Yahiya 11:25 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁵ Pag halling si Isa niiya, “Aku na situ makallum jama bay matoy batan aku poonan kaallum. Soysoy pitsayaꞌ niyaku, minsan ya matoy, llum du sina ya pabalik.

Yahiya 11:25 ပူးပေါင်းရင်းမြစ်များ

Lukas 23:43

Pag tampung si Isa niiya, “Baan ta ko banahan, llaw tuu du basta dambuwaꞌ du sina ko ka aku njawom patannaan ayad ma yaꞌ luu sibuꞌ sabanding na.”

Yahiya 1:4

Iya ilay yana poonan kaallum, boꞌ kaallum na ina yana sūꞌ man manusiyaꞌ ngita arat-tabiat Tuhan.

Yahiya 14:19

Yaꞌ na situ hallom, yaꞌ na ku takita leꞌ sagannap ma saꞌ sukuꞌ ku. Sugaꞌ bong baw kaam, sikita gi du sina mintu kitabi. Maka pagka ku itu mintu pinakallum du pabalik, mastiꞌ koleꞌ jaꞌ kam kaallum bahau.

Yahiya 14:6

Tampung si Isa, “Aku na bitu lān na. Damikiyan, aku du kabanahan sampay poonan kaallum. Yaꞌ sina luu takka pa mman Mmaꞌ ku bong saꞌ aku lān tinūs.

Yahiya 3:16

Biddaꞌ na sina ehe aseꞌ Tuhan ni manusiyaꞌ. Sangkon lay na pinaglillaꞌ meꞌ na Anak tungga na pinapatoy supaya soysoy pitsayaꞌ niiya yaꞌ na tanalkaꞌ, gam pin koleꞌ gi kasampulnaan nyawa ma yaꞌ luu katapusan na.

Yahiya 3:36

Dari soysoy ina pitsayaꞌ ni Anak na, luu na kasampulnaan nyawa na saumu-umu. Sugaꞌ soysoy ina yaꞌ pitsayaꞌ ni Anak Tuhan, malaingkan yaꞌ sina koleꞌ kasampulnaan nyawa sabap yaꞌ kuhi lakka mulkaꞌ Tuhan njataꞌ na.”

Yahiya 5:21

Batan yana meꞌ Mmaꞌ ku makallum jama lay na matoy, damikiyan meꞌ aku pun Anak na, kapakallum du soysoy karomanan ku.

Yahiya 5:26

Batan yana meꞌ Mmaꞌ ku poonan kaallum, damikiyan man gantaan na, aku pun poonan kaallum du.

Yahiya 6:35

Yuk si Isa, “Aku na situ makanan looy ma muwan kasampulnaan nyawa. Soysoy pa mman ku maka pitsayaꞌ niyaku, malaingkan yaꞌ na ya lingantu pabalik maka yaꞌ na du kuhi tohoꞌ kallong na saumu.

Yahiya 6:44

Ndang yaꞌ du sina luu kapa-mmeꞌ niyaku bong sila yaꞌ bay lliyun meꞌ Mmaꞌ ku ma bay mapitu aku. Boꞌ sagannap ma mmeꞌ niyaku, meꞌ bay halling sambat ku na siꞌ, pakallum ku du pabalik pag taabut llaw dambuli.

Salsila siga Rasul 3:15

Boꞌ ilooy ma poonan kaallum ma yaꞌ luu katapusan na, iya ya bay papatoy bi. Lipara luu du Tuhan bay makallum iya. Kami itu, kon kami kabāꞌ mattan llum na ya pabalik batan kami mismu bay kasakup.

Suwat si Pol pa mman Baanan Sukuꞌ si Isa ndooy ni Rom 4:17

Boꞌ sikatuwaꞌ bana ka suwat njawom kitab, ilooy ma yuk Tuhan ni Nabi Ibrahim, “Lai na ko bay peneꞌ ku binuwat mmaꞌ jinisan bangsa.” Na palman looy ilay siꞌ, lay na silay bana binakbul. Batan bong pa Tuhan, basta jama ngikut Nabi Ibrahim pitsayaꞌ, binilang na sila panubuꞌ Nabi Ibrahim san gi oy bangsa da. Na Nabi Ibrahim ilay, halloman yaꞌ gi ya bay anakan, amu-amu ya pitsayaꞌ ni janjiꞌ Tuhan binuwanan anak san ndaꞌ mata tunmanūn meꞌ na tinuman. Bistahun bi doꞌ, mag-umu na ya ga dahatus taun. Inaa ko ngawon, mas mehe gi dapat jama lay na matoy hanak man iya. Sitti Sara pun, bantuk yaꞌ na du luu dapat na battong sabap tupa na. Sugaꞌ san meꞌ looy, yaꞌ du bay maglumba meꞌ Nabi Ibrahim pitsayaꞌ. Batan bistahan na, Tuhan ma asahan na, yaꞌ luu saꞌ yaꞌ tapabuwat na. San jama lay na matoy, tapakallum na du. Damikiyan, bbuwatan ma yaꞌ gi bay luu, mastiꞌ tapaluu na du.

