Yahiya 11:28 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁸ Pus si Malta halling meꞌ looy, lay na ya pabeleng pa lumaꞌ, boꞌ na ngambay danganakan na si Mariyam pa bihing na. Pag-anu, yuk na ni si Mariyam, “Luu na la Tuwan Guru nilaw kau gi siꞌ.”

Yahiya 11:28 ပူးပေါင်းရင်းမြစ်များ

Matiyu 26:18

Tampung si Isa, “Pilay kam pa mman jama looy bay sabbut ku nsiniꞌ ndooy ni Jerusalem boꞌ baan bi ya, ‘Tugun Tuwan Guru nohoꞌ ko binaan tapit na waktu bay ginantaꞌ niiya. Maka doman konoꞌ ya mangan para paballangan Ngalingkaꞌ ka ga mulit na ni lumaꞌ nu.’ ”

Malkus 10:49

Pag-anu siꞌ, ilooy ma lay na patagong si Isa boꞌ na halling, “Sōn bi na ba ya pitu.” Dari lay na binaan meꞌ da lalla looy siꞌ ma buta, yuk da, “Daa na ko susa. Nangge na ko. Alay na ko sohoꞌ na pilay pa mman na.”

Malkus 14:14

Yuk bi ni jama ma dapu lumaꞌ looy, ‘Tugun Tuwan Guru nohoꞌ ko tinilaw bong ninggai man bilik halliꞌ man na mangan ka ga mulit na para ni paballangan Ngalingkaꞌ?’

Lukas 22:11

Takka ndooy, yuk bi ni jama ma dapu lumaꞌ, ‘Tugun Tuwan Guru nohoꞌ ko tinilaw bong ninggai man bilik halliꞌ man na mangan ka ga mulit na para ni paballangan Ngalingkaꞌ.’

Yahiya 1:41

Dari pag poleꞌ si Andru, lay doꞌ piha na danganakan na si Saymon. Pag tatammu na, yuk na, “Luu na la takka Almasi! Boꞌ lay gi kami sitammu ka iya!” (Hatiyan Almasi, ilooy ma bay inuwakilan meꞌ Tuhan magsultan saumu-umu.)

Yahiya 1:45

Na yaꞌ gi siꞌ sila bay lakka mandooy, lay doꞌ si Pilip miha bagay na si Natanyel. Pag tatammu na, yuk na, “Lay kami la sitammu ka lalla looy ma bay tinunaꞌ meꞌ Nabi Musa ka ga kanabi-nabihan njawom kitab. Awon na hati si Isa, lalla man Nasaret, anak si Yusup.”

Yahiya 10:3

Maka tuktuk na paasok, binukisan jaꞌ ya meꞌ tukang jaga lawang. Lagiꞌ na, bila ya mitsala, takila suwara na meꞌ siga bili-bili na. Dari linganan na siga bili-bili na disu-disu ddas ka awon da saliꞌ-saliꞌ, boꞌ da boo na pa poan.

Yahiya 11:20

Taaka jaꞌ siꞌ meꞌ si Malta luu na si Isa bay takka pa kawum da, lay du ya pilay nampang. Kuwan si Mariyam, lay tamban ni lumaꞌ.

Yahiya 11:29

Lay jaꞌ siꞌ kabaan si Mariyam, ilooy ma lay du magti pōꞌ sampay lay na pilay pa mman si Isa.

Yahiya 11:30

Na si Isa siꞌ tu, masi gi ndooy ni tagan man na bay sinampang meꞌ si Malta. Yaꞌ gi ya bay nakka kalumaan ni lahat looy.

Yahiya 13:13

Pahatiyan ta doꞌ kam. Saꞌ ba, meꞌ bi ngawnan aku, ‘Tuwan Guru’ maka ‘Papuꞌ’? Katuwaꞌ du silay kam sabap bana du.

Yahiya 20:16

Yuk si Isa baw siꞌ tu niiya, “Mariyam.” Dari ilooy ma lay ya paawop ni si Isa sambayan na halling ni pallun Hibrani, “Rabbuni!” Hatiyan na, “Guru”.

Yahiya 21:7

Pag-anu siꞌ, mulit looy ma nganggalla dī na ilooy ma kaasean si Isa bay halling ni si Pitel, “Papuꞌ bilay hati siꞌ ilooy!” Pag lay takale si Pitel, ilooy ma magti du ya mamakoy pabalik batan bay ya ngurus mari ya sumunsayaꞌ buwat. Pag-anu, boꞌ na kupa pa jawom boheꞌ pilay pa mman si Isa.

1 Tesaloneka 5:11

Sangkon sipaintom-paintom kam mari kagamgaman pamiki bi saliꞌ-saliꞌ. Maka patagguhun bi iman pagkahi bi meꞌ ndang kabiyasahan bi.

Hibrani 12:12

Sangkon na, kaam ma lamma na natasan kabinsanaan, patagguhun bi na iman bi. Ibaratan jama maglumbaꞌ sonse, tohasan bi na balik tuut bi.