Taytus 2:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Kitabi itu sikamimon ma pitsayaꞌ ni si Isa, subay ayad kawul-piil tabi pagka luu na bay pinalahil meꞌ Tuhan aseꞌ-tabang na ningkitabi. Batan luu na si Isa bay papitu na pa junyaꞌ supaya luu na dapat man mimon manusiyaꞌ koleꞌ kasalamatan.

Taytus 2:11 ပူးပေါင်းရင်းမြစ်များ

Matiyu 28:19

Sangkon, lataan bi na junyaꞌ boꞌ toan bi na sikamimon bangsa pasal aku supaya sila mmeꞌ niyaku. Maka pandihun bi na sila ni awon Mmaꞌ ku, Anak na, ka Rū Sutsiꞌ.

Malkus 16:15

Pag-anu, lay gi sila sinohoꞌ meꞌ si Isa, yuk na, “Lataan bi na junyaꞌ maka pasaplagun bi na umanat mahap pasal aku ni sikamimon manusiyaꞌ.

Lukas 24:47

Maka yuk si Isa, “Luu gi bay sinuwatan subay pinasaplag umanat mahap pasal Almasi ni mimon kabangsa-bangsahan nagnaꞌ mantuu ni Jerusalem. Subay jama binaan bong tawbatan da dusa da maka pitsayaꞌ ni Almasi, malaingkan inampun na sila meꞌ Tuhan.

Lukas 3:6

Pag lupus, takita na sina meꞌ mimon manusiyaꞌ kasalamatan lakka man Tuhan.’ ”

Yahiya 1:14

Na Palman ilay bay dari manusiyaꞌ sampay lay gi pingkaꞌ magdambuwaꞌ ka kami. Biddaꞌ na ehe aseꞌ na maka bana sadjaꞌ mimon bitsala na. Kami mismu bay kasakup ehe kaayaran na, yana kaayaran Anak tungga ma bay pitu lakka man Mmaꞌ na Tuhan.

Yahiya 1:9

yana sūꞌ sabanna ma pitu pa junyaꞌ marantaan pamiki manusiyaꞌ.

Salsila siga Rasul 11:23

Si Balnabas siꞌ tu jama mahap maka sukup pangando. Boꞌ na, ssob na ya meꞌ Rū Sutsiꞌ. Pag takka na pilay, tud bay gāk ya batan ni lilingan na luu na pin supaat Tuhan ni jataꞌ siga sukuꞌ si Isa ndooy. Dari lay ya muwansangan sila nohoꞌ magkanaalla ngisbat Papuꞌ ni mimon hilas atay da. Labba mandooy, tud bay meka na jama pasampun mmeꞌ ni Papuꞌ Isa ni daira looy.

Salsila siga Rasul 13:43

Maka pag pōꞌ jamaa man jawom langga, meka na Yahudi sampay ga jama ma bay paasok ni agama Yahudi bay patuhut ni si Pol ka si Balnabas. Dari siꞌ binitsalahan na pin sila meꞌ ga si Pol. Sampay lay gi sila binuwansangan nohoꞌ matattog pangando da ni aseꞌ-tabang Tuhan.

Salsila siga Rasul 13:47

Ndang-ndang lay du kami sohoꞌ Tuhan pilay pa mman da, yuk na, ‘Kaam ina bay peneꞌ ku binuwat sūꞌ ni siga bangsa saꞌ Yahudi supaya luu na lawang man manusiyaꞌ salamat ni sika-mpat pidju alam.’ ”

Salsila siga Rasul 17:30

“Maruhuꞌ, ni kaawam manusiyaꞌ pasal Tuhan, lay gi pabiya na karupangan da. Sugaꞌ batnaa, sohoꞌ na na mimon jama ni sikaliput junyaꞌ nawbatan dusa da.

Salsila siga Rasul 20:24

Sugaꞌ yaꞌ du situ ku paruli bong oy mintu katuwaꞌ niyaku bong pin tapajatu ku jaꞌ pabuwatan bay hinalap meꞌ Papuꞌ Isa niyaku, yana masaplag umanat mahap pasal aseꞌ-tabang Tuhan pa manusiyaꞌ.

Suwat si Pol pa mman Baanan Sukuꞌ si Isa ndooy ni Rom 10:18

Na adakala luu na baw mintu māꞌ ngkon meka Yahudi yaꞌ pitsayaꞌ ni umanat mahap sabap yaꞌ sila bay kabaan. Sugaꞌ daa kam hidjab, batan yuk njawom kitab, “Umanat pasal Tuhan pinamahalayak ni mimon kalahat-lahatan. Tanyag na umanat looy ni sikaliput junyaꞌ.”

Suwat si Pol pa mman Baanan Sukuꞌ si Isa ndooy ni Rom 5:15

Sugaꞌ luu du baw pagbiddaan da mehe. Batan ni Boꞌ Adam, sabapan dusa na, mimon manusiyaꞌ lay kalabuan hukuman kapatoy ka mulkaꞌ. Boꞌ ni si Isa Almasi, sabapan pabuwatan na, mimon manusiyaꞌ lay kaladjikian aseꞌ-tabang Tuhan. Batan san meka kalaatan bay pabuwat da, luu na dapat man dusa da puwas na labbasakayi.

