Yahiya 1:45 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴⁵ Na yaꞌ gi siꞌ sila bay lakka mandooy, lay doꞌ si Pilip miha bagay na si Natanyel. Pag tatammu na, yuk na, “Lay kami la sitammu ka lalla looy ma bay tinunaꞌ meꞌ Nabi Musa ka ga kanabi-nabihan njawom kitab. Awon na hati si Isa, lalla man Nasaret, anak si Yusup.”

Yahiya 1:45 ပူးပေါင်းရင်းမြစ်များ

Panagnaan 22:18

Maka bbos-bbos ina mimon kabangsa-bangsahan sinupaatan man sabapan panubuꞌ nu sabap meꞌ nu bay ngasip niyaku.’ ”

Panagnaan 3:15

Lagiꞌ na, pagsikagigit ta na sina kam ka danda tuu sampay na siga panubuꞌ bi sikaduwa. Sugaꞌ luu du sina mintu disu panubuꞌ danda tuu maā kau. Bbuwatan nu ina mintu ninduk tikod na, sugaꞌ pinipis du sina meꞌ na kōk nu.”

Panagnaan 49:10

Maka Juda, luu sina mintu siga panubuꞌ nu magsunuꞌ-sunuꞌ magsultan ni lahat tabi. Boꞌ luu gi sina mintu lahil panubuꞌ nu ilooy ma yaꞌ na kuhi labbos pagkasultan na saumu. Iya ina mintu yana sultan ma inasip meꞌ mimon kabangsa-bangsahan.

Matiyu 10:3

Luu gi si Pilip maka si Baltolome, si Tomas maka si Matiyu ma bay tukang ninga sukay. Pasunuꞌ, si Yaꞌkub, anak si Alpiyus, boꞌ luu gi si Tadiyus

Matiyu 13:55

Iya bina anak tukang kayu looy sadjaꞌ maka katoonan tabi du nneꞌ na si Mariyam maka siga danganakan na si Yaꞌkub, si Yusup, si Saymon maka si Judas.

Matiyu 2:23

Pag takka da ndooy, lay sila maglahat ni disu kawum inawnan Nasaret. Na sabap meꞌ looy, lay na binakbul bay tunaꞌ kanabi-nabihan pasal Almasi, ilooy ma yuk da, “Iya inawnan jama man Nasaret.”

Matiyu 21:11

Pag tampung baanan jama ma ngahaboyan si Isa, “Iya na sina si Isa, nabi looy man Nasaret ndooy ni Jalil.”

Malkus 14:67

Pag takita na si Pitel mapasuꞌ-pasuꞌ baran na ni api, ilooy ma lay ya pasōng ngaliling sambayan na halling, “Kau bitu siꞌ bay du haboy ka si Isa, lalla looy man Nasaret.”

Malkus 6:3

Tukang kayu jaꞌ bina ya. Saꞌ ba, anak si Mariyam ya? Maka saꞌ ba, danganakan na yana ga si Yaꞌkub, si Joses, si Judas ka si Saymon? Sampay ga danganakan na ma danda, dambuwaꞌ du tabi lahat.” Dari yaꞌ sila kuhi pitsayaꞌ niiya.

Lukas 18:37

Pag bāꞌ jama, “Si Isa bilay pingkaꞌ, lalla looy man Nasaret.”

Lukas 2:4

Si Yusup pun ka tunang na si Mariyam, lai na du lakka man Nasaret ndooy ni Jalil magrejistel pilay pa Betlehem ndooy ni Yahudiya. Waktu looy ilay siꞌ ndang battong na si Mariyam. Ngkon da bay magrejistel pilay batan si Yusup disu panubuꞌ Sultan Daud. Boꞌ ndooy na silay man Sultan Daud bay pinamaddihan.

Lukas 2:48

Pag takita jaꞌ siꞌ ya meꞌ ga induꞌ-mmaꞌ na, tud bay jayip sila ngita iya lay pasakot ni baanan guru. Pag tilaw nneꞌ na, “Ongoy doꞌ tu Toꞌ meꞌ tuu meꞌ nu bay buwat induꞌ-mmaꞌ nu? Lataꞌ na man kami bay miha kau ni kagawa kami!”

Lukas 24:27

Pag-anu, lay gi pinassaꞌ meꞌ si Isa ninsila hatiyan siga suwat njawom kitab ma tuwaꞌ pa iya, labba man suwat Nabi Musa sampay mimon suwat kanabi-nabihan kasohean.

Lukas 24:44

Pag lupus, yuk na, “Bay waktu tabi dambuwaꞌ, ndang bay kam baan ku meꞌ tuu: Saꞌ ba, yuk ku, mimon ma bay sinuwatan meꞌ Nabi Musa ka ga kanabi-nabihan ilooy kasohean sampay na njawom Kitab Jabul pasal aku talpaksaꞌ binakbul jaꞌ?”

