Taytus 2:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Damikiyan kalallahan pun ma yaꞌ gi toa, sohoun du sila papatong mamiki.

Taytus 2:6 ပူးပေါင်းရင်းမြစ်များ

1 Tesaloneka 5:6

Batan jama sukuꞌ sangom ina, katanaman da wā tuli atawa maglangohan. Sangkon pagka kitabi siga sukuꞌ llaw, daa na kitabi ngakig sagannap ma meꞌ sapantun wā tuli. Arapun subay kitabi iyakin, wā saddiya buwat kahandak Tuhan. Maka subay kitabi papatong. Kitabi itu meꞌ karuha sundalu njawom bonoꞌ mehe. Tiyap-tiyap sundalu langkap, luu ampi bassi na para dakan na ka saruk bassi para kōk na mari ya yaꞌ binasa. Kuwan kitabi baw itu, ilooy ya tabilang ampi dakan tabi, yana pangando tabi pa Tuhan ka aseꞌ tabi niiya. Maka saruk bassi tabi yana holat tabi pa Tuhan majatu kasalamatan tabi.

1 Timuti 5:1

Na bong luu nnaa ni baanan bi lalla bay magsāꞌ, boꞌ umuhan gi man kau, daa doꞌ kasla meꞌ nu naup iya. Buwatun ya meꞌ saparati mmaꞌ nu sinaup hanunut-hanunut. Kuwan kalallahan ma sumiyali man kau, bong luu magsāꞌ, bila ko naup, buwatun sila meꞌ saparati danganakan nu.

1 Pitel 5:5

Na kuwan kaam ma masi baddung, subay kam lillaꞌ ni siga matatoa ni baanan bi. Maka kitabi sikamimon subay magpadiyoꞌ saliꞌ-saliꞌ ni pagkahi tabi, batan yuk njawom kitab, “Kinuntra meꞌ Tuhan sagannap ma abbuhan, sugaꞌ tabangan na sagannap ma diyoꞌ pangatayan da.”

1 Yahiya 2:13

Kaam ma matatoa, kon bi ina suwatan ku sabap katoonan bi na ilooy ma ndang luu man awwal tagnaꞌ. Maka kaam ma anak-anak bahau, suwatan ta du kam batan lay na kam tumanjataꞌ man ilooy ma poonan mimon kalaatan, yana Ibilis.