Yahiya 10:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Sarī man siga bili-bili ku ni baanan tuu, luu gi sina kasohean ma saꞌ ni baanan tuu. Sila pun ina subay du liyun ku pa jawom okoman ku. Sila ina mintu pakale du ni suwara ku. Pag ina mintu sila pinaasok na du meꞌ ku pa jawom okoman ku, mimon sukuꞌ ku dari disu baanan sa njawman disu tukang ipat.

Yahiya 10:16 ပူးပေါင်းရင်းမြစ်များ

Panagnaan 49:10

Maka Juda, luu sina mintu siga panubuꞌ nu magsunuꞌ-sunuꞌ magsultan ni lahat tabi. Boꞌ luu gi sina mintu lahil panubuꞌ nu ilooy ma yaꞌ na kuhi labbos pagkasultan na saumu. Iya ina mintu yana sultan ma inasip meꞌ mimon kabangsa-bangsahan.

Matiyu 17:5

Pag-anu, sasang si Pitel siꞌ mitsala, liput na sila meꞌ tayiꞌ baliyu poteꞌ malaas, ninag na. Maka luu gi suwara pōꞌ man jawom tayiꞌ baliyu looy, yuk na, “Inaa ina Anak ku, kakasi ku. Kasulutan ku banahan niiya. Indanan bi bitsala na.”

Lukas 15:8

Yuk si Isa lagi, “Damikiyan, bong sawpama luu danda magdublun sapū ma pilak porol, boꞌ bay lungay disu, saꞌ ba, magti du ya nantikan palitaan, boꞌ na ngoheyan lumaꞌ na labbasakayi supaya tatammu na?

Yahiya 10:11

Yuk si Isa lagi, “Aku itu meꞌ karuha jama ma tiggo ngipat bili-bili na paayad. Tiyap-tiyap ina tukang ipat mahap, atas na nongan umu na kalnaꞌ siga bili-bili na.

Yahiya 10:2

Boꞌ jama ma paasok man lawang, iya silay tukang ipat baanan bili-bili looy.

Yahiya 10:27

Batan bong ina siga sukuꞌ ku, mastiꞌ pakale jaꞌ ni suwara ku. Lungbid kami ka sila maka mmeꞌ na jaꞌ sila niyaku.

Yahiya 10:3

Maka tuktuk na paasok, binukisan jaꞌ ya meꞌ tukang jaga lawang. Lagiꞌ na, bila ya mitsala, takila suwara na meꞌ siga bili-bili na. Dari linganan na siga bili-bili na disu-disu ddas ka awon da saliꞌ-saliꞌ, boꞌ da boo na pa poan.

Yahiya 10:4

Lay jaꞌ ilay taboo na ga bili-bili na mimon pa poan, lumān ya ni duhuan. Kuwan sila, patuhut jaꞌ niiya sabap takila da suwara na.

Yahiya 10:5

Sugaꞌ bong ilay bay jama sarī, yaꞌ silay mmeꞌ ga bili-bili looy, gam pin pinasonsehan gi ya batan yaꞌ sila biyasa ni suwara na.”

Yahiya 11:52

Boꞌ kapatoy na ilay, saꞌ silay sat kalnaꞌ bangsa Yahudi, arapun sampay kalnaꞌ jama man mimon kabangsa-bangsahan. Batan tabeꞌ du sila dari siga anak Tuhan bbos-bbos. Kahandak Tuhan ina sagannap siga anak na ni sikaliput junyaꞌ, bangsa Yahudi sampay na siga bangsa saꞌ Yahudi, tibuuk na na pa disu baanan sa.

Yahiya 17:20

“Batnaa tu, sarī man siga mulit ku ituu, pakuhan ku na du duwaa sampay mimon ni sinōng ma pitsayaꞌ niyaku sabapan tōꞌ da.

Yahiya 6:37

Sugaꞌ sagannap ma bay sinukuꞌ leꞌ Mmaꞌ ku niyaku, mastiꞌ mmeꞌ jaꞌ sina niyaku. Boꞌ na, sagannap ma mmeꞌ niyaku, yaꞌ sina luu tuwak ku.

Salsila siga Rasul 15:14

Ndang lay na silay kitabi binaan meꞌ si Saymon Pitel pasal sibuwa Tuhan bay ngahasi siga jama saꞌ Yahudi. Kon ilay Tuhan bay buwat meꞌ looy supaya tumatandaꞌ doman ya jama man mimon bangsa tabeꞌ ni siga sukuꞌ na.

Salsila siga Rasul 22:14

“Yuk si Ananiyas niyaku, ‘Kau na sina bay pineneꞌ meꞌ Tuhan kabboꞌ-bboan ta man na makitau bong oy kahandak na. Sangkon lay na silay pinalahil ningkau Ilooy ma Intong, yana si Isa Almasi, sampay lay na takale nu suwara na.

Suwat si Pol pa mman Baanan Sukuꞌ si Isa ndooy ni Rom 11:25

Na siga danganakan, supaya kam yaꞌ ngabbu saula-ula patingkat kam man siga Yahudi, bakkasan ta na kam disu kabanahan ma yaꞌ gi bay tahati maruhuꞌ. Minsan kaekahan Yahudi tohas kōk da yaꞌ kuhi pitsayaꞌ, ndang ilooy silay gantaan ninsila ngkod-ngkoran yaꞌ gi tatuman garaꞌ Tuhan matabeꞌ kabangsa-bangsahan saꞌ Yahudi ni sukuꞌ na.

2 Tesaloneka 2:13

Boꞌ kaam ina, siga danganakan, pabiddaꞌ man sila. Sangkon pataꞌ du kami wā muwan pagsukuhan pa Tuhan sabapan bi, yana siga kakasi Tuhan. Labba man sibuwa lagi, ndang lay na kam peneꞌ Tuhan tabeꞌ ni sukuꞌ na. Maksud Tuhan supaya kam salamat man sabapan Rū na nutsiꞌ pangatayan bi maka sabap meꞌ bi pitsayaꞌ ni kabanahan.

Hibrani 13:20

Tuhan ina poonan kasannangan. Ni kaehe kawasa na, lay ya makallum Papuꞌ tabi si Isa. Dari si Isa na sina numbul satu tukang ngipat kitabi ma awnan na siga bili-bili na. Man sabapan lahaꞌ na bay tumpa, inaa na kasāhan ni pagsulutan bahau ma yaꞌ luu katapusan na antaraꞌ Tuhan ka sukuꞌ na.

1 Pitel 2:10

Sibuwa ilay, saꞌ gi kam sukuꞌ Tuhan, pag batnaa sukuꞌ na na kam. Maka sibuwa ilay, yaꞌ gi bay takissa bi aseꞌ Tuhan, pag batnaa lai na.

1 Pitel 2:25

Maruhuꞌ, sibuꞌ du karuha bi ka siga bili-bili magsiꞌ. Boꞌ batnaa, lay na kam pabeleng pa mman tukang ngipat kaam, yana Almasi ma ngayaran nyawa bi.

1 Pitel 5:4

Meꞌ naa ina, koleꞌ jaꞌ sina kam mintu kabantugan ma yaꞌ kuhi baluba saumu yana tungbas ndean kaam ni katakka panghuluꞌ siga tukang ipat, yana Almasi.

Siga Pakaradjaan bay Pinalahil 3:20

“Aku itu meꞌ sapantun jama nangge ni poan lawang bi nugtug kawu-kawu binukisan. Na soysoy ina bay kale suwara ku sampay nohoꞌ aku paasok, malaingkan paasok du ku pa mman na sampay mmeꞌ na ku pasawu mangan niiya.