Taytus 3:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Na siga tōꞌ ku itu tud kanaalla. Sangkon Taytus, sohoun na kinanna ni mimon nnaa ma mangando pa Tuhan. Meꞌ looy ilay, inisbat na meꞌ da buwat jinisan kaayaran ni siga pagkahi da manusiyaꞌ. Na bitsala ku itu, mahap jaꞌ labbasakayi, boꞌ kasampulnaꞌ ni jama.

Taytus 3:8 ပူးပေါင်းရင်းမြစ်များ

Matiyu 20:4

Dari yuk na, ‘Bong yaꞌ luu buwatan bi, boꞌ kam doman buwat, pilay kam pa kabbun ku. Pagsipataꞌ ku sa gadji bi ka halloman man bi bay buwat.’

Yahiya 12:44

Pag-anu, luu na baw disu waktu sasang si Isa noan jama, pinahaddo meꞌ na suwara na, yuk na, “Soysoy pitsayaꞌ niyaku, malaingkan pitsayaꞌ du sampay ni ilooy ma bay mapitu aku.

Yahiya 5:24

“Baan ta kam banahan, soysoy ina nganna bitsala ku saltaꞌ na pitsayaꞌ ni ilooy ma bay mapitu aku, malaingkan luu na kasampulnaan nyawa na saumu-umu. Yaꞌ na ya kalabuan hukuman. Dari ko ngawon, sibuꞌ na karuha na ka jama bay matoy lay na pinakallum pabalik. Batan luu na kaallum na bahau.

Salsila siga Rasul 12:15

Dari yuk da ni danda looy, “Uy, yaꞌ bitu ko kasayu!” Sugaꞌ amu-amu ya māꞌ, “Ē, tud iya na bilay siꞌ.” Iya halling da baw siꞌ tu, “Mura sina malaikat na.”

Suwat si Pol pa mman Baanan Sukuꞌ si Isa ndooy ni Rom 4:5

Dari bong ina jama buwat mahap sabap kanna da ilooy na man dusa da pinuwasan, magsāꞌ sila. Batan man Tuhan ngitung siga baldusa intong, saꞌ ga sabap pabuwatan da, arapun sabap meꞌ da pitsayaꞌ ni si Isa.

2 Korin 4:13

Yaꞌ kami jamu masaplag sabap pitsayaꞌ kami ni umanat ma bay hinalap ningkami. Ikut kami jaꞌ suwat njawom kitab, ilooy ma yuk Nabi Daud, “Pitsayaꞌ ku, ngkon ku bay mitsala.”

Epesus 4:28

Bong kam luu nnaa tangan-tanganan, tagongan bi na. Arapun miha na kam usaha halal mari luu sampay man bi nulung jama miskin.

1 Timuti 1:15

Na ituu tu bitsala kanaalla ka pataꞌ kinanna meꞌ sikamimon: Maksud si Isa Almasi bay pitu pa junyaꞌ supaya tasalamat na siga baldusa. Man ku kasiguru, batan bong kinawnan baldusa, yaꞌ luu bay lumabi man aku.

1 Timuti 2:8

Na nnoy-nnoy jaꞌ man sukuꞌ si Isa kumpo-kumpo numba Tuhan, tugun ku ni kalallahan, subay tatantu da sutsiꞌ na kawul-piil da boꞌ angkat da tangan da maku duwaa. Subay yaꞌ luu lasu da atawa laat atay da ni jama.

1 Timuti 5:10

Lagiꞌ na, subay sila bay tamasa nabiat buwat mahap. Hati na, subay mahap meꞌ da bay nganad anak da maka ndang nabiat ngahulmat jama. Maka subay sila biyasa magpangintu siga pagkahi da sukuꞌ si Isa. Maka subay sila biyasa magpanulung jama njawom kasusahan. Hantak bitsala ku ilay siꞌ, subay sila bay tamasa buwat jinisan kaayaran.

2 Timuti 1:12

Boꞌ ituu na situ kon ku tiksaꞌ ntuu njawom jīl. Kamasaꞌ, yaꞌ du tu ku iyaꞌ batan katoonan ku ilooy ma asahan ku, yana si Isa Almasi. Boꞌ na, tatantu ku du mastiꞌ takaya na jaꞌ ngayaran ma bay pa-ntan ku niiya ngabut sampay llaw katapusan.

Taytus 1:9

Maka subay kuwangkutan da siga tōꞌ sabanna ma bay pinasampay meꞌ ta ninsila. Basta ina sila yaꞌ kuhi papagsiꞌ man siga tōꞌ looy, tapataggu da na sina iman siga pagkahi da. Sampay takaya da mōꞌ salla ni tōꞌ sagannap ma nulang sila.

Taytus 2:14

Iya ilay, lay na ga bay nongan umu na kalnaꞌ kitabi supaya tapaddusan na na kitabi man tabiat tabi buwat dusa, maka supaya tapasutsiꞌ na kitabi. Batan kahandak na ina, luu na sukuꞌ na ma tinagi buwat mahap, ma pabiddaꞌ man kasohean manusiyaꞌ.

Taytus 2:7

Labi na kau Taytus, subay bogbogan nu hāp kawul-piil nu mari luu suntuan ayad inakig meꞌ siga soheꞌ nu. Maka mimon tangge-tingkōꞌ nu subay magbēꞌ jaꞌ ka kabanahan ma tinōꞌ meꞌ nu.

Taytus 3:1

Paintoman nu siga danganakan ta nnaa nohoꞌ maglillaꞌ ni siga pa-mmean parinta sampay ngasip ni sagannap ma ngantanan saraꞌ. Maka subay sila pinaintoman nohoꞌ wā saddiya buwat mahap.

Taytus 3:14

Kuwan siga pagkahi ta sukuꞌ si Isa nnaa, sohoun sila makutuꞌ meꞌ da buwat kaayaran. Maka sohoun sila nulung jama tiksaꞌ. Meꞌ naa ina, mehe kapansahaliyan da ni manusiyaꞌ.

Pilimun 1:11

Bana na maruhuꞌ, agon yaꞌ luu kapansahaliyan na ningkau. Boꞌ batnaa, lay na halin arat-tabiat na. Dari mehe na situ kapansahaliyan na ningkita sikaduwa.

Hibrani 10:24

Sarī man naa siga danganakan, subay kitabi basag sipaintom-paintom mari pasōng na pin meꞌ tabi sikaaseꞌ-kaaseꞌ sampay buwat kaayaran.

1 Pitel 1:21

Dari sabapan pabuwatan Almasi, pitsayaꞌ na kam pa Tuhan ma bay makallum Almasi pabalik sampay lay muwanan iya kabantugan mehe. Dari tattog na pangando bi pa Tuhan maka luu na pag-asa bi koleꞌ mimon ma bay janjiꞌ Tuhan ni sukuꞌ na.