka matabeꞌ na doꞌ ko dī nu ninsila magtaat nutsiꞌ baran da. Maka atasun mimon gastus kulban da supaya takukuhan na kōk da meꞌ imam tandaꞌ lay na tuman da najal da. Meꞌ looy ilay, tumatandaꞌ na ni sikamimon yaꞌ du mawjud habal looy siꞌ pasal kau. Batan takita da na masi gi du ko mogbogan saraꞌ Nabi Musa.

Salsila siga Rasul 21:26

Dari pag meꞌ sumawung, lay na du si Pol mmeꞌ ni ga lalla looy sika-mpat pilay pa langga mehe nutsiꞌ dī da man da numan najal da. Sasang da ndooy, lay si Pol pa mman imam mahati bong llaw oy katapusan pituꞌ ngallaw man da nutsiꞌ dī da. Batan pag lupus, talpaksaꞌ ga si Pol ka ga soheꞌ na moo hayop man ngulban.

Salsila siga Rasul 24:18

Dari siꞌ sasang ku ni langga mehe bay nutsiꞌ dī ku ni lanan arat agama bangsa kami, lay ku takita meꞌ kasohean Yahudi man Asiya. Waktu looy siꞌ, yaꞌ du meꞌ noy eka jama ndooy maka yaꞌ du ku bay mōꞌ hiluhalaꞌ.

1 Korin 11:28

Sangkon, tuktuk bi mangan tinapay ka nginum tubaꞌ anggul meꞌ looy, paliksaun bi doꞌ duhuꞌ kawul-piil bi bong tuwaꞌ meꞌ bi buwat pagkahi bi atawa niyaꞌ. Bong ndaꞌ bi yaꞌ tuwaꞌ pabuwatan bi, nawbat na doꞌ kam duhuꞌ, boꞌ bi mangan ka nginum.

Yaꞌkub 4:8

Patapit na kam pa Tuhan, boꞌ na patapit pa mman bi. Kaam ma amu-amu buwat dusa, labbahan bi na dusa bi. Kaam ma duwa-duwa pikilan bi, patattogun bi na pamiki bi mmeꞌ ni Papuꞌ.