Suwat si Pol pa mman Baanan Sukuꞌ si Isa ndooy ni Rom 5:2

Lagiꞌ na, sabapan si Isa Almasi maka pangando tabi niiya, tattap na sina kitabi koleꞌ aseꞌ ka tabang man Tuhan. Boꞌ tud gāk sina kitabi batan luu na holat tabi tumabeꞌ ni ehe kabantugan Tuhan.

2 Korin 6:1

Na meꞌ kitabi tu saliꞌ-saliꞌ limbang Tuhan ngaliyun manusiyaꞌ pa mman na, junjung kami na ningkaam, daa na pasensengan bi aseꞌ Tuhan ningkaam.

Galatiya 2:21

Sangkon bong itu ku mangasa na baw ni hulas-sangsāꞌ ku mogbogan saraꞌ man ku initung intong, sibuꞌ na du ka bay tuwak ku aseꞌ Tuhan niyaku. Batan sat ku saꞌ māꞌ yaꞌ luu kapuspusan kapatoy si Isa.”

Epesus 2:5

Batan minsan kitabi meꞌ karuha jama matoy sibuwa ni mata Tuhan sabapan dusa tabi, lay na du kitabi tabeꞌ ni Almasi pinakallum. Dari salamat na kitabi isu-isu sabapan aseꞌ Tuhan.

Epesus 2:8

Ni kaehe aseꞌ Tuhan, lay na kitabi sinalamat meꞌ na sabap meꞌ tabi pitsayaꞌ ni Almasi. Sugaꞌ kasalamatan tabi ina, saꞌ ga tungbas ni bay hulas-sangsāꞌ tabi buwat mahap, arapun ladjikiꞌ man Tuhan.

Kolossa 1:23

basta kam tattap jaꞌ pitsayaꞌ ni umanat mahap pasal si Isa. Sangkon daa na kam kuhi pinagsian man kabanahan njawom umanat mahap ma bay takale bi. Maka daa kam jamu ngaholat Tuhan numan mimon janjiꞌ na njawom umanat mahap. Umanat mahap ina, liput na junyaꞌ man na pinasaplag. Na ni sagannap ma bay pineneꞌ masaplag, kuwan disu, yana aku na situ.

Kolossa 1:6

Umanat mahap ina, liput na junyaꞌ man na pinasaplag sampay meka na jama pitsayaꞌ. Dari magsasōng na pin hāp kawul-piil da meꞌ karuha kaam na du. Batan saliꞌ-saliꞌ na du kam lay kale sampay kahati kabanahan pasal aseꞌ Tuhan.

2 Tesaloneka 2:16

Na siga danganakan, kakasi Tuhan, kamura-murahan pinagamgaman na pin atay bi meꞌ Mmaꞌ tabi Tuhan ka Papuꞌ tabi si Isa Almasi. Kamura-murahan ginaosan na pin kam meꞌ Tuhan mari mahap jaꞌ mimon tangge-tingkōꞌ bi ka bitsala bi. Batnaa, sabap Tuhan poonan tabang mehe ningkitabi, luu na kagakan njawom atay tabi saumu sampay holat ayad saꞌ alang-alang.

1 Timuti 1:14

Tud biddaꞌ na sina ehe aseꞌ Papuꞌ ta si Isa Almasi! Bistahun doꞌ, lay gi bukaꞌ na puad ku pitsayaꞌ niiya. Sampay lay gi ku buwanan na aseꞌ ni pagkahi ku manusiyaꞌ!

1 Timuti 2:4

Kainagon Tuhan ina mimon manusiyaꞌ salamat sampay kahati ni kabanahan.

2 Timuti 1:10

Boꞌ lai na situ pinalahil aseꞌ-tabang na pag taabut na bay mapitu si Isa Almasi pa junyaꞌ, yana tukang nalamat kitabi. Batan lay langkat si Isa kawasa kapatoy pag taabut na pinakallum pabalik. Maka lay gi ya masampay umanat mahap supaya soysoy pitsayaꞌ niiya koleꞌ kasampulnaan nyawa ma yaꞌ luu katapusan na.

2 Timuti 4:17

Para na pin, jaman ku bay sinumariya, lai du ku bana inunungan meꞌ Papuꞌ Isa. Boꞌ bay gi ya nganggaosan aku masaplag umanat na labbasakayi ni mimon jama saꞌ Yahudi ndooy. Sat na jaꞌ, sasang ku ilay siꞌ bay sinumariya, parasahan ku subay ga ku hayop liput na meꞌ baanan halimaw. Kahapan, lay du ku sinalamat meꞌ Papuꞌ man bahaya looy.

Hibrani 12:15

Sipaintom-paintom na pin kam mari kam yaꞌ luu nikutan Tuhan sampay masensengan aseꞌ na. Paayad-ayad kam taggahaꞌ nganggamut na baw duga njawom atay bi. Batan bong ina luu ni baanan bi meꞌ naa, malaingkan kalingog sina ningkaam maka song hallom meka na kam kalakkotan ni arat na.

Hibrani 2:9

Sugaꞌ mindoga doꞌ kitabi ni si Isa. Iya ilay bay du ginantaꞌ diyoꞌ man siga malaikat samantalaꞌ. Kon na ilay meꞌ looy supaya ya lumingkaꞌ doꞌ njawom kabinsanaan sampay matoy kalnaꞌ manusiyaꞌ sikamimon, tandaꞌ aseꞌ Tuhan ninsila. Dari sabap bay ya nongan umu na man na nanggung dusa tabi, lay na hinudhuran njataꞌ na pudji ka kabantugan mehe.