Yahiya 1:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Ni panagnaan, ndang luu na Palman. Maka Palman ilay ndang wā dambuwaꞌ ka Tuhan. Boꞌ na, Palman yana Tuhan.

Yahiya 1:1 ပူးပေါင်းရင်းမြစ်များ

Panagnaan 1:1

Ni panagnaan, lay pinapayak meꞌ Tuhan junyaꞌ ka langit.

Matiyu 1:23

“Bbos-bbos luu sina budjang battong yaꞌ san bay pingkaꞌ sitapit ka lalla. Pag pōꞌ anak na, lalla. Bbos-bbos inawnan ya si Emmanuwel.” (Hatiyan na, Tuhan luu na ntuu mman tabi.)

Lukas 24:53

Maka llaw pa dangallaw luu sila ni langga mehe mudji Tuhan.

Yahiya 1:14

Na Palman ilay bay dari manusiyaꞌ sampay lay gi pingkaꞌ magdambuwaꞌ ka kami. Biddaꞌ na ehe aseꞌ na maka bana sadjaꞌ mimon bitsala na. Kami mismu bay kasakup ehe kaayaran na, yana kaayaran Anak tungga ma bay pitu lakka man Mmaꞌ na Tuhan.

Yahiya 1:18

Na inawnan Tuhan, yaꞌ bay pingkaꞌ takita leꞌ manusiyaꞌ. Sugaꞌ lay na baw ya pinalahil ningkitabi meꞌ Anak tungga na, yana Tuhan du ma tattap njawom atay Mmaꞌ na.

Yahiya 1:2

Niyaꞌ gi luu junyaꞌ, ndang tibuuk Palman ka Tuhan.

Yahiya 16:28

Boꞌ bana du aku bay pitu pa junyaꞌ lakka man Mmaꞌ ku. Pag batnaa, lakka na baw ku man junyaꞌ beleng pa mman na.”

Yahiya 17:5

Sangkon batnaa Maꞌ, bong anu, pabalikun na niyaku kabantugan ma ndang bay luu na mman ku bay jaman ku nnaa mman nu yaꞌ gi luu junyaꞌ.

Yahiya 20:28

Yuk si Tomas niiya, “Papuꞌ ta ko! Tuhan ta ko!”

Yahiya 8:58

Pag halling si Isa ninsila, “Baan ta kam banahan, yaꞌ gi Nabi Ibrahim bay pinamaddihan, ndang luu na ku.”

Suwat si Pol pa mman Baanan Sukuꞌ si Isa ndooy ni Rom 9:5

Maka kabboꞌ-bboan kami ilay yana Nabi Ibrahim, Nabi Isahak ka Nabi Yaꞌkub. Boꞌ na, pōꞌ man bangsa kami lagi Almasi bong inikut usuwan pagkamanusiyaꞌ na. Iya ilay yana Tuhan, ilooy ma magbayaꞌ ni sikamimon. Pudji mehe niiya saumu-umu. Amin.

Epesus 3:9

Boꞌ lay gi ku sinohoꞌ meꞌ ilooy ma bay mapayak mimon-mimon, yana Tuhan, mahatiyan jama garaꞌ na ma bay llimbuhan maruhuꞌ.

Pilipi 2:6

Bistahun bi doꞌ, minsan sibuꞌ pagkaTuhan na ka Mmaꞌ na, yaꞌ du ya bay palogos nohoꞌ pinaehe.

Kolossa 1:15

Na Tuhan ina yaꞌ takita, sugaꞌ man sabapan si Isa Almasi, sibuꞌ na du ka takita tabi arat-tabiat Tuhan ka kawasa na. Batan si Isa ina pulnaꞌ limbagan Tuhan. Maka ginalla du ya Anak Siyaka sabap iya ngantanan kawasa-kapatut njataꞌ mimon ma bay pinapayak.

Kolossa 1:17

Yaꞌ gi luu oy maka oy na bay pinapayak, ndang luu na Anak Tuhan, sampay iya na ngantanan mimon-mimon ni sikaliput alam supaya yaꞌ pulak-palik.

1 Timuti 3:16

Kabanahan ina ma kinapitsayaan meꞌ tabi, yaꞌ tapakilubaan, boꞌ tud kahaylan-haylan. Maruhuꞌ yaꞌ gi bay tahati meꞌ manusiyaꞌ. Pag batnaa, lay na pinalahil meꞌ Tuhan ningkitabi. Meꞌ tuu situ karuha na: Almasi ina bay dari manusiyaꞌ ntuu ni junyaꞌ. Maka iya ilay, luu na pin Rū Sutsiꞌ bay mōꞌ buktiꞌ bong soy ya. Boꞌ lay gi ya tinammuhan meꞌ siga malaikat. Awon na lay na pinasaplag pa kabangsa-bangsahan. Maka kinapitsayaan na ya meꞌ manusiyaꞌ ni sikaliput junyaꞌ. Boꞌ lay gi ya inangkat pa sulgaꞌ njawom kabantugan mehe.

