Taytus 3:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Na pag mintu patuwak na ga si Apolos ka si Abugaw Senas man naa, palangkapan nu sa sila mari yaꞌ luu kulang ninsila.

Taytus 3:13 ပူးပေါင်းရင်းမြစ်များ

Matiyu 22:35

Dari siꞌ, ilooy ma bay nual iya yana disu guru lahal ni saraꞌ agama da. Maksud na niit bitsala si Isa.

Lukas 10:25

Pag-anu siꞌ, luu na baw disu guru lahal ni saraꞌ agama pasōng nuway-nuwayan si Isa, yuk na, “Tuwan Guru, oy tu la subay pabuwat ku mari sampulnaꞌ nyawa ku saumu-umu?”

Lukas 11:45

Pag-anu siꞌ, luu na baw disu guru saraꞌ agama pasambung, yuk na, “Uy, Tuwan Guru, bong bina meꞌ naa, sampay kami patabeꞌ-tabeꞌ nu na du pinahinaꞌ.”

Lukas 11:52

“Siya-siya sina kam siga guru saraꞌ agama! Batan wā kam kasanggalang ni jama ma doman toon kabanahan pasal Tuhan. Yaꞌ gi kam kuhi nūs lān man bi tabeꞌ ni pamarinta Tuhan, gam pin sinaggaꞌ gi meꞌ bi jama ma doman tabeꞌ.”

Lukas 14:3

Dari tilaw si Isa ni siga guru saraꞌ agama ndooy ka ga Parisi, “Njawom saraꞌ agama tabi, dari kitu tabi ngulian jama sasang Llaw Pahali, atawa niyaꞌ?”

Lukas 7:30

Boꞌ siga Parisi ka ga guru saraꞌ agama lay jaꞌ nuwak kahandak Tuhan batan yaꞌ sila bay kuhi pinandi meꞌ si Yahiya.

Salsila siga Rasul 15:3

Na pag lakka da, lay na sila tinuhiyan meꞌ siga sukuꞌ si Isa pa behe lān. Lān da pilay pa Jerusalem, lay gi sila pingkaꞌ man jawom Pinisiya ka Samariya. Ndooy siꞌ, lay gi sila maghāsan nuntutan siga sukuꞌ si Isa pasal siga jama saꞌ Yahudi, meka na pitsayaꞌ ni Papuꞌ Isa. Dari tud bay gāk sikamimon pag takale da habal looy.

Salsila siga Rasul 18:24

Na ni waktu looy du siꞌ, luu na baw disu Yahudi ma pitsayaꞌ na du ni si Isa takka pa Epesus. Awon na si Apolos, jama man Aleksandriya. Iya ilay pintal mitsala maka lahal ni kitab kanabi-nabihan.

Salsila siga Rasul 19:1

Sasang si Apolos ndooy ni Korin, kuwan si Pol, lay pilay pa Epesus man taꞌ dile. Takka pa Epesus, lay ya sitammu ka ga kasohean jama ma pitsayaꞌ ni si Isa.

Salsila siga Rasul 21:5

Dari paddus jaꞌ siꞌ pituꞌ ngallaw looy, lay na kami sakap sabap patuwak na adjung looy. Pag lumān kami pōꞌ man daira looy, lay gi kami tinuhiyan pa tapiyan meꞌ mimon sukuꞌ si Isa ndooy sampay na ga anak-nda da. Takka ndooy, lay gi kami nangge ka tuut kami maku duwaa.

Salsila siga Rasul 28:10

Na kami siꞌ tu bay pahantiꞌ ndooy ni nusa Malta luu ga tallum buwan batan noy paddus na timpu landos boꞌ luu adjung patuwak mandooy. Sasang kami ndooy, kajinisan na meꞌ jama nusa looy bay ngahulmat man da maehe kami. Sampay pag taabut kami patuwak, lay gi kami pinalutuan mimon barang ma gunahan ningkami. Dari siꞌ, lay na kami patuwak taꞌ adjung bay lakka man Aleksandriya ma ndang luu na ndooy ni nusa Malta halloman timpu landos. Ni mundaꞌ adjung looy siꞌ, lay llukisan limbagan duwa tuhan-tuhan inawnan “Siga Tuhan Kamba.”

Suwat si Pol pa mman Baanan Sukuꞌ si Isa ndooy ni Rom 15:24

Balangkali ni lān ku mintu pilay pa lahat Kastilaꞌ, kapahās doꞌ ku duhuꞌ ni lahat bi. Kamura-murahan sikagāk-kagāk du kitabi pag takka ku pilu, boꞌ ku tatabangan bi ni palanan ku.

1 Korin 16:11

Sangkon subay ya pag-aratan bi. Maka pag lakka na man lahat bi, tulungun bi sa ya supaya sannang pamiki na lān na pitu pa mman ku. Iya ilay ka siga danganakan tabi ma soheꞌ na ndang inagad meꞌ ku.

1 Korin 16:12

Na kuwan danganakan tabi si Apolos, sabuli-buli ku situ bay nganjunjung iya nohoꞌ mmeꞌ ni siga danganakan tabi pilu ngandaꞌ-ngandaꞌ kaam, sugaꞌ yaꞌ gi ya konoꞌ kasakap. Bāꞌ na, pilu sa ya bong luu na dapat na.