Yahiya 11:41 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴¹ Dari siꞌ, lay na du lakkahan da batu looy. Pag-anu, lay si Isa pahangad sambayan na halling, “Ū Maꞌ, magsuku lay ku duwan nu.

Yahiya 11:41 ပူးပေါင်းရင်းမြစ်များ

Matiyu 11:25

Pus si Isa halling meꞌ looy, yuk na na baw pa Tuhan, “Maꞌ, meꞌ kau Papuꞌ mimon-mimon taꞌ gumi sampay taꞌ langit, magsuku ku ningkau. Batan kabanahan ma bay limbuhan nu ni siga jama ma milang dī da halul-akka ka lawom pangahati, palahil nu na ni jama ma kuhi tinoan meꞌ karuha anak-anak.

Matiyu 11:26

Kon nu nganggantaꞌ meꞌ naa sabap tud numan ni pamiki nu meꞌ looy.”

Matiyu 27:60

Si Yusup ilay ndang luu na kubu na bahau bay sohoꞌ na pinabuwat ni battisan pampang halliꞌ ni dī na. Dari ndooy na man na bay nampat si Isa. Pag lupus, lay na baw sohoꞌ na lligiran batu mehe man nambo behe kubu looy, boꞌ na lay lakka.

Malkus 15:46

Dari siꞌ, bbuwatan si Yusup, lay malli kuku poteꞌ sampay lay na paduwai na mayat si Isa boꞌ tinungkus. Pag-anu, boꞌ na tinampat ni kubu ma bay pinabuwat ni battisan pampang. Pag-lupus, lay na baw sohoꞌ na lligiran batu mehe man bay nambo behe kubu looy.

Lukas 10:21

Na ni waktu looy siꞌ, katakkahan na si Isa kagakan mehe meꞌ Rū Sutsiꞌ sampay yuk na pa Tuhan, “Maꞌ, meꞌ kau Papuꞌ mimon-mimon taꞌ gumi sampay taꞌ langit, pudji ta ko. Magsuku ku ningkau sabap kabanahan ma bay limbuhan nu ni siga jama ma milang dī da halul-akka ka lawom pangahati, palahil nu na ni jama ma kuhi tinoan meꞌ karuha anak-anak. Lay na gantaꞌ nu meꞌ looy batan ilooy kasulut ningkau.”

Lukas 18:13

“Na kuwan tukang ninga sukay looy baw siꞌ, lay jaꞌ nangge didihan na palawak-lawak man ga jama ndooy. Patondok jaꞌ ya. Yaꞌ san ya tawakka ngandaꞌ pa jataꞌ tandaꞌ ni kaiyaꞌ na pa Tuhan. Bbuwatan na nugtug dakan na ni kasasso na ni bay kadarihan na sambayan na halling, ‘Tuhan, mangaku ku baldusa jaꞌ ku. Junjung ku na ningkau, panimbangan doꞌ ku.’ ”

Lukas 24:2

Tapit jaꞌ siꞌ sila, ndaꞌ da, ndang lay na lligiran batu mehe man bay nambo behe kubu looy.

Yahiya 11:22

Kamasaꞌ katoonan ku du bina san batnaa masi gi du ko nduwan meꞌ Tuhan oy-oy paku nu.”

Yahiya 17:1

Lupus si Isa siꞌ bay mitsala meꞌ looy, lay na ya pahangad pa taꞌ langit sambayan na halling, “Maꞌ, taabut na waktu bay gantaꞌ nu niyaku. Mōꞌ na ko kabantugan ni Anak nu mari ku kaboo kabantugan ningkau.

Yahiya 20:1

Na paddus jaꞌ siꞌ Llaw Pahali, sayu alab lagi ni llaw Ahad, lay na baw ga si Mariyam man Magdala pilay pa kubu looy, lindom lagi lahat. Pag takka ndooy, takita na na batu mehe man bay nambo behe kubu looy lay na lligiran pa bihing.

Salsila siga Rasul 7:55

Kuwan si Esteben baw siꞌ tu, ssob na meꞌ Rū Sutsiꞌ. Dari pag hangad na pa taꞌ langit, takita na na sahayaꞌ Tuhan maka si Isa nangge ni bihing Tuhan huwin pa kawnan.

Pilipi 4:6

Oy-oy jaꞌ katuwaꞌ ningkaam, daa kam susa. Gam pin maku kam pa Tuhan oy-oy jaꞌ gunahan ningkaam maka daa takupan bi muwan pagsukuhan niiya.