Suwat si Pol pa mman Baanan Sukuꞌ si Isa ndooy ni Rom 8:2

Lagiꞌ na, pag lay jaꞌ kitabi tibuuk ka si Isa Almasi, lay na kitabi binuwanan meꞌ Rū Sutsiꞌ kaallum bahau. Batan lay na kitabi paddusan Rū Sutsiꞌ man kawasa napsu tabi buwat dusa. Sangkon yaꞌ na tiksaꞌ nyawa tabi.

1 Korin 15:18

Boꞌ na, bong siꞌ ilay bay mawjud meꞌ looy, malaingkan siga danganakan tabi sukuꞌ Almasi pun ma lay na matoy, yaꞌ na du luu katimbuhan nyawa da.

1 Korin 15:29

Balik ta pa hāl jama llum pabalik. Bong ilay bana jama ma lay na matoy yaꞌ na pinakallum, oy sabap kasohean nohoꞌ pinandi para pagkahi da ma lay na matoy? Oy pus da buwat meꞌ looy bong yaꞌ na du pinakallum pabalik siga pagkahi da?

2 Korin 4:14

Dari masaplag na pin kami san gi man kami matoy. Batan katoonan kami pagka Tuhan lay makallum Papuꞌ Isa, mastiꞌ pakallum na du kami sabap tibuuk na kami ka iya. Sarī man kami, sampay ina kaam, pinakallum du sina mintu supaya kam tabeꞌ na ningkami binoo meꞌ Tuhan pa awpan na.

Pilipi 1:23

Kaawran ku mamiki. Bong siꞌ aku kabean, doman na ku ngambanan junyaꞌ tuu batan mas mahap gi niyaku kapagdambuwaꞌ na ka Almasi.

Pilipi 3:10

Kainagon ku magsasōng na pin meꞌ ku toon Almasi. Maka kainagon ku luu na pin kawasa Tuhan njataꞌ ku ngahalin pangatayan ku, meꞌ karuha basag kawasa na bay makallum Almasi pabalik. Maka doman du ku nūs limpaꞌ Almasi bay lumingkaꞌ ni jinisan kamalasahiyan kalnaꞌ Tuhan. Maka doman du ku ngikut tabiat na. Dari meꞌ iya na du ku yaꞌ mean kahandak ku supaya tabean ku na kahandak Tuhan san gi man ku patuhut meꞌ bay kapatoy Almasi.

1 Tesaloneka 4:14

Boꞌ ningkitabi itu, luu holat tabi, batan lay na kitabi mindoga ni bay kadarihan si Isa. Lay jaꞌ siꞌ ya matoy, lay du ya llum pabalik. Dari manganna na kitabi, pagka si Isa bay pinakallum meꞌ Tuhan, malaingkan siga sukuꞌ na pun ma lay na matoy, mastiꞌ pinakallum du, boꞌ da binoo meꞌ Tuhan pa mman si Isa.

Siga Pakaradjaan bay Pinalahil 1:18

Aku na situ ginalla ‘Ilooy ma Llum.’ Bay baw ku situ pingkaꞌ matoy, sugaꞌ ndaun na, itu na ku llum pabalik, boꞌ saumu-umu na situ kaallum ku. Aku na situ ngantanan kawasa-kapatut maddusan manusiyaꞌ man kapatoy sampay man tahanan jama matoy.

Siga Pakaradjaan bay Pinalahil 20:5

Ga jama looy siꞌ yana baanan manusiyaꞌ ma duhuꞌ pinakallum pabalik. Njawom supaat sila maka initung meꞌ Tuhan sutsiꞌ. Yaꞌ sila ngissahan kapatoy ni kaduwa na, yana kamalasahiyan njawom danaw looy ma pannoꞌ leꞌ api. Gam pin lay gi sila binuwat baanan imam ma numba Tuhan ka Almasi. Boꞌ na, tumabeꞌ gi sila ni Almasi magsultan njawom dalibu taun looy. Kuwan manusiyaꞌ ilooy kasohean ma lay na matoy, noy paddus na dalibu taun looy boꞌ da pinakallum.

Siga Pakaradjaan bay Pinalahil 21:4

Sagannap ma tumabeꞌ njawom daira looy, pinuusan na sina meꞌ Tuhan mimon boheꞌ mata da. Yaꞌ na luu kinasusahan ndooy. Kapatoy pun, ya na du luu. Damikiyan dukka maka tangis sampay paddi, yaꞌ na du luu ndooy, batan siga pakaradjaan maruhuꞌ meꞌ looy lay na lanyap.”

Siga Pakaradjaan bay Pinalahil 22:1

Pag-anu siꞌ, pinakitahan na baw ku meꞌ malaikat looy disu sōng ma muwan kaallum saumu boheꞌ na. Sōng looy siꞌ nginggat na maka tallak meꞌ sammin na, pōꞌ man paningkoan Tuhan ka Bili-bili looy.

Siga Pakaradjaan bay Pinalahil 22:17

Pag-anu, yuk Rū Tuhan ka sagannap ma ginalla pangantin ma danda, yana mimon sukuꞌ Papuꞌ Isa, “Pitu na ko.” Damikiyan sagannap ma pakale ni bitsala njawom kitab tuu siꞌ halling du, “Pitu na ko.” Na soysoy tohoꞌ kallong bi, pitu na kam nginum boheꞌ ma muwan kaallum. Libre jaꞌ sina ni soysoy doman nginum.