Taytus 3:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Lipara, pag taabut waktu bay ginantaꞌ meꞌ Tuhan, yana poonan kasalamatan tabi, lay na ya malahil timbang na ka aseꞌ na ni manusiyaꞌ.

Taytus 3:4 ပူးပေါင်းရင်းမြစ်များ

Lukas 1:47

Tud gāk ku ni Tuhan, yana tukang nalamat aku.

Suwat si Pol pa mman Baanan Sukuꞌ si Isa ndooy ni Rom 2:4

Sangka bi mareꞌ sukat mehe aseꞌ Tuhan maka tahaꞌ pasensiya na ningkaam, ga yaꞌ dari oy na niiya san kam amu-amu buwat kalaatan. Maka yaꞌ gi mareꞌ tabista bi ngkon na amu-amu manimbang ningkaam, kawu-kawu tawbatan bi na dusa bi.

1 Timuti 1:1

Ituu itu aku, yana si Pol, disu rasul si Isa Almasi man panohoan Tuhan, yana poonan kasalamatan tabi maka man panohoan si Isa Almasi, yana pag-asa tabi.

1 Timuti 2:3

Mahap sina kitabi maku duwaa meꞌ naa. Boꞌ na, kasulut gi ni Tuhan, yana poonan kasalamatan tabi.

1 Timuti 4:10

Sangkon magtuyuꞌ-tuyuꞌ na pin kita maghulas-sangsāꞌ masampay umanat mahap man Tuhan. Batan tatantu ta Tuhan sabanna ma llum saumu-umu poonan kasalamatan para mimon manusiyaꞌ. Boꞌ mastiꞌ sinalamat jaꞌ sina meꞌ na mimon ma pitsayaꞌ ni si Isa Almasi.

2 Timuti 1:10

Boꞌ lai na situ pinalahil aseꞌ-tabang na pag taabut na bay mapitu si Isa Almasi pa junyaꞌ, yana tukang nalamat kitabi. Batan lay langkat si Isa kawasa kapatoy pag taabut na pinakallum pabalik. Maka lay gi ya masampay umanat mahap supaya soysoy pitsayaꞌ niiya koleꞌ kasampulnaan nyawa ma yaꞌ luu katapusan na.

Hibrani 9:26

Batan bong siꞌ ilay yaꞌ bay tasakup lahaꞌ na muwasan dusa sakayi labba du, malaingkan talpaksaꞌ ya min meka malasahi labba man waktu junyaꞌ bay pinapayak. Sugaꞌ iya ilay bay pitu pa junyaꞌ ni masa batnaa ma pinag-awnan ahil jaman supaya tasongan na na umu na man ngalakkahan dusa tabi sakayi labba du.