Lukas 3:23

Na pag taabut jaꞌ siꞌ ga tallumpūꞌ taun umu si Isa, lay na ya bay nagnaꞌ magnasihat. Kanna jama anak si Yusup ya rahasiyaꞌ. Na si Yusup ilay yana anak si Heli.

Lukas 4:22

Pag-anu, siga jamaa ndooy baw siꞌ tu, bbuwatan da nanglitan iya. Tud bay inu-inu sila ni kaayad bitsala na. Sugaꞌ kasohean baw sila kaawran pitsayaꞌ niiya sampay yuk da, “Saꞌ ba, anak si Yusup jaꞌ ya?”

Yahiya 12:21

Pag-anu, lay sila pa mman si Pilip, yana disu mulit si Isa man Betsayda ndooy ni Jalil. Yuk da niiya, “Tuwan, doman kami la sitammu ka si Isa.”

Yahiya 14:8

Yuk si Pilip baw siꞌ tu, “Bong anu ba Papuꞌ, pakitahan doꞌ kami ba Mmaꞌ nu, boꞌ kami sannang hati.”

Yahiya 18:5

Pag tampung da, “Si Isa, lalla looy man Nasaret.” Yuk si Isa baw siꞌ tu, “Aku na bitu.” Na kuwan si Judas siꞌ tu ma bay nipu iya, luu na du nangge ni bihing baanan sundalu ndooy.

Yahiya 18:7

Pag-anu siꞌ, lay gi nusi si Isa, yuk na, “Soy lay siꞌ piha bi?” Pag halling da, “Si Isa ba, lalla looy man Nasaret.”

Yahiya 19:19

Maka luu gi suwat Gubnul Pilatu ni papan lay nohoꞌ llansang ni tehang si Isa pa jataꞌ man kōk na. Batsahan na, “Si Isa, lalla man Nasaret, Sultan bangsa Yahudi.”

Yahiya 21:2

Ndooy siꞌ, luu ga si Saymon Pitel ka ga si Tomas ma pinagdē si Kamba, ka si Natanyel, lalla man Kana ndooy ni Jalil. Maka luu gi siga anak si Sibidi ka luu gi duwa pagkahi da mulit.

Yahiya 6:42

yuk dangan pa dangan, “Saꞌ kina inaa si Isa, anak si Yusup? Nneꞌ-mmaꞌ na bilay la takila tabi. Pooy baw lay la meꞌ na sikatuwaꞌ halling na siꞌ, lay ya duwai man sulgaꞌ?”

Yahiya 6:5

Pag ndaꞌ si Isa sakiyan na jama bahuklud pa mman na, yuk na ni si Pilip, “Nnoy tu la man tabi malli balanjaꞌ man makan ga jama naa?”

Yahiya 6:7

Pag tampung si Pilip, “Daa busung Tuwan, san bilay kitabi bay kaballi tinapay hagaꞌ gadji wawum buwan, masi du yaꞌ sukup dangkeket padadangan meꞌ naa na eka manusiyaꞌ.”

Salsila siga Rasul 2:22

Na lupus jaꞌ siꞌ si Pitel bay maintoman sila palman looy siꞌ, yuk na, “Kaam, siga pagkahi ku bangsa Israil, pakalehun bi doꞌ bitsala ku. Paintoman ta doꞌ kam pasal si Isa, lalla looy man Nasaret ma bay pinapitu meꞌ Tuhan. Tuhan ilay bay mōꞌ buktiꞌ si Isa lakka man iya batan luu na pin ya nganggaosan iya buwat jinisan pabuwatan kahaylan-haylan ka sipat kawasa. Kaam pun ina, katoonan bi na du bana bitsala ku batan meka sipat kawasa bay pabuwat si Isa ni pag-awpan bi.

Salsila siga Rasul 22:8

“Yuk ku, ‘Tuwan, soy doꞌ ina ko?’ “Pag tampung na, ‘Aku na situ si Isa, lalla looy man Nasaret, yana ilooy ma pinaglaugan meꞌ nu.’

Salsila siga Rasul 26:9

“Maruhuꞌ ilay, minsan aku mismu, kanna ku kahandak Tuhan subay ku naggaꞌ sagannap ma pitsayaꞌ ni si Isa, lalla looy man Nasaret.

Salsila siga Rasul 3:6

Sugaꞌ yuk si Pitel niiya, “Yaꞌ la luu sīn ku sugaꞌ buwanan ta na ko ma luu niyaku. Man kawasa-kapatut awon si Isa Almasi, lalla looy man Nasaret, nangge na ko, boꞌ nu lumān.”