Taytus 1:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Na nnaa ina ni Krit, meka sina jama nulang tōꞌ sabanna. Bbuwatan da ina magsian jama ka tōꞌ palsu. Boꞌ nabiat lagi sila mitsala manunsāp, awla na sagannap ma nanggehan hāl meꞌ ngislam.

Taytus 1:10 ပူးပေါင်းရင်းမြစ်များ

Matiyu 23:14

“Siya-siya kam la, siga guru saraꞌ agama ka ga Parisi! Ngandupang jaꞌ kam ga bawu danda supaya takoleꞌ bi altaꞌ da sampay lumaꞌ da. Magbawuꞌ-bawuꞌ jaꞌ kam sutsiꞌ. Bbuwatan bi nganduwaa pa tahaꞌ ni mayran mari kam binista meꞌ jama tud basag ngisbat Tuhan. Baan ta kam banahan, tud bohat sina mintu hukuman Tuhan ningkaam!

Salsila siga Rasul 11:2

Dari pag beleng ga si Pitel pa Jerusalem, kasohean pagkahi na Yahudi ma mmeꞌ na du ni si Isa bay nahawi iya. Kon da nahawi batan kanna da yaꞌ dari siga Yahudi palamud ni jama ma yaꞌ gi bay inislam. Dari yuk da ni si Pitel,

Salsila siga Rasul 15:1

Na ni waktu looy du siꞌ, luu na baw takka pa Antiyok siga Yahudi man Yahudiya. Bbuwatan da lay noan siga sukuꞌ si Isa ma saꞌ Yahudi, yuk da, “Bong ina kam yaꞌ bay inislam meꞌ ndang bay tinaat ni saraꞌ Nabi Musa, masi du kam yaꞌ salamat.”

Salsila siga Rasul 15:24

“Lay silay taaka kami luu konoꞌ siga pagkahi kami lay luꞌ pilu lakka mantuu. Bbuwatan da konoꞌ ngalingog kaam ka pangadjiꞌ da sampay ilooy na man gundalaꞌ pamiki bi. Sugaꞌ subay katoonan bi, saꞌ du kami bay nohoꞌ sila.

Salsila siga Rasul 20:29

Tasiguru ku, lay jaꞌ ku ina mintu palakka, bbos-bbos luu na baw sina pasunuꞌ siga guru palsu palamud ningkaam. Mehe sina mintu meꞌ bi magkaat meꞌ tōꞌ da. Sila ilay mintu meꞌ karuha siga idoꞌ tawun patabbaꞌ pa jawom tangngaan baanan bili-bili nabbat.

Galatiya 2:4

Sugaꞌ luu du baw kasohean pasalluk ndooy yaꞌ kasulutan ni umanat ku. Kahandak da, mimon ma pitsayaꞌ ni si Isa subay llogos nohoꞌ mogbogan saraꞌ agama Yahudi. Sugaꞌ tabistu kami na du saꞌ sila danganakan kami sabanna. Lay jaꞌ sila pasalluk ni baanan kami mayu-mayu bong kami mogbogan saraꞌ agama atawa niyaꞌ. Sugaꞌ tabista kami du bong pamiki da binean, mastiꞌ kalangkat jaꞌ ni kasumunsayaan tabi njawman si Isa Almasi.

Galatiya 3:1

Kuwan kaam baw nnaa ni Galatiya, subay ga kam jama yaꞌ luu panayu bi. Meꞌ bay na kam hinikmatan. Batan tatammu bi na baw ga mmeꞌ-mmeꞌ ni jama nnaa ma māꞌ subay bogbogan bi saraꞌ agama Yahudi boꞌ bi dari initung intong. Boꞌ ko, isu-isu kapatoy Almasi taꞌ tehang poonan manusiyaꞌ initung intong. Tud tallak na bilay la meꞌ ku bay mahatiyan kaam.

Epesus 4:14

Bong ina kitabi sukup iman na, yaꞌ na kitabi meꞌ anak-anak os-os pitsayaꞌ ni oy-oy bitsala jama. Yaꞌ na kitabi meꞌ sapantun kumpit umatung kuhi jaꞌ tinuran leꞌ lamba ka baliyu. Intong na, yaꞌ na kitabi takoleꞌ llingu meꞌ siga guru palsu ma alistu moo-moo jama magsiꞌ.

