Yahiya 1:41 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴¹ Dari pag poleꞌ si Andru, lay doꞌ piha na danganakan na si Saymon. Pag tatammu na, yuk na, “Luu na la takka Almasi! Boꞌ lay gi kami sitammu ka iya!” (Hatiyan Almasi, ilooy ma bay inuwakilan meꞌ Tuhan magsultan saumu-umu.)

Yahiya 1:41 ပူးပေါင်းရင်းမြစ်များ

Matiyu 1:23

“Bbos-bbos luu sina budjang battong yaꞌ san bay pingkaꞌ sitapit ka lalla. Pag pōꞌ anak na, lalla. Bbos-bbos inawnan ya si Emmanuwel.” (Hatiyan na, Tuhan luu na ntuu mman tabi.)

Lukas 2:17

Pag-anu siꞌ, lay na sila nuntutan ga jama ndooy bay halling malaikat looy siꞌ ninsila pasal anak-anak looy.

Lukas 2:38

Na sasang si Simiyun mitsala ni si Mariyam ka si Yusup, lay pasōng si Anna pa mman da sambayan na mudji Tuhan sabapan anak da. Pus meꞌ looy, lataꞌ na man na nuntut pasal anak-anak looy ni mimon ma ndang ngagad Tuhan maddusan jama Jerusalem man ga banta da.

Yahiya 1:45

Na yaꞌ gi siꞌ sila bay lakka mandooy, lay doꞌ si Pilip miha bagay na si Natanyel. Pag tatammu na, yuk na, “Lay kami la sitammu ka lalla looy ma bay tinunaꞌ meꞌ Nabi Musa ka ga kanabi-nabihan njawom kitab. Awon na hati si Isa, lalla man Nasaret, anak si Yusup.”

Yahiya 4:25

Yuk danda looy baw siꞌ tu, “Katoonan ku luu du pōꞌ ni sinōng lalla ma bay inuwakilan meꞌ Tuhan magsultan saumu, yana Almasi. Pag luu jaꞌ ina ya mintu, iya sa mahatiyan kitabi mimon-mimon.”

Salsila siga Rasul 4:27

“Dari batnaa Tuhan, tumatandaꞌ na ningkami, lay na du bana binakbul tunaꞌ looy siꞌ. Batan pag lahil tukang nalamat ma bay peneꞌ nu pa junyaꞌ, yana si Isa, sosohoan nu ma sutsiꞌ, lay du ya bana sinulang meꞌ Sultan Herod ka Gubnul Puntus Pilatu. Maka meka gi Yahudi sampay siga saꞌ Yahudi ni daira tuu lay du magtaayun nulang iya.

1 Yahiya 1:3

Dari tuntutan kami na kam ilooy ma bay tasakup kami niiya supaya dambuwaꞌ atay na kitabi maka supaya saliꞌ-saliꞌ na kitabi dambuwaꞌ atay ka Tuhan sampay Anak na si Isa Almasi.