Yahiya 11:42 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴² Ndang katoonan ku du wā ko pakale niyaku. Sugaꞌ lay jaꞌ ku halling meꞌ tuu kalnaꞌ baanan jama ntuu supaya sila pitsayaꞌ tud bana kau bay mapitu aku.”

Yahiya 11:42 ပူးပေါင်းရင်းမြစ်များ

Matiyu 26:53

Yaꞌ kina tabista nu bong ku maku tabang man Mmaꞌ ku, mastiꞌ sarunduun du sohoꞌ na pūan libu malaikat pa mman ku?

Yahiya 11:22

Kamasaꞌ katoonan ku du bina san batnaa masi gi du ko nduwan meꞌ Tuhan oy-oy paku nu.”

Yahiya 11:31

Kuwan siga Yahudi ma ngug-ngugan si Mariyam njawom lumaꞌ, pag takita da si Mariyam nangge deꞌ-dēꞌ pōꞌ, lay du sila pauru. Kanna da ga pilay na baw ya pa kubu balik maglinduhan danganakan na.

Yahiya 11:43

Lupus jaꞌ siꞌ si Isa bay halling meꞌ looy, ilooy ma lay ya ngingan pahaddo, yuk na, “Ū Lasarus, pōꞌ na ko!”

Yahiya 12:11

Batan sabapan na, meka na Yahudi patatak man baanan da sampay pitsayaꞌ na ni si Isa.

Yahiya 12:17

Na kon sakiyan jama bay bahuklud pilay nampang si Isa sabap bay sila kaakahan bay bbuwatan na makallum si Lasarus. Batan sagannap ma bay ngita si Isa nohoꞌ si Lasarus pōꞌ man jawom kubu, yaꞌ na luu hantiꞌ da nuntutan jama.

Yahiya 17:21

Maꞌ, paku ku batnaa, pagsidambuwaun sa atay da sikamimon. Yana meꞌ kita dambuwaꞌ atay, kamura-murahan sila pun dambuwaꞌ atay du ka kita supaya pitsayaꞌ na manusiyaꞌ tud kau bay mapitu aku.

Yahiya 17:25

“Maꞌ, kau ma intong gi man intong, minsan ko yaꞌ kinatoonan meꞌ sagannap ma yaꞌ pitsayaꞌ niyaku, bong aku, mastiꞌ katoonan ta jaꞌ ko. Maka siga mulit ku pun itu, katoonan da na du kau bay mapitu aku.

Yahiya 17:8

Mimon bay sohoꞌ nu pinamāꞌ niyaku, lay na pasampay ku ninsila, sampay lay na du bay kinapitsayaan meꞌ da. Katoonan da na bana aku lakka mman nu. Pitsayaꞌ na sila kau bay mapitu aku.

Yahiya 20:31

Sugaꞌ kasohean lay patabeꞌ ku ntuu supaya kam pitsayaꞌ si Isa yana Almasi, maka iya Anak Tuhan. Batan bong ina kam pitsayaꞌ na niiya, malaingkan koleꞌ kam kasampulnaan nyawa saumu-umu.

Yahiya 3:17

Tuhan ilay bay mapitu Anak na pa junyaꞌ, maksud na nalamat manusiyaꞌ, saꞌ ga ngalabuan sila hukuman.

Yahiya 8:16

San sabagay ku manding, mastiꞌ intong jaꞌ bandingan ku, batan saꞌ sat aku manding, luu gi limbang ku, yana Mmaꞌ ku ma bay mapitu aku.

Yahiya 8:29

Ilooy ma bay sabbut ku siꞌ bay mapitu aku, luu na pin ya ngunungan aku. Yaꞌ situ ya nakkatan aku batan wā ku buwat ilooy ma nulut ni kahandak na.”

Yahiya 8:42

Yuk si Isa baw siꞌ tu, “Bong siꞌ bay mattan Tuhan Mmaꞌ bi, mastiꞌ maaseꞌ jaꞌ kam niyaku batan aku tu bay pitu lakka mman na. Yaꞌ ku bay pitu ni pamiki ku dī ku, arapun iya mismu bay mapitu aku.

Suwat si Pol pa mman Baanan Sukuꞌ si Isa ndooy ni Rom 8:3

Maruhuꞌ, holat tabi saraꞌ Tuhan katabang ningkitabi buwat kaintongan mari kitabi salamat. Salla na, yaꞌ luu manusiyaꞌ kabogbog batan landuꞌ basag napsu da moo-moo sila buwat dusa. Kahapan, magsuku pa Tuhan, luu na bay sohoꞌ na pitu Anak na pa junyaꞌ nalamat kitabi. Iya ilay bay dari manusiyaꞌ meꞌ kitabi du. Pagbiddaan na, kuwan iya, yaꞌ luu dusa na samasakali. Kon na bay dari manusiyaꞌ meꞌ kitabi supaya tasongan na umu na man nanggung mulkaꞌ ni mimon dusa tabi. Dari njataꞌ kapatoy na, lay na llangkat meꞌ Tuhan kawasa napsu tabi ma bay moo-moo kitabi buwat dusa.

Galatiya 4:4

Sugaꞌ pag taabut na gantaan Tuhan, lay na papitu na Anak na pa junyaꞌ, boꞌ na dari manusiyaꞌ pinamaddihan leꞌ danda meꞌ karuha kitabi du. Maka iya ilay bay du lumingkaꞌ njawman sakup saraꞌ Nabi Musa.

Hibrani 5:7

Na jaman si Isa ntuu ni junyaꞌ, daran ya maku duwaa maka tamūd njawom duwaa na ngattap na ga boheꞌ mata na sambayan na killahap. Bbuwatan na nganjunjung pa Tuhan batan isu-isu Tuhan kasalamat iya man kapatoy na. Dari sabap iya jama lillaꞌ jaꞌ pa Tuhan, lay du bay pinaruli duwaa na.

Hibrani 7:25

Sangkon, tapajatu na na banahan nalamat sagannap ma doman mahap na pa Tuhan, basta sila pitsayaꞌ jaꞌ niiya. Iya ilay llum saumu-umu maka wā ya makuhan sila timbang pa Tuhan.

1 Yahiya 4:14

Kami situ mismu bay ngita Anak Tuhan. Sangkon kabāꞌ kami tud mawjud Mmaꞌ na bay mapitu iya nohoꞌ nalamat manusiyaꞌ.