Yahiya 11:44 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴⁴ Dari siꞌ, sarunduun du pōꞌ si Lasarus. Boꞌ masi gi battis-tangan na bay talibod ka kuku poteꞌ sampay luwa na masi gi du luu ka putus na. Yuk si Isa ninsila, “Lakkahan bi na libod baran na mari sumunsayaꞌ na ya lumān.”

Yahiya 11:44 ပူးပေါင်းရင်းမြစ်များ

Panagnaan 1:3

Pag-anu siꞌ, magpalman na Tuhan, yuk na, “Pōꞌ ko dantaꞌ.” Dari ilooy ma luu du dantaꞌ.

Malkus 5:43

Sugaꞌ lay sila inamay-amayan meꞌ si Isa yaꞌ nohoꞌ māꞌ ni jama bong oy bay pabuwat na. Maka lay na sohoꞌ na anak-anak looy pinakan ninsila.

Lukas 19:20

“Pag takka disu, yuk na, ‘Ampun Sultan, atu na sīn nu bay mbanan nu man ku. Bay jaꞌ situ nnaꞌ ku paayad pinutus njawom saputangan.

Lukas 7:15

Pag-anu, ilooy ma bangun du lalla looy sampay mitsala na ga. Dari siꞌ, yuk si Isa ni nneꞌ na, “Atu na Daꞌ anak nu.”

Yahiya 10:30

Kami tu ka Mmaꞌ ku tibuuk.”

Yahiya 11:39

Pag-anu siꞌ, yuk na, “Lakkahan bi na batu naa.” Sugaꞌ yuk si Malta, “Uy Papuꞌ, luu na mpat ngallaw halloman na bay kinubu. Haluꞌ na bilay mayat na.”

Yahiya 11:43

Lupus jaꞌ siꞌ si Isa bay halling meꞌ looy, ilooy ma lay ya ngingan pahaddo, yuk na, “Ū Lasarus, pōꞌ na ko!”

Yahiya 19:40

Lay jaꞌ siꞌ paduwai da mayat si Isa, lay na llibod ka kuku poteꞌ sambayan da mudburan baddak looy meꞌ ndang tabiat bangsa Yahudi malihalaꞌ mayat.

Yahiya 20:5

Sugaꞌ yaꞌ gi baw ya bay paasok. Pag kokoꞌ na ngandaꞌ pa jawom kubu looy, ilooy sa takita na kuku poteꞌ man bay nungkus mayat si Isa.

Yahiya 20:7

maka bay putus kōk si Isa. Sugaꞌ putus looy siꞌ ndang lay na llappot boꞌ lay inannaꞌ di-dī na.

Yahiya 5:21

Batan yana meꞌ Mmaꞌ ku makallum jama lay na matoy, damikiyan meꞌ aku pun Anak na, kapakallum du soysoy karomanan ku.

Yahiya 5:25

“Baan ta kam banahan, tapit banahan na situ waktu sagannap ma tiksaꞌ nyawa da kale suwara Anak Tuhan nginganan sila. Sagannap ma ngahasi iya, mastiꞌ koleꞌ kaallum bahau.

Pilipi 3:21

Maka iya du agad tabi nganggantian baran tabi ma sallahan ka baran ma llum saumu-umu meꞌ karuha niiya. Iya ilay buwat meꞌ looy ni kaehe kawasa na magbayaꞌ ni jataꞌ mimon-mimon.

Siga Pakaradjaan bay Pinalahil 1:18

Aku na situ ginalla ‘Ilooy ma Llum.’ Bay baw ku situ pingkaꞌ matoy, sugaꞌ ndaun na, itu na ku llum pabalik, boꞌ saumu-umu na situ kaallum ku. Aku na situ ngantanan kawasa-kapatut maddusan manusiyaꞌ man kapatoy sampay man tahanan jama matoy.