Yahiya 11:32 - Sabahagiꞌ Kitab Tawrat: Panagnaan ni Awwal Jaman maka Kitab Injil

³² Na pag takka jaꞌ siꞌ si Mariyam ndooy mman si Isa, bbuwatan na sujud ni awpan na sambayan na halling, “Papuꞌ, bong siꞌ ko la bay ntuu, yaꞌ na bay matoy danganakan kami.”

Yahiya 11:32 ပူးပေါင်းရင်းမြစ်များ

Lukas 17:16

Pag takka na pa mman si Isa, lay ya sujud ni awpan na sambayan na magsuku. Iya ilay siꞌ bangsa Samariya.

Lukas 5:8

Pag ndaꞌ si Saymon Pitel ka ga soheꞌ na biddaꞌ na eka daying bay takoleꞌ da, tud bay haylan sila. Sampay siga soheꞌ si Saymon ni bagung looy disu, yana si Yaꞌkub ka si Yahiya, ga anak si Sibidi, tud bay du haylan. Pag tabista si Saymon meꞌ looy na kawasa-kapatut si Isa, ilooy ma lay ya nangge ka tuut na ni awpan na sambayan na halling, “Papuꞌ, san bitu ku mbanan nu na. Yaꞌ san ku pataꞌ dambuwaꞌ ka kau batan aku itu baldusa.” Pag-anu, yuk si Isa ni si Saymon, “Daa ko ba tawu. Labba man batnaa, manusiyaꞌ na sina pinukut meꞌ nu.”

Lukas 8:41

Pag duwai si Isa, luu pasōng pa mman na disu pa-mmean langga inawnan si Jayrus. Luu jaꞌ siꞌ ya ni awpan si Isa, lay ya sujud sambayan na maku junjung moo iya pa lumaꞌ da

Yahiya 11:2

Si Mariyam siꞌ tu, ilooy na danda ma bay numpahan insallan hamut ni battis Papuꞌ Isa boꞌ na muusan battis na maka dūn kōk na. Dari pagka saki si Lasarus,

Yahiya 11:21

Pag takka si Malta pa mman si Isa, yuk na, “Papuꞌ, bong siꞌ ko la bay luntuu, yaꞌ na bay matoy danganakan kami.

Yahiya 11:37

Sugaꞌ yuk kasohean baw siꞌ tu, “Saꞌ ba, lay taulian na lalla looy ma bay buta? Sugaꞌ ongoy baw taggahaꞌ yaꞌ bay pōꞌ na kawasa na supaya yaꞌ bay matoy imuwa si Lasarus?”

Yahiya 4:49

Sugaꞌ amu-amu lalla looy nganjunjung, yuk na, “Ndūꞌ Tuwan, mmeꞌ na ko ba palūd pilay padpad yaꞌ gi matoy anak ku.”

Siga Pakaradjaan bay Pinalahil 22:8

Na ilooy ilay siꞌ mimon ma bay tuntut ku, aku na mismu, yana si Yahiya, bay kale sampay bay ngita. Pus ku bay pinakitahan mimon pakaradjaan looy siꞌ meꞌ malaikat looy, ilooy ma magti ku sujud numba ni battis na.

Siga Pakaradjaan bay Pinalahil 5:14

Pag-anu siꞌ, nampung na baw siga balnyawa looy sika-mpat, yuk da, “Amin.” Kuwan siga matatoa looy baw siꞌ tu sikaduwampuꞌ-mpat, haboy-haboy labbasakayi sujud sampay numba Tuhan ka Bili-bili looy.

Siga Pakaradjaan bay Pinalahil 5:8

Luu jaꞌ siꞌ mman na, kuwan ga balnyawa looy siꞌ sika-mpat ka ga matatoa looy sikaduwampuꞌ-mpat, lay magti sujud ni awpan na. Saliꞌ-saliꞌ na luu ka biyulla da sampay pinggan mmas pannoꞌ meꞌ bbūg. Kuwan bbūg looy, yana sipat ni siga duwaa ga sukuꞌ Tuhan.