Taytus 1:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Tiyap-tiyap pa-mmean ina, meꞌ halling sambat ku na siꞌ, subay yaꞌ luu sutsutan njataꞌ da. Tangge-tingkōꞌ da ndang subay sikatawop ka sila limbang Tuhan ngayaran siga sukuꞌ na. Subay yaꞌ langkaw atay da atawa pasuꞌ kōk da. Maka yaꞌ dari palalango. Subay sila yaꞌ bangis maka subay yaꞌ magnapsu mulakab ni sīn.

Taytus 1:7 ပူးပေါင်းရင်းမြစ်များ

Panagnaan 49:6

Bong kinawnan pag-isunan bi, tud yaꞌ ku doman palamud. Bila kam kumpo-kumpo na magmiting, yaꞌ ku doman tabeꞌ batan kadiyoꞌ ni awon ku. Bong kam lasu na, yaꞌ luu og-og bi numpahan lahaꞌ jama. Ni kadahulakaꞌ bi, tigiꞌ kam mintohan sapiꞌ jama.

Matiyu 24:45

“Indanan bi. Bong ina luu ata magkanaalla sampay makoy honaꞌ-honaꞌ na, malaingkan iya na sina pineneꞌ meꞌ papuꞌ na magtakōk ni siga pagkahi na ata. Iya na mangatas makan sila tiyap-tiyap waktu.

Lukas 12:42

Sugaꞌ bbuwatan Papuꞌ Isa baw, lay jaꞌ darahan na bitsala na, yuk na, “Soysoy ina ata patong mamiki sampay magkanaalla ni papuꞌ na, iya na sina pineneꞌ meꞌ papuꞌ na magtakōk ni siga pagkahi na ata. Maka iya na inasahan makan sila tuktuk waktu man mangan.

Epesus 5:18

Daa kam maglangohan batan inaa na sina poonan jama buwat jinisan kasabuhan. Arapun lillaꞌ jaꞌ kam pinagbayaan meꞌ Rū Sutsiꞌ.

Pilipi 1:1

Ituu itu kami, si Pol ka si Timuti. Kami itu siga ata si Isa Almasi. Itu suwat kami pa mman bi sukuꞌ Tuhan njawman Almasi nnaa ni Pilipi sampay pa mman siga pa-mmean bi ka siga tatabang da.

Taytus 1:5

Na kau ina ndang katoonan nu na du, ngkon nu bay sohoꞌ ku pasangkod nnaa ni Krit supaya tapupus nu pabuwatan ma bay tagnaan ta. Boꞌ lay gi ko bay sohoꞌ ku nguwakilan jama binuwat siga pa-mmean ga baanan sukuꞌ si Isa ni mimon daira nnaa.

Taytus 2:3

Damikiyan baan nu du sagannap matatoa ma danda, arat-tabiat da subay moo kabantugan pa Tuhan. Subay sila yaꞌ mitna maka subay yaꞌ minarat ni inuman kalango. Subay sila noan

1 Pitel 4:10

Na meꞌ kaam ina lay na kabuwanan jinisan kapandoyan bilang ladjikiꞌ man Tuhan, pakoyun bi na. Subay kam kanaalla sitabang-tabang makoy kapandoyan bay dean Tuhan ningkaam.

1 Pitel 5:2

basta ayaran bi banahan siga sukuꞌ Tuhan ma njawman bi. Ipatun bi sila paayad meꞌ karuha baanan bili-bili inayaran meꞌ tukang ngipat sila. Daa kam magmaksud ngayaran sila supaya meka sīn takoleꞌ bi atawa man sabapan bay jaꞌ kam llogos. Meꞌ bi ngayaran sila, subay man gasad bayaꞌ bi ni kagāk bi saltaꞌ na ni katagi bi nulut kahandak Tuhan.

2 Pitel 2:10

Maka tud bohat sina pidjalaꞌ na ni sagannap ma amu-amu nganduwan napsu da buwat jinisan kasabuhan sampay ni sagannap ma yaꞌ kuhi lillaꞌ ni kapatut na. Boꞌ meꞌ looy na du silay bana kadari siga guru palsu ma bay sabbut ku siꞌ. Tud takabbu sila sampay nawakka buwat oy-oy karomanan da san tagga pa Tuhan. Yaꞌ san sila tawu madiyoꞌ sagannap ma ngantanan kawasa-kapatut mehe, ma subay pinaehe.