Taytus 2:13

Ilooy ilay siꞌ subay isbat tabi sasang tabi ngagad llaw kagak-gāk ma pinagdautan meꞌ tabi. Awnan ku ilay siꞌ katakka si Isa Almasi, yana Tuhan tabi Sangat Kawasa ma tukang nalamat kitabi.

Hibrani 13:8

Batan si Isa Almasi ilay, yaꞌ halin arat-tabiat na labba man awwal jaman ka batnaa sampay saumu.

Hibrani 7:3

Si Melkisedek ilay saꞌ meꞌ kaimaman ilooy kasohean. Yaꞌ luu induꞌ-mmaꞌ na atawa usuwan kabboꞌ-bboan na. Damikiyan, kaallum na yaꞌ du luu panagnaan na maka yaꞌ du luu katapusan na. Batan meꞌ Anak Tuhan du ya mag-imam saumu-umu.

2 Pitel 1:1

Ituu itu aku, si Saymon Pitel, disu ata si Isa Almasi. Maka aku itu disu rasul na. Itu suwat ku pa mman bi ma pitsayaꞌ na du ni si Isa Almasi, yana Tuhan tabi ka tukang nalamat kitabi. Ni kaintong na, yaꞌ ya minig jama, batan kaam pun ina, meꞌ kami na du, bay kaladjikian saliꞌ-saliꞌ buwatan hagaan, yana pangando tabi niiya.

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.

1 Yahiya 5:7

Dari luu tallu buktiꞌ si Isa yana Anak Tuhan.

Siga Pakaradjaan bay Pinalahil 1:11

Yuk na, “Suwatan nu mimon pakaradjaan ma song takita nu na. Pag-anu, boꞌ nu mokonan siga akigan na pa mman siga baanan sukuꞌ ku ni pituꞌ daira; disu akigan pa mman siga sukuꞌ ku ndooy ni daira Epesus, disu pa daira Ismirna, disu pa daira Pergamam, disu pa daira Tayatira, disu pa daira Saldis, disu pa daira Piladelpiya, maka disu pa daira Leyodisiya.”

Siga Pakaradjaan bay Pinalahil 1:17

Pag ndaꞌ ku meꞌ looy, ilooy ma takkahan tawu na ku sampay lay na ga ku humantak ni awpan na subay ga jama matoy. Pag-anu, lay tappak na baran ku ka kawnan na sambayan na halling, “Daa ko ba tawu. Aku na situ panagnaan sampay katapusan ni mimon-mimon.

Siga Pakaradjaan bay Pinalahil 1:2

Dari suwatan ku na mimon ma bay tasakup ku sampay umanat Tuhan ma bay pinalahil meꞌ si Isa Almasi niyaku.

Siga Pakaradjaan bay Pinalahil 1:8

Na yuk Papuꞌ tabi Tuhan, “Aku itu yana Alpa ka Omega Sangat Kawasa, yana ilooy ma ndang luu na man maruhuꞌ-ruhuꞌ lagi ngabut batnaa sampay saumu ni sinōng.”

Siga Pakaradjaan bay Pinalahil 19:13

Pamakoy na juba bay tinalloban njawom lahaꞌ, maka meꞌ nganggalla iya, Palman Tuhan.

Siga Pakaradjaan bay Pinalahil 2:8

Pasunuꞌ, yuk na niyaku, “Nuwat gi ko pilay pa mman pa-mmean looy ma ngantanan baanan sukuꞌ ku ndooy ni Ismirna. Bong ko nuwat, yuk nu meꞌ tuu, “Bitsala tuu lakka man ilooy ma panagnaan ka katapusan ni mimon-mimon, yana ilooy ma bay pingkaꞌ matoy boꞌ lay du llum pabalik. Yuk na meꞌ tuu,

Siga Pakaradjaan bay Pinalahil 21:6

Maka yuk na lagi, “Magjatu na situ mimon ma bay ginantaꞌ meꞌ ku. Aku itu Alpa ka Omega, yana panagnaan ka katapusan mimon-mimon. Soysoy tohoꞌ kallong na, painum ku boheꞌ man poon boheꞌ looy ma muwan kaallum ma yaꞌ luu katapusan na. Boꞌ boheꞌ looy ilay libre jaꞌ, san yaꞌ na luu bayad na.

Siga Pakaradjaan bay Pinalahil 22:13

Aku itu Alpa ka Omega. Aku na situ ilooy ma duhuꞌ-duhuꞌ ka ilooy ma dambuli banahan. Aku yana panagnaan ka katapusan ni mimon-mimon.

Siga Pakaradjaan bay Pinalahil 3:14

Pasunuꞌ, yuk na niyaku, “Nuwat gi ko pilay pa mman pa-mmean looy ma ngantanan baanan sukuꞌ ku ndooy ni Leyodisiya. Bong ko nuwat, yuk nu meꞌ tuu, “Bitsala tuu lakka man ilooy ma ginalla Amin, yana ilooy ma kanaalla maka taasahan masampay kabanahan pasal Tuhan. Iya na sina man Tuhan bay mapayak mimon-mimon. Yuk na meꞌ tuu,