Taytus 1:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Maka subay kuwangkutan da siga tōꞌ sabanna ma bay pinasampay meꞌ ta ninsila. Basta ina sila yaꞌ kuhi papagsiꞌ man siga tōꞌ looy, tapataggu da na sina iman siga pagkahi da. Sampay takaya da mōꞌ salla ni tōꞌ sagannap ma nulang sila.

Taytus 1:9 ပူးပေါင်းရင်းမြစ်များ

Salsila siga Rasul 18:28

Maka minsan daran siga Yahudi nual iya ni mayran, yaꞌ du luu meꞌ da tumunga. Kon meꞌ looy batan meka na buktiꞌ bay tapōꞌ na man jawom kitab pasal si Isa yana Almasi, tukang nalamat bay njanjiꞌ meꞌ Tuhan.

1 Korin 14:24

Sugaꞌ bong ina luu paasok jama meꞌ looy sasangan bi masampay siga umanat man Rū Sutsiꞌ ni pallun ma tahati da, halin sina parasahan da. Batan man sabapan umanat bi, tabista da na sina baldusa sila. Maka tumatandaꞌ na ninsila pataꞌ sila kalabuan hukuman Tuhan.

1 Tesaloneka 5:21

Sugaꞌ pus na masampay, pindogahan bi doꞌ bong pataꞌ hinasi umanat na atawa niyaꞌ. Bong hati bistahan bi tud mattan lakka man Rū Sutsiꞌ, malaingkan kannahun bi; bong niyaꞌ, san daa na.

2 Tesaloneka 2:15

Sangkon, siga danganakan, daa labbahan bi pangando bi. Maka kuwangkutan bi na siga tōꞌ ma bay pinasampay meꞌ kami ningkaam, labba man ilooy ma bay halling kami ningkaam balharapan sampay ni jawom suwat kami.

1 Timuti 1:10

Damikiyan, saraꞌ ina bay pinōꞌ man motang hukuman ni jama ma magjina, maka ni siga bantut sampay ni jama ma dagangan pagkahi da manusiyaꞌ binuwat ata. Damikiyan, saraꞌ ina para ni sagannap ma ngandustaꞌ, ma yaꞌ pabonto naksiꞌ, sampay sagannap ma buwat jinisan kalaatan sarī ma nulang tōꞌ sabanna.

1 Timuti 1:15

Na ituu tu bitsala kanaalla ka pataꞌ kinanna meꞌ sikamimon: Maksud si Isa Almasi bay pitu pa junyaꞌ supaya tasalamat na siga baldusa. Man ku kasiguru, batan bong kinawnan baldusa, yaꞌ luu bay lumabi man aku.

1 Timuti 1:19

Njawom nu nulang kalaatan, subay wā hallot pangando nu ni Papuꞌ Isa. Maka ilagan nu mimon pabuwatan ma nulang ni honaꞌ-honaꞌ nu. Luu sina kasohean ma yaꞌ na maruli honaꞌ-honaꞌ da sampay man pangando da na ni Papuꞌ Isa langkat. Pangando da ina, bong ndalil pa adjung, lay na binasa bay lumangga ni manunggu.

1 Timuti 4:9

Bitsala ku itu kanaalla maka pataꞌ kinanna meꞌ sikamimon.

1 Timuti 6:3

Iyakin ko, batan kasohean ina jama, sarī tōꞌ da. Tōꞌ da ina yaꞌ magbēꞌ ka tōꞌ ma kasampulnaꞌ lakka man Papuꞌ tabi si Isa Almasi. Maka yaꞌ katabang ni jama ngikut arat-tabiat Tuhan.

2 Timuti 1:13

Na Timuti, bila ko noan jama, amay-amay daa sihinan nu san dangkitiꞌ tōꞌ sabanna ma bay takoleꞌ nu man ku. Maka meꞌ kau tibuuk na ka si Isa Almasi, subay tattap pangando nu niiya. Maka subay du tattap aseꞌ nu ni siga pagkahi nu manusiyaꞌ.

2 Timuti 2:2

Siga tōꞌ ma bay takale nu man ku, yana tōꞌ ma bay pasaplag ku ni pag-awpan siga baanan jama, pasampayun na ni kalallahan ma taasahan nu, ma pandoy noan jama sarī.

2 Timuti 2:25

Bong ya sinulang meꞌ jama, pag tampung na, subay hanunut-hanunut jaꞌ meꞌ na naup sila. Meꞌ naa ina, balangkali binukaꞌ na meꞌ Tuhan puad da nawbat sampay koleꞌ pangahati ni kabanahan.

2 Timuti 3:14

Sugaꞌ kau, Timuti, subay ko kanaalla mmeꞌ ni kabanahan ma bay tinōꞌ ningkau. Ndang-ndang sikabiyasa du ko banahan ka ga jama ma bay noan kau. Katoonan nu du tapangandohan nu sila.

2 Timuti 4:3

Kon nu ina sohoꞌ ku na masaplag batnaa batan luu sina mintu masa kaekahan manusiyaꞌ yaꞌ na doman pakale ni tōꞌ sabanna. Ilooy du ina mintu katagihan da pinakale, yana tōꞌ ma magbēꞌ ka kainagon da buwat oy-oy kinanapsuhan meꞌ da. Dari bbuwatan da ina mintu miha siga guru ma mōꞌ bitsala ma lassa ni tinga da.

Taytus 1:11

Tud subay sila yaꞌ padari nu noan siga jamaa nnaa sabap meka na paglūng magsiꞌ sabapan tōꞌ da. Isi tōꞌ da ina yaꞌ san pataꞌ sinabbut. Sugaꞌ amu-amu sila nōꞌ meꞌ looy sabapan eka sīn takoleꞌ da.

Taytus 2:1

Sugaꞌ kau Taytus, inaa jaꞌ pasampayun, yana tōꞌ ma sikatuwaꞌ ka kabanahan.

Suwat Lakka man si Jūd 1:3

Siga kakasi ku, sibuwa ilay, tud doman ku nuwat ningkaam pasal kasalamatan ma lay na takoleꞌ tabi saliꞌ-saliꞌ. Sugaꞌ bistahan ku gam na ku nuwat nohoꞌ kaam ngandapitan siga tōꞌ ayad ma kinapitsayaan meꞌ tabi. Batan siga tōꞌ naa ina, si Isa mismu bay masampay ni siga sukuꞌ na. Boꞌ saumu na sina yaꞌ na baluba samasakali.

Siga Pakaradjaan bay Pinalahil 2:25

Basta daa jaꞌ labbahan bi ntan ma ndang luu na bay bogbogan bi ngabut sampay ku pabeleng ni sinōng.

Siga Pakaradjaan bay Pinalahil 3:11

“Indanan bi. Basta tapit na sina katakka ku. Sangkon kuwangkutan bi na pin kabanahan ma ndang luu na ntanan bi mari yaꞌ luu kataban karuna bi. Hati na, mari yaꞌ lungay tungbas ayad ma bay hinalliꞌ meꞌ Tuhan ningkaam.

Siga Pakaradjaan bay Pinalahil 3:3

Kannahun bi na umanat ma bay takale bi sampay bay kinapitsayaan meꞌ bi sibuwa. Daa takupan bi. Maka tawbatan bi na dusa bi. Bong ina kam yaꞌ matiꞌ, malaingkan kakuratan sina kam mintu ni katakka ku ngahukum manusiyaꞌ. Sibuꞌ du sina mintu karuha bi ka jama kakuratan meꞌ sugaru batan yaꞌ katoonan bi bong sumilan katakka ku.