Yahiya 10:38 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁸ Sugaꞌ pagka lai, minsan kam yaꞌ doman pitsayaꞌ ni bitsala ku, subay siꞌ pitsayaꞌ na kam niyaku sabapan siga pabuwatan meꞌ looy. Bong siꞌ ilay kam bay mindoga ni siga pabuwatan looy, tahati bi jaꞌ sampay tatantu bi na tibuuk kami ka Mmaꞌ ku.”

Yahiya 10:38 ပူးပေါင်းရင်းမြစ်များ

Yahiya 10:25

Pag tampung si Isa siꞌ, “Bay na kam bilay baan ku, sugaꞌ yaꞌ du kam bay pitsayaꞌ. Sarī gi, siga pabuwatan kahaylan-haylan bay pabuwat ku ni awon Mmaꞌ ku, lay na du mōꞌ buktiꞌ bong soy ku.

Yahiya 10:30

Kami tu ka Mmaꞌ ku tibuuk.”

Yahiya 11:4

Lay jaꞌ siꞌ si Isa kabaan, yuk na ni siga mulit na, “Saki na bilay, saꞌ gi du kapatoy katobtoban na. Arapun pinakoy jaꞌ silay mintu man malahil kawasa Tuhan supaya koleꞌ kabantugan mehe Anak na.”

Yahiya 14:20

Ni waktu looy ilay mintu, bohoꞌ tabistu bi na kami ka Mmaꞌ ku tibuuk, maka kaam pun ka aku tibuuk du.

Yahiya 17:11

Batnaa tu, yaꞌ na ku hallom taꞌ junyaꞌ tuu batan song pilu na ku pa mman nu. Sugaꞌ siga mulit ku, tamban na jaꞌ ntuu. Sangkon Maꞌ, kau Mahasutsiꞌ, tabangan nu sa sila supaya sila kanaalla ni awon nu yana awon ma bay dean nu aku. Meꞌ naa ina, meꞌ kita na du sila dambuwaꞌ atay.

Yahiya 3:2

Disu sangom, lay ya pilay pa mman si Isa. Takka ndooy yuk na, “Tuwan, katoonan kami kau guru lakka man Tuhan. Yaꞌ sina ko kapōꞌ siga pakaradjaan kahaylan-haylan meꞌ ilooy ma bay pabuwat nu bong yaꞌ luu kawasa Tuhan njataꞌ nu.”

Yahiya 5:36

Sugaꞌ luu gi silay man jama mindoga bong soy ku labi gi man bay bitsala si Yahiya, yana siga pabuwatan kahaylan-haylan bay pōꞌ ku man panohoan Mmaꞌ ku. Siga pabuwatan looy ilay, ilooy na buktiꞌ Mmaꞌ ku bay nohoꞌ aku pitu. Boꞌ tud subay pupus ku mimon ma bay sohoꞌ Mmaꞌ ku.

Salsila siga Rasul 2:22

Na lupus jaꞌ siꞌ si Pitel bay maintoman sila palman looy siꞌ, yuk na, “Kaam, siga pagkahi ku bangsa Israil, pakalehun bi doꞌ bitsala ku. Paintoman ta doꞌ kam pasal si Isa, lalla looy man Nasaret ma bay pinapitu meꞌ Tuhan. Tuhan ilay bay mōꞌ buktiꞌ si Isa lakka man iya batan luu na pin ya nganggaosan iya buwat jinisan pabuwatan kahaylan-haylan ka sipat kawasa. Kaam pun ina, katoonan bi na du bana bitsala ku batan meka sipat kawasa bay pabuwat si Isa ni pag-awpan bi.

1 Yahiya 3:24

Soysoy ngasip ni siga panohoan Tuhan, tattog ya ni Tuhan maka Tuhan pun tattog du niiya. Man tabi toon tattog Tuhan ningkitabi man sabapan Rū na ma bay patannaꞌ na njawom atay tabi.