Yahiya 1:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Na inawnan Tuhan, yaꞌ bay pingkaꞌ takita leꞌ manusiyaꞌ. Sugaꞌ lay na baw ya pinalahil ningkitabi meꞌ Anak tungga na, yana Tuhan du ma tattap njawom atay Mmaꞌ na.

Yahiya 1:18 ပူးပေါင်းရင်းမြစ်များ

Panagnaan 16:13

Na si Hajal siꞌ tu, tabista na ilooy na siꞌ Tuhan, saꞌ ga malaikat. Dari njawom atay na, “Uy la, lay na bilay siꞌ takita ku Tuhan, ilooy ma ndang tattap ngita aku.” Dari siꞌ, bbuwatan si Hajal lay nganggalla Tuhan, “El Roy,” hatiyan na, “Tuhan, ilooy ma ngita aku.”

Panagnaan 18:33

Na paddus Tuhan bay magbitsala ka si Ibrahim, lay na ya lakka mandooy. Kuwan si Ibrahim, lay na moleꞌ.

Matiyu 11:27

Pag-anu, yuk si Isa na baw ni baanan jama ndooy, “Mimon-mimon lay na hinalap meꞌ Mmaꞌ ku niyaku. Yaꞌ luu toon njawom atay ku sarī man Mmaꞌ ku. Damikiyan, yaꞌ du luu toon njawom atay Mmaꞌ ku sarī man aku ka sagannap ma karomanan ku baan ku.

Lukas 10:22

Pag-anu, yuk si Isa na baw ni baanan ga jama ndooy, “Mimon-mimon lay na hinalap meꞌ Mmaꞌ ku niyaku. Yaꞌ luu toon njawom atay ku sarī man Mmaꞌ ku. Damikiyan, yaꞌ du luu toon njawom atay Mmaꞌ ku sarī man aku ka sagannap ma peneꞌ ku pinakitau.”

Yahiya 1:14

Na Palman ilay bay dari manusiyaꞌ sampay lay gi pingkaꞌ magdambuwaꞌ ka kami. Biddaꞌ na ehe aseꞌ na maka bana sadjaꞌ mimon bitsala na. Kami mismu bay kasakup ehe kaayaran na, yana kaayaran Anak tungga ma bay pitu lakka man Mmaꞌ na Tuhan.

Yahiya 12:41

Na jaman Nabi Isaya ilay bay nuwat kabtangan “boꞌ da taulian ku,” saꞌ ga silay dī na awnan na tukang nguliꞌ, arapun bay jaꞌ ya nunaꞌ bitsala Almasi ni sinōng. Kon na bay nunaꞌ sabap ndang bay pinalahil ehe kawasa Almasi niiya.

Yahiya 13:23

Disu sila, yana si Yahiya ma tigiꞌ nganggalla dī na ilooy ma kaasean si Isa, ndang luu ningkōꞌ ni bihing si Isa pasande-sande niiya.

Yahiya 14:9

Pag tampung si Isa, “Uy Pilip, meꞌ looy na bay hallom tabi lungbid, masi gi ku yaꞌ katoonan nu? Bong bina jama bay na ngita aku, malaingkan bay du ya ngita Mmaꞌ ku. Ongoy taggahaꞌ nohoꞌ gi ko pinakitahan Mmaꞌ ku?

Yahiya 17:26

Lay na ku malahil arat-tabiat nu ninsila. Boꞌ darahan ku na pin situ supaya aseꞌ da ni pagkahi da meꞌ aseꞌ nu du niyaku, maka supaya luu na pin ku njawom atay da.”

Yahiya 17:6

“Lay na du situ ku bay malahil arat-tabiat nu ni siga jama ma bay hinalap meꞌ nu niyaku. Meꞌ sila ndang sukuꞌ nu ma bay pa-ntan nu niyaku, lay na du kinanna meꞌ da palman nu.

Yahiya 3:11

Baan ta ko banahan, kami itu, yaꞌ kami mitsala hāl ma yaꞌ katoonan kami atawa pun ma yaꞌ bay tasakup kami. Salla na, yaꞌ kam pitsayaꞌ ni bitsala kami.

Yahiya 6:46

Sugaꞌ saꞌ baw lay siꞌ hantak bitsala ku ga luu jama bay pingkaꞌ ngita Mmaꞌ ku, batan yaꞌ luu manusiyaꞌ bay ngita Tuhan sarī man ilooy ma bay lakka mman na.

2 Korin 4:4

Yaꞌ sila pitsayaꞌ sabap pikilan da lay na tinambunan meꞌ Ibilis ma buwat dī na tuhan ni junyaꞌ tuu. Sangkon yaꞌ tapadantaan pamiki da meꞌ umanat mahap pasal ehe kaayaran ilooy ma pulnaꞌ limbagan Tuhan, yana Almasi.

Kolossa 1:15

Na Tuhan ina yaꞌ takita, sugaꞌ man sabapan si Isa Almasi, sibuꞌ na du ka takita tabi arat-tabiat Tuhan ka kawasa na. Batan si Isa ina pulnaꞌ limbagan Tuhan. Maka ginalla du ya Anak Siyaka sabap iya ngantanan kawasa-kapatut njataꞌ mimon ma bay pinapayak.

1 Timuti 1:17

Pudji tabi Tuhan, yana Sultan Mahatinggi ma yaꞌ takita maka yaꞌ kuhi matoy. Magbayaꞌ ya ni sikamimon pangkat-mamangkat saumu batan isu-isu iya Tuhan. Kamura-murahan saumu-umu na ya binuwanan pudji mehe ka kabantugan. Amin.

1 Timuti 6:16

Isu-isu iya yaꞌ luu kapatoy na. Maglahat ya njawom dantaꞌ saꞌ alang-alang ma yaꞌ tasōng leꞌ manusiyaꞌ ni kasilaw na. Yaꞌ luu manusiyaꞌ bay pingkaꞌ ngita iya batan ndang niyaꞌ ya takita. Maka iya du ngantanan kawasa magbayaꞌ saumu-umu. Tawop ya binuwanan kabantugan mehe. Amin.

1 Yahiya 4:12

Man awwal tagnaꞌ lagi yaꞌ luu manusiyaꞌ bay ngita Tuhan. Sugaꞌ bong ina kitabi sikaaseꞌ-kaaseꞌ, tumatandaꞌ tattog Tuhan njawom baran tabi. Maka njataꞌ tabi pasampay na na aseꞌ na ni manusiyaꞌ.

1 Yahiya 4:20

Bong luu halling, “Maaseꞌ ku pa Tuhan,” boꞌ lammis baw ni pagkahi na manusiyaꞌ, malaingkan ngandustaꞌ ya. Batan bong ina ya yaꞌ pandoy maasean pagkahi na ma takita, labi na Tuhan saꞌ niyaꞌ kaasean na ma yaꞌ san takita.

1 Yahiya 4:9

Man Tuhan bay makitahan aseꞌ na ningkitabi meꞌ tuu: Lay papitu na Anak Tungga na pa junyaꞌ supaya luu na dapat tabi koleꞌ kaallum bahau njataꞌ na.

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.