Yahiya 10:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ “Na kuwan siga panangkaw ma bay awnan ku ilay siꞌ, yaꞌ luu niyat da sarī man nangkaw, mapatoy, sampay makaat. Boꞌ aku tu, maksud ku bay pitu supaya luu na dapat manusiyaꞌ koleꞌ kaallum bahau, yana kaallum ma yaꞌ luu kulang na samasakali.”

Yahiya 10:10 ပူးပေါင်းရင်းမြစ်များ

Matiyu 18:10

“Paayad-ayad kam taggahaꞌ meꞌ bi mista yaꞌ puntukan disu anak-anak meꞌ tuu. Batan baan ta kam banahan, luu sina siga malaikat para ninsila wā ni awpan Mmaꞌ ku ni sulgaꞌ.”

Matiyu 18:11

Pag-anu, yuk si Isa, “Anak Manusiyaꞌ itu bay pitu pa junyaꞌ miha jama ma lawak man Tuhan maka nalamat sila.

Matiyu 20:28

Minsan aku, Anak Manusiyaꞌ, yaꞌ du ga kon ku bay pitu muhung inintu. Arapun kon ku itu bay pitu mari ku kaintu manusiyaꞌ sampay nongan umu ku mari meka na jama pinaddusan man hukuman ni dusa da.”

Matiyu 21:13

Maka yuk na ninsila, “Luu bilay palman njawom kitab, ilooy ma yuk Tuhan, ‘Lumaꞌ ku ina lugar halliꞌ man maku duwaa.’ Sugaꞌ kaam tu, lay na pabuwat bi subay ga lumaꞌ baanan sugaru.”

Matiyu 23:13

Maka yuk si Isa, “Siya-siya kam la, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Bong luu na jama doman paasok pa jawom pamarinta Tuhan, bbuwatan bi pagapa ninsila ka tōꞌ bi bingkok. Yaꞌ gi kam kuhi nūs lān pa jawom pamarinta Tuhan, gam pin sinaggaꞌ gi meꞌ bi jama ma doman.

Malkus 11:17

Maka yuk na ninsila, “Luu bilay palman njawom kitab, ilooy ma yuk Tuhan, ‘Lumaꞌ ku ina yana lugar halliꞌ man mimon kabangsa-bangsahan maku duwaa.’ Sugaꞌ kaam baw tu, lay na pabuwat bi subay ga lumaꞌ baanan sugaru!”

Lukas 19:10

Aku tu, yana Anak Manusiyaꞌ, kon ku tu bay pitu pa junyaꞌ miha sagannap ma bay magsiꞌ man Tuhan bong pin sila tasalamat ku.”

Yahiya 10:1

Pag-anu siꞌ, yuk si Isa, “Baan ta kam banahan, bong luu jama ngasok kura baanan bili-bili yaꞌ nūs lawang, boꞌ ngandāg jaꞌ ni paga, malaingkan panangkaw silay ya atawa mundu.

Yahiya 10:11

Yuk si Isa lagi, “Aku itu meꞌ karuha jama ma tiggo ngipat bili-bili na paayad. Tiyap-tiyap ina tukang ipat mahap, atas na nongan umu na kalnaꞌ siga bili-bili na.

Yahiya 12:47

“Na bong luu bay kale umanat ku, boꞌ yaꞌ kinanna meꞌ da, saꞌ du sina aku ngalabuan sila hukuman, batan maksud ku pitu pa junyaꞌ nalamat manusiyaꞌ, saꞌ ga ngalabuan sila hukuman.

Yahiya 12:6

Na sabana na, yaꞌ silay luu luuy si Judas ni jama miskin, arapun kon na bay halling meꞌ looy sabap panangkaw ya. Minsan iya bay hinalap ngantanan pangannaan sīn ni baanan ga si Isa, bbuwatan na daran ngulangan sīn da para ni dī na.

Yahiya 3:17

Tuhan ilay bay mapitu Anak na pa junyaꞌ, maksud na nalamat manusiyaꞌ, saꞌ ga ngalabuan sila hukuman.

Yahiya 5:40

Sugaꞌ kaam tu, amu-amu kam yaꞌ kuhi mmeꞌ niyaku. Bong siꞌ ina kam bay kuhi, mastiꞌ lay na kam koleꞌ kasampulnaan nyawa meꞌ looy.

Yahiya 6:33

yana ituu na batnaa ma bay duwai mandooy, yana poonan kasampulnaan nyawa ni mimon manusiyaꞌ. Ituu ya situ makanan sabanna man Tuhan.”

Yahiya 6:51

Boꞌ aku na situ makanan looy ma luu na bay duwai man sulgaꞌ. Aku itu makanan llum. Bong jama bay kakakan, malaingkan llum sila saumu-umu ni okoman Tuhan. Makanan ma awnan ku tu yana isi baran ku ma pinaglillaꞌ meꞌ ku kalnaꞌ mimon manusiyaꞌ supaya sila koleꞌ kasampulnaan nyawa saumu-umu.”

Suwat si Pol pa mman Baanan Sukuꞌ si Isa ndooy ni Rom 2:21

Na pagka meꞌ naa kadari bi, tilaw ta teꞌ kam. Kaam ma pandoy maadjiꞌ jama, ongoy yaꞌ bogbogan bi pangadjiꞌ bi? Bbuwatan bi noan jama yaꞌ nohoꞌ nangkaw, boꞌ ko, batiꞌ ta, kaam pun nangkaw du.

1 Timuti 1:15

Na ituu tu bitsala kanaalla ka pataꞌ kinanna meꞌ sikamimon: Maksud si Isa Almasi bay pitu pa junyaꞌ supaya tasalamat na siga baldusa. Man ku kasiguru, batan bong kinawnan baldusa, yaꞌ luu bay lumabi man aku.

Hibrani 6:17

Tuhan pun, kainagon na subay tumatandaꞌ du yaꞌ kuhi baluba bay janjiꞌ na ni siga sukuꞌ na. Sangkon lay du ya bay napa.

Hibrani 7:25

Sangkon, tapajatu na na banahan nalamat sagannap ma doman mahap na pa Tuhan, basta sila pitsayaꞌ jaꞌ niiya. Iya ilay llum saumu-umu maka wā ya makuhan sila timbang pa Tuhan.

2 Pitel 1:11

Boꞌ na, hinasi na sina kam mintu paayad pa jawom sulgaꞌ, ndooy man Papuꞌ tabi si Isa Almasi, yana tukang nalamat kitabi, magsultan saumu-umu.