1 Timuti 1:4

Sohoun na sila patagong masensengan waktu da mitsala pasal siga pali-pali ka usuwan kabboꞌ-bboan. Siga hāl meꞌ naa ina yaꞌ luu kapuspusan na. Boꞌ na, inaa na sina poonan pagjawapan. Dari pada meꞌ naa, gam na sila mōꞌ tōꞌ ma katabang ni jama ngahati garaꞌ Tuhan pasal kasalamatan njataꞌ pangando ni si Isa.

1 Timuti 1:6

Salla na, kasohean jama bong ni hāl meꞌ naa, yaꞌ san paruli da. Iya hagaan ninsila magbilmaarup ni hāl ma yaꞌ luu kapuspusan na.

1 Timuti 1:9

Tahati ta na bong inawnan saraꞌ Tuhan, saꞌ para ni jama intong. Arapun kon na ina bay pinamuwan man motang hukuman ni jama maat, ni sagannap ma yaꞌ pandoy ngasip, maka ni jama ma yaꞌ tawu pa Tuhan. Saraꞌ ina para ni siga baldusa, para sagannap ma yaꞌ sutsiꞌ, para jama ma yaꞌ ngisbat Tuhan, maka para sagannap ma mapatoy jama sampay ga mmaꞌ da atawa nneꞌ da.

2 Timuti 3:13

Batan jama maat ina ka jama pangakka, magsasōng na pin sina mintu kalaatan da. Ngakkahan sila jama, sugaꞌ sila pun inakkahan du.

2 Timuti 4:4

Sugaꞌ bong hāl kabanahan, tuwak da na. Ilooy ya pinakale meꞌ da, yana pali-pali ma bay jaꞌ tinulun-tulun meꞌ manusiyaꞌ.

Taytus 1:6

Bila ko meneꞌ pa-mmean, subay kalallahan ma yaꞌ luu sutsutan njataꞌ da. Subay disu du nda da. Maka siga anak da subay du pitsayaꞌ ni Papuꞌ Isa. Maka subay yaꞌ luu tuntut njataꞌ da bay buwat maat atawa pun yaꞌ ngasip ni induꞌ-mmaꞌ da.

Yaꞌkub 1:26

Na bong ina kam luu mangaku mag-agama boꞌ yaꞌ san pandoy ngagak behe bi, ngandupang jaꞌ kam dī bi. Agama meꞌ looy ilay yaꞌ luu kapuspusan na.

1 Yahiya 2:18

Na siga anak, saꞌ ba, ndang lay na kam binaan maruhuꞌ, pag mintu tapit na llaw dambuli, luu disu pōꞌ inawnan Tukang Nguntra Almasi? Boꞌ ni sabana na, meka na sina pōꞌ nguntra Almasi ni batnaa. Sangkon katoonan tabi na bong inawnan llaw dambuli, basta tapit na.

1 Yahiya 2:4

Sugaꞌ soysoy mangaku katoonan na Tuhan, boꞌ yaꞌ baw ngasip ni siga panohoan na, malaingkan ngandustaꞌ ya, maka bong inawnan kabanahan, yaꞌ du binean meꞌ na.

1 Yahiya 4:1

Siga kakasi ku, daa kam os-os pitsayaꞌ sukat jama mangaku bahasa tōꞌ na lakka man Rū Tuhan. Arapun pindogahan bi doꞌ duhuꞌ tōꞌ na mari katoonan bi bong mattan ya sosohoan Tuhan atawa niyaꞌ. Batan meka na sina guru palsu njawom junyaꞌ.

Siga Pakaradjaan bay Pinalahil 2:14

Sugaꞌ luu gi du baw ina man ku kasallahan ningkaam. Kasohean kam nnaa, bbuwatan bi ngikut akka si Balaam mattoꞌ ma bay magpandoyan Sultan Balak bong pooy meꞌ na magsian bangsa Israil. Sabapan palbiatan si Balaam, lay na ga bay taboo-boo siga sukuꞌ Tuhan mangan sumbalian ma bay pingkaꞌ sinongan pa siga tuhan-tuhan, boꞌ lay gi sila taboo-boo magjina.

Siga Pakaradjaan bay Pinalahil 2:6

Sugaꞌ luu du baw tu sanglit ku ningkaam sabap meꞌ aku du kam lammis ni kalaatan siga jama ma mmeꞌ ni tōꞌ ga si Nikolay.