Suwat si Pol pa mman Baanan Sukuꞌ si Isa ndooy ni Rom 8:29 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁹ Labba man sibuwa, ndang katoonan Tuhan na bong soy tumabeꞌ ni sukuꞌ na. Boꞌ ndang luu na silay garaꞌ na ngahalin arat-tabiat da supaya sumibuꞌ na du ka arat-tabiat Anak na, yana si Isa. Kon na ilay buwat meꞌ looy supaya sila pataꞌ inawnan siyali si Isa ma ginalla Anak Siyaka.

Suwat si Pol pa mman Baanan Sukuꞌ si Isa ndooy ni Rom 8:29 ပူးပေါင်းရင်းမြစ်များ

Matiyu 12:50

Batan sagannap ma mean kahandak Mmaꞌ ku ni sulgaꞌ, sila pun ina bilang ku du ga danganakan ku ka nneꞌ ku.”

Matiyu 25:40

“Pag tampung Sultan ilay mintu, ‘Baan ta kam banahan, waktu bi ilay bay buwat meꞌ looy ni soysoy danganakan ku san du pooy diyoꞌ na ni bandingan manusiyaꞌ, saliꞌ du ka aku bay pabuwat bi meꞌ looy.’

Matiyu 28:10

Yuk si Isa ninsila, “Daa kam ba tawu. Pilay na kam. Sōn bi na siga danganakan ku pilay pa Jalil. Sitammu sa kami ndooy.”

Matiyu 7:23

Sugaꞌ pagka wā sila ngalangga kahandak Tuhan, pag halling ku ina mintu ninsila, ‘Yaꞌ bina kam takila ku. Lakka na kam man awpan ku. Kaam ina amu-amu buwat kalaatan.’

Yahiya 17:16

Sila itu meꞌ aku na du, saꞌ sukuꞌ junyaꞌ tuu.

Yahiya 17:19

Kalnaꞌ sila, paglillaꞌ ku na umu ku supaya dari sukuꞌ nu na sila mmeꞌ ni kabanahan.

Yahiya 17:26

Lay na ku malahil arat-tabiat nu ninsila. Boꞌ darahan ku na pin situ supaya aseꞌ da ni pagkahi da meꞌ aseꞌ nu du niyaku, maka supaya luu na pin ku njawom atay da.”

Yahiya 20:17

Yuk si Isa niiya, “Daa ku kuwangkutan nu. Pawus gi situ ku pa jataꞌ pa mman Mmaꞌ ku. Sugaꞌ tugun ku ningkau, pilay na ko pa mman siga danganakan ta. Baan nu sila pilay na ku pa jataꞌ pa mman Mmaꞌ ku, yana Mmaꞌ bi, pa mman Tuhan ku, yana Tuhan bi.”

Suwat si Pol pa mman Baanan Sukuꞌ si Isa ndooy ni Rom 11:2

Sangkon tumatandaꞌ na Tuhan yaꞌ bay nikutan bangsa ma bay peneꞌ na sukuꞌ na maruhuꞌ. Intomun bi doꞌ ilooy ma bay sinuwatan njawom kitab meꞌ bay jaman Nabi Eliyas. Lay ya masamba pa Tuhan kalaatan siga pagkahi na bangsa Israil, yuk na,

Suwat si Pol pa mman Baanan Sukuꞌ si Isa ndooy ni Rom 13:14

Akig tabi arat-tabiat Papuꞌ tabi si Isa Almasi. Maka paayad-ayad kitabi mari yaꞌ taduwan tabi oy-oy pamiki magnapsu ni kalaatan.

Suwat si Pol pa mman Baanan Sukuꞌ si Isa ndooy ni Rom 9:23

Bong hati ya natasan kalaatan jama, maksud na makitahan sila bong pooy ehe kaayaran na ni sagannap ma tinimbangan meꞌ na, yana sagannap ma bay peneꞌ na hampit ni kabantugan na.

1 Korin 15:49

Dan jinis meꞌ halling, sibuwa arat-tabiat lalla looy ma bay pinapayak lakka man tanaꞌ tutu tabi. Pag batnaa, arat-tabiat lalla looy na ma lakka man sulgaꞌ tutu tabi.

1 Korin 2:7

Arapun tōꞌ ma awnan ku itu yana pasal lawom akka Tuhan ka garaꞌ na ma yaꞌ gi bay pinalahil maruhuꞌ. Yaꞌ gi luu junyaꞌ, ndang luu na garaꞌ Tuhan matabeꞌ kitabi ni kabantugan na.

1 Korin 8:3

Sugaꞌ soysoy ina maaseꞌ, iya na sina ngantanan pangahