Yahiya 10:31 - Sabahagiꞌ Kitab Tawrat: Panagnaan ni Awwal Jaman maka Kitab Injil

³¹ Pag takale siga Yahudi meꞌ looy, ilooy ma lay na baw sila balik mūt batu man mapatoy iya.

Yahiya 10:31 ပူးပေါင်းရင်းမြစ်များ

Matiyu 12:14

Pag ndaꞌ siga Parisi meꞌ looy, lay sila lakka man langga, boꞌ da isun bong pooy meꞌ da mapatoy si Isa.

Matiyu 21:35

Sugaꞌ pag takka ga ata na, gam pin lay sila sinungkuban meꞌ siga panungguꞌ kabbun looy. Kuwan disu lay llagpiꞌ, disu lay hiniyak ka batu, maka disu lay pinapatoy.

Matiyu 23:35

Sangkon, kalabuan jaꞌ sina kam mulkaꞌ Tuhan. Batan meꞌ Tuhan mista, kaam na ina bay mapatoy mimon jama intong ma bay mean kahandak na, labba man anak Boꞌ Adam, yana si Habil, ngabut sampay anak si Baraki, yana Nabi Zekaraya ma bay papatoy bi ni sallangan langga ka pangulbanan.

Yahiya 1:19

Na hallom maka hallom na, lay taaka meꞌ siga pa-mmean Yahudi ndooy ni Jerusalem pasal pabuwatan si Yahiya mandi jama. Dari lay sila nawag siga imam ka ga panubuꞌ si Libay kasohean, boꞌ da sinohoꞌ pilay nilaw bong iya na Almasi atawa ssaꞌ gi.

Yahiya 10:24

Yaꞌ hallom, liput na baw ya meꞌ siga Yahudi, yuk da niiya, “Meꞌ noy na pin doꞌ itu halloman kami pabiya nu papiha-piha bong soy ko? Bong kau na Almasi, māꞌ na ko ba banahan.”

Yahiya 10:32

Sugaꞌ yuk si Isa ninsila, “Meka na bilay pabuwatan mahap bay pinōꞌ meꞌ ku ningkaam. Boꞌ labbasakayi man panohoan Mmaꞌ ku niyaku. Dari mamooy baw lay siꞌ siga pabuwatan mahap looy poonan man bi doman ngahiyak aku?”

Yahiya 11:8

Yuk siga mulit na baw siꞌ tu, “Uy la, Tuwan Guru, bohoꞌ nu bilay paddus man bahaya baanan Yahudi ndooy ma bay doman mapatoy kau ka batu. Hati, pilay na baw ko pabalik?”

Yahiya 5:18

Dari sabap meꞌ looy halling si Isa, magdaruhun na meꞌ siga pa-mmean Yahudi miha jalan man da mapatoy iya. Batan sarī man ngalangga saraꞌ pasal Llaw Pahali, lay gi ya ngawnan Tuhan Mmaꞌ na, magsisibuꞌ dī na ka Tuhan.

Yahiya 8:59

Pag meꞌ looy jaꞌ siꞌ halling na, lay sila mūt batu man ngahiyak iya. Maksud da mapatoy iya, sugaꞌ yaꞌ bay luu dapat da sabap lay jaꞌ ya llimbuhan sampay lay na lakka man langga looy.

Salsila siga Rasul 7:52

Ni bay jaman da, yaꞌ luu kanabi-nabihan saꞌ bay llaugan meꞌ da. Boꞌ na, sagannap nabi ma bay nunaꞌ pasal katakka Ilooy ma Intong, yana Almasi, lay gi ga papatoy da. Na kaam pun ina, yaꞌ du luu pagtingkahan bi ka sila. Batan pag luu jaꞌ Almasi bay lahil pitu pa junyaꞌ, kaam na baw bay nipu sampay mapatoy iya.