Suwat si Pol pa mman Baanan Sukuꞌ si Isa ndooy ni Rom 9:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Tud senseng ehe kabantugan njataꞌ da. Bistahun bi doꞌ, sila ilay bangsa ku Israil, yana bangsa bay pineneꞌ meꞌ Tuhan binuwat anak na. Maka sila du man Tuhan bay makitahan ehe kawasa na. Boꞌ ninsila lagi man Tuhan bay mōꞌ siga pagsulutan sampay man na bay ngandean saraꞌ na ka siga aturan pasal lanan meꞌ numba iya. Damikiyan, ninsila du man Tuhan bay muwan jinisan janjiꞌ.

Suwat si Pol pa mman Baanan Sukuꞌ si Isa ndooy ni Rom 9:4 ပူးပေါင်းရင်းမြစ်များ

Panagnaan 15:18

Maka ni waktu looy du siꞌ, lay na baw Tuhan bay nganjanjiꞌ ni si Ibram, yuk na, “Dean ku na sina mintu siga panubuꞌ nu mimon lahat tuu, labba man sōng ni bihing panggaan Ejip ngabut sampay pa Sōng Yupretes.

Panagnaan 17:7

Pagsulutan ku itu ka kau sampay na ga panubuꞌ nu pangkat-mamangkat yaꞌ na situ baluba ku saumu. Aku na Tuhan nu saumu sampay na ga panubuꞌ nu.

Panagnaan 32:28

Yuk lalla looy, “Labba man batnaa saꞌ na si Yaꞌkub meꞌ ngawnan kau, si Israil na. Hatiyan na, ‘magbasag-basagan ka Tuhan.’ Batan yaꞌ ko bay kuhi banti magbasag-basagan ka manusiyaꞌ sampay na Tuhan ngkod-ngkoran yaꞌ bay takoleꞌ nu ma puhung nu, boꞌ lay jaꞌ du ko tumanjataꞌ.”

Matiyu 21:33

Yuk si Isa lagi, “Pakale doꞌ kam. Luu lagi disu dalil dean ku kaam. Luu disu jama bay ngabbun poon anggul. Pag-lupus, lay pinaga, boꞌ na lay buwat tapaggaꞌ buwaꞌ anggul man maggaan boheꞌ na. Maka bay gi ya buwat lumaꞌ-lumaꞌ langkaw man nganjaga. Pag-anu, lay sohoꞌ na tinungguan ni jama boꞌ na lay lome pa lahat disu.

Yahiya 1:17

Maruhuꞌ, bay pamuwan Tuhan yana saraꞌ ma bay pinasampay meꞌ Nabi Musa. Pag batnaa, ilooy na baw pamuwan na yana aseꞌ ka kabanahan pinasampay meꞌ si Isa Almasi.

Yahiya 1:47

Pag ndaꞌ si Isa luu na si Natanyel pasōng pa mman na, yuk na, “Atu na disu lalla tud pulnaꞌ bangsa Israil, yaꞌ pandoy ngandustaꞌ.”

Salsila siga Rasul 2:39

Batan ndang inaa sina bay janjiꞌ Tuhan ningkaam mag-anak-mpu, sampay ni mimon manusiyaꞌ matā-matapit. Awnan ku ilay siꞌ yana sikamimon ma bay lliyun meꞌ Papuꞌ tabi Tuhan pa jawom okoman na.”

Suwat si Pol pa mman Baanan Sukuꞌ si Isa ndooy ni Rom 3:2

Sugaꞌ daa kitabi mamiki meꞌ looy. Basta mehe baw sina kaayaran ningkitabi bong kitabi turunan bangsa Yahudi. Numbul satu, kitabi bangsa bay tahalapan leꞌ Tuhan ngantanan palman na njawom kitab.

Suwat si Pol pa mman Baanan Sukuꞌ si Isa ndooy ni Rom 8:15

Na jaman tabi ilay njawman saraꞌ, pagka daran kitabi ngalangga, sibuꞌ du karuha tabi ka ata ma tawu pinidjalaꞌ meꞌ papuꞌ na. Pag batnaa, lay na lungay tawu tabi sabap lay na kitabi pinatannaan Rū Tuhan ma nabangan kitabi buwat kaintongan. Boꞌ na, makitau gi ya njawom atay tabi tud bana-bana du anak Tuhan na kitabi. Dari inaa sina kon tabi ngawnan Tuhan “Maꞌ.”

