Taytus 1:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Kadarihan da ina magbēꞌ du ka sambatan disu pagkahi da bangsa Krit ma halul-akka, ilooy ma yuk na, “Kinawnan bangsa Krit, pangandustaꞌ jaꞌ mimon. Maat jaꞌ kasurahan da, huskaw lagi, lagak lagi.”

Taytus 1:12 ပူးပေါင်းရင်းမြစ်များ

Salsila siga Rasul 17:28

Batan sabapan na, luu na kitabi, maka llum na kitabi sampay kapausik na kitabi. Meꞌ halling sambat kasohean pagkahi bi ma alistu ngandalil, ‘Mimon kitabi manusiyaꞌ yana anak Tuhan.’

Salsila siga Rasul 2:11

Kasohean sila Yahudi maka kasohean bay mmeꞌ paasok ni agama Yahudi. Jama man nusa Krit luu du. Maka bangsa Arab pun, luu du ndooy. Dari yuk dangan pa dangan, “Ongoy tu la labbasakayi na kitabi kale sila mitsala ni siga pallun tabi mismu pasal pakaradjaan kainu-inu bay pabuwat Tuhan?”

Salsila siga Rasul 27:12

Dari pagka yaꞌ du tanam lahat looy man labu bong ni timpu landos, kaekahan jama taꞌ adjung looy siꞌ doman na pawus. Katobtoban pamiki da, mas mahap gi konoꞌ bong kami pawus pa Labuhan Pinika. Labuhan looy ilay konoꞌ tanam man maddusan timpu landos batan yaꞌ katampakan meꞌ baliyu.

Salsila siga Rasul 27:13

Dari pag niyup baliyu man sātan yaꞌ du meꞌ noy basag na, bistahan da dari na man lome. Dari lay na hinelaꞌ bahudjiꞌ pa jataꞌ, boꞌ kami lay na patuwak nusu bihing nusa Krit.

Salsila siga Rasul 27:7

Pag tuwak kami, tud bay lawun adjung looy llēhan man sabapan baliyu landos sinugguꞌ meꞌ kami. Dari luu ga daka dangoy ngallaw boꞌ kami nakka tagan daira Kinidus ndooy ni Asiya. Na pagka yaꞌ na tasaggaꞌ kami landos baliyu ndooy, lay kami nigpang pa dambilaꞌ nusa Krit. Lān kami pilay, lay kami pingkaꞌ man daira Salmone ni nusa looy du masi.

Suwat si Pol pa mman Baanan Sukuꞌ si Isa ndooy ni Rom 16:18

batan sila ina, saꞌ Papuꞌ tabi si Isa Almasi pakutuꞌ da. Iya paabak da meꞌ da nganduwan napsu da. Alistu sila mitsala sampay malambu tinga jama man da ngandupang jama awam.

Pilipi 3:19

Ga jama meꞌ looy ilay, sibogan da katiksaan njawom nalkaꞌ sabap tuhan da yana napsu da. Bila sila buwat kalaatan, yaꞌ gi sila iyaꞌ, gam pin pinag-abbu gi meꞌ da. Ilooy du njawom pamiki da hāl junyaꞌ.

1 Timuti 4:2

Sila ilay mintu ma magpamōꞌ tōꞌ meꞌ looy yana jama ma magbawuꞌ-bawuꞌ jaꞌ ngisbat Tuhan. Pangandustaꞌ sila. Boꞌ na, yaꞌ na san nulang ni honaꞌ-honaꞌ da bong sila buwat maat.

Taytus 1:5

Na kau ina ndang katoonan nu na du, ngkon nu bay sohoꞌ ku pasangkod nnaa ni Krit supaya tapupus nu pabuwatan ma bay tagnaan ta. Boꞌ lay gi ko bay sohoꞌ ku nguwakilan jama binuwat siga pa-mmean ga baanan sukuꞌ si Isa ni mimon daira nnaa.

2 Pitel 2:12

Boꞌ siga guru palsu meꞌ looy ilay, minsan pakaradjaan ma yaꞌ tahati da, binitsala du meꞌ da pa kalaatan. Sibuꞌ du sila ka sattuwa tawun, yaꞌ luu honaꞌ-honaꞌ da. Boꞌ sattuwa ina, ilooy du kasongan da sinungkuban sampay pinapatoy. Damikiyan, siga guru meꞌ looy ilay, sabap kabinasa tōꞌ da ni jama, mastiꞌ binasa jaꞌ du sila mintu meꞌ Tuhan.

2 Pitel 2:15

Lay na sila magsiꞌ man lān intong. Lay na sila ngikut tabiat si Balaam, anak si Beyol mattoꞌ. Si Balaam ilay, ni kaehe kainagon na ni sīn, kuhi jaꞌ ya buwat kalaatan bong pin ya ndugangan jaꞌ paeka.