Taytus 1:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Na kau ina ndang katoonan nu na du, ngkon nu bay sohoꞌ ku pasangkod nnaa ni Krit supaya tapupus nu pabuwatan ma bay tagnaan ta. Boꞌ lay gi ko bay sohoꞌ ku nguwakilan jama binuwat siga pa-mmean ga baanan sukuꞌ si Isa ni mimon daira nnaa.

Taytus 1:5 ပူးပေါင်းရင်းမြစ်များ

Salsila siga Rasul 11:30

Luu jaꞌ siꞌ kumpo tulung da, lay na sohoꞌ da tinuhiyan ni ga si Balnabas ka si Sol pa mman ga pa-mmean sukuꞌ si Isa ndooy ni Jerusalem.

Salsila siga Rasul 14:23

Na ni siga daira looy siꞌ man da bay pilay, ninggai-ninggai luu baanan sukuꞌ si Isa, lay sila binoo meꞌ si Pol ka si Balnabas kumpo-kumpo. Boꞌ lay gi sila puwasa ka maku duwaa pa Tuhan. Pus meꞌ looy, lay na baw ga si Pol nguwakilan kasohean sila binuwat siga pa-mmean. Pag-anu, boꞌ ga si Pol makuhan siga pa-mmean looy ka sikamimon ndiyoan da duwaa mari sila inayaran meꞌ Papuꞌ Isa ma kinapitsayaan na meꞌ da.

Salsila siga Rasul 2:11

Kasohean sila Yahudi maka kasohean bay mmeꞌ paasok ni agama Yahudi. Jama man nusa Krit luu du. Maka bangsa Arab pun, luu du ndooy. Dari yuk dangan pa dangan, “Ongoy tu la labbasakayi na kitabi kale sila mitsala ni siga pallun tabi mismu pasal pakaradjaan kainu-inu bay pabuwat Tuhan?”

Salsila siga Rasul 27:12

Dari pagka yaꞌ du tanam lahat looy man labu bong ni timpu landos, kaekahan jama taꞌ adjung looy siꞌ doman na pawus. Katobtoban pamiki da, mas mahap gi konoꞌ bong kami pawus pa Labuhan Pinika. Labuhan looy ilay konoꞌ tanam man maddusan timpu landos batan yaꞌ katampakan meꞌ baliyu.

Salsila siga Rasul 27:13

Dari pag niyup baliyu man sātan yaꞌ du meꞌ noy basag na, bistahan da dari na man lome. Dari lay na hinelaꞌ bahudjiꞌ pa jataꞌ, boꞌ kami lay na patuwak nusu bihing nusa Krit.

Salsila siga Rasul 27:21

Na kami siꞌ tu sikamimon taꞌ adjung looy, tud hallom na yaꞌ luu napsu kami mangan. Pag-anu siꞌ, yuk si Pol, “Siga kabagayan, bong siꞌ kam la bay jaꞌ pakale niyaku yaꞌ palakka man Krit, yaꞌ na situ kitabi bay tuwaꞌ kamalasahiyan meꞌ tuu na. Uwanan adjung tuu pun yaꞌ du bay luu hilang.

Salsila siga Rasul 27:7

Pag tuwak kami, tud bay lawun adjung looy llēhan man sabapan baliyu landos sinugguꞌ meꞌ kami. Dari luu ga daka dangoy ngallaw boꞌ kami nakka tagan daira Kinidus ndooy ni Asiya. Na pagka yaꞌ na tasaggaꞌ kami landos baliyu ndooy, lay kami nigpang pa dambilaꞌ nusa Krit. Lān kami pilay, lay kami pingkaꞌ man daira Salmone ni nusa looy du masi.

1 Korin 11:34

Bong hati kam ndang lingantu na, mangan na doꞌ kam duhuꞌ ni lumaꞌ. Ngilag kam, taggahaꞌ yaꞌ na baw mintu taagak bi dī bi sampay man bi na baw pinidjalaꞌ meꞌ Tuhan. Na ni kapasal bay tilaw bi kasohean, noy ku takka na pilu boꞌ bi baan ku.

1 Korin 14:40

Maka intomun bi. Bila kam kumpo-kumpo numba, oy-oy pabuwat bi, subay hatu sampay pataꞌ ka kaam inawnan sukuꞌ si Isa.

1 Korin 4:17

Dari supaya luu suntuan man bi ngakig aku, sohoꞌ ku sa pilu si Timuti gantiꞌ ku. Iya itu meꞌ anak ku na du, disu kakasi ku ma magkanaalla mean kahandak Papuꞌ. Iya sa maintoman kaam bong pooy kawul-piil ku njawman si Isa Almasi mari taakig bi. Batan kawul-piil ku itu magbēꞌ ka mimon ma pinagtōꞌ meꞌ ku ni siga baanan sukuꞌ si Isa nnoy-nnoy jaꞌ lahat.

Kolossa 2:5

San ku yaꞌ luu nnaa, tattap kam njawom atay ku. Maka kaam ina kagakan mehe niyaku sabap magtaayun pamiki bi maka takkoꞌ na pangando bi ni Almasi.

1 Timuti 1:3

Na Timuti, intomun bay halap ku ningkau waktu ku bay palakka man naa lān ku bay pitu pa Masidunya. Ngkon nu ilay bay sohoꞌ ku tamban nnaa ni Epesus supaya tasohoꞌ nu patagong sagannap ma mōꞌ tōꞌ palsu njawom baanan sukuꞌ si Isa. Sugaꞌ batnaa tu, luhud ku gi ngahalap ningkau pabalik.

2 Timuti 2:2

Siga tōꞌ ma bay takale nu man ku, yana tōꞌ ma bay pasaplag ku ni pag-awpan siga baanan jama, pasampayun na ni kalallahan ma taasahan nu, ma pandoy noan jama sarī.

Taytus 1:12

Kadarihan da ina magbēꞌ du ka sambatan disu pagkahi da bangsa Krit ma halul-akka, ilooy ma yuk na, “Kinawnan bangsa Krit, pangandustaꞌ jaꞌ mimon. Maat jaꞌ kasurahan da, huskaw lagi, lagak lagi.”