Suwat si Pol pa mman Baanan Sukuꞌ si Isa ndooy ni Rom 9:6

Siga pagkahi ku ilay bangsa Israil ma bay nuwak si Isa, sibuꞌ du sila ka bay nimanan mimon kabantugan looy siꞌ. Sugaꞌ san meꞌ looy, saꞌ ga hatiyan na yaꞌ na bay tinuman meꞌ Tuhan janjiꞌ na ni bangsa Israil. Sat na jaꞌ, saꞌ na mimon panubuꞌ si Israil taawnan bangsa Israil sabanna.

2 Korin 11:22

Bong pinag-abbu meꞌ da sila bangsa Hibrani, aku pun bangsa Hibrani du. Bong yuk da sila panubuꞌ si Israil ka Nabi Ibrahim, aku pun iyadu.

Galatiya 3:16

Meꞌ naa du sina karuha bay pagsulutan Tuhan ka Nabi Ibrahim. Yaꞌ du dari sinampunan atawa kinulangan. Hati na, janjiꞌ Tuhan ni pagsulutan da ka Nabi Ibrahim yaꞌ du tasampunan ka saraꞌ Nabi Musa ma bay pasunuꞌ paddus mpat hatus tallumpūꞌ taun. Na bong ina lay na baw sinampunan ka saraꞌ, malaingkan yaꞌ na sā pagsulutan Tuhan ka Nabi Ibrahim. Na njawom janjiꞌ Tuhan ni Nabi Ibrahim, yuk na, “Bbos-bbos mimon kabangsa-bangsahan sinupaatan man sabapan panubuꞌ nu.” Na jaman Tuhan ilay bay halling, “man sabapan panubuꞌ nu,” saꞌ silay ga panubuꞌ Nabi Ibrahim ma meka bay awnan Tuhan, arapun tuwaꞌ pa disu du panubuꞌ na, yana Almasi.

Epesus 2:12

Sibuwa, yaꞌ san bay katoonan bi bong soy Almasi. Maka yaꞌ bay luu lamud bi ni bangsa Israil ma bay peneꞌ Tuhan sukuꞌ na. Jaman looy, masi kam awam ni siga janjiꞌ Tuhan ninsila. Yaꞌ bay luu holat bi maka yaꞌ san bay katoonan bi bong soy Tuhan.

Hibrani 9:1

Na njawom pagsulutan sibuwa ilay, luu siga aturan bong pooy meꞌ kabboꞌ-bboan tabi numba. Maka luu du langga ma bay pabuwat da ka kuwit hayop.

Hibrani 9:10

Sarī gi, siga aturan ma bay bogbogan da ilay tuwaꞌ pa hāl ma yaꞌ ngotab pa jawom atay, meꞌ sapantun aturan hāl makanan ka inuman sampay jinisan pandihan. San pooy meꞌ mogbogan siga aturan meꞌ looy, yaꞌ du kasutsiꞌ ni atay. Sugaꞌ talpaksaꞌ baw ninsila mogbog ngkod-ngkoran yaꞌ gi bay pinasampay pagsulutan bahau.

Hibrani 9:3

Man jama paasok pa jawom bilik looy luu kultina. Maka ndooy ni kokan bilik looy luu du kultina ni sallangan bilik looy ka bilik ni kaduwa na ma ginalla Bilik Pinakasutsiꞌ.

Hibrani 9:5

Ni tangkop baul looy luu duwa jama-jama siawop ginalla Serabim Sahayaꞌ Tuhan. Sila ilay yana sipat luu Tuhan ndooy. Saliꞌ-saliꞌ luu pikpik da bay pinabakkut pa duhuan da man namingan tangkop baul looy ma ginalla Lugar Kaampunan. Tangkop looy ilay, ndooy na man mesekan lahaꞌ kulban supaya inampun na meꞌ Tuhan bangsa Israil ni bay dusa da. Sugaꞌ ddong na doꞌ ku nuntutan kaam hāl meꞌ looy batnaa.

Hibrani 9:6

Dari meꞌ looy na silay siꞌ kadari njawom langga looy mattoꞌ. Kuwan siga imam, bbuwatan da llaw-llaw paasok pa jawom bilik looy ma duhuꞌ buwat ma bay tinaat ninsila.