Yahiya 11:33 - Sabahagiꞌ Kitab Tawrat: Panagnaan ni Awwal Jaman maka Kitab Injil

³³ Pag takita si Isa si Mariyam sampay ga Yahudi looy ma bay mmeꞌ niiya nangis na pin, ilooy ma lassa hansu na ga atay na.

Yahiya 11:33 ပူးပေါင်းရင်းမြစ်များ

Malkus 3:5

Si Isa siꞌ tu, sasang na ngandaꞌ ninsila, maglamud na lasu na ka susa na ninsila sabap tumatandaꞌ yaꞌ san luu luuy da ni jama. Pag-anu, yuk si Isa ni lalla looy, “Pa-nnatun na tangan nu.” Pag nnat na, sarunduun du ya kasay.

Malkus 9:19

Yuk si Isa, “Uy la, angkat-angkatan batnaa tud kulang bitu pangando da pa Tuhan! Meꞌ noy na pin doꞌ tu hallom ku dambuwaꞌ ka kaam natasan arat bi boꞌ bi pitsayaꞌ?” Pag-anu, yuk na ni lalla looy siꞌ, “Bōn na pitu anak nu.”

Yahiya 11:19

Dari meka Yahudi bay pōꞌ man Jerusalem pilay pa mman si Malta ka si Mariyam ngug-ngugan sila.

Yahiya 11:31

Kuwan siga Yahudi ma ngug-ngugan si Mariyam njawom lumaꞌ, pag takita da si Mariyam nangge deꞌ-dēꞌ pōꞌ, lay du sila pauru. Kanna da ga pilay na baw ya pa kubu balik maglinduhan danganakan na.

Yahiya 11:34

Dari tilaw na ninsila, “Ninggai lay man bi bay nampat iya?” Pag tampung da siꞌ, “Mmeꞌ na ko Tuwan, boꞌ takita nu.”

Yahiya 11:35

Kuwan si Isa baw siꞌ tu, lay na kapanangis.

Yahiya 11:38

Na kubu si Lasarus ilay, yana lowang pampang maka luu disu batu mehe man bay nambo. Pag takka si Isa pilay, lassa hansu na baw pabalik njawom atay na.

Yahiya 12:27

Pag-anu siꞌ yuk si Isa, “Tud susa atay ku batnaa sabapan kamalasahiyan ma song inawop meꞌ ku. Tud sobot pamiki ku bong oy subay halling ku ni Mmaꞌ ku. Bong ku nohoꞌ pinuwasan niiya, yaꞌ baw sikatuwaꞌ sabap ituu na situ ndang bay maksud ku pitu.”

Yahiya 13:21

Lupus jaꞌ siꞌ si Isa bay halling meꞌ looy, takka na baw susa atay na. Dari yuk na, “Baan ta kam banahan, luu sina kam mintu disu nipu aku.”

Suwat si Pol pa mman Baanan Sukuꞌ si Isa ndooy ni Rom 12:15

Bong takita bi pagkahi bi gāk, mmeꞌ du kam gāk. Bong takita bi susa, mmeꞌ du kam susa.

Hibrani 4:15

Meꞌ iya ina panghuluꞌ imam tabi, tahati na kulang kawasa manusiyaꞌ man naggaꞌ siga sasat seytan. Takissa na parasahan tabi sabap iya mismu lay du lumingkaꞌ ni jinisan sasat seytan meꞌ karuha ningkitabi du. Sat na jaꞌ kuwan niiya, yaꞌ luu dusa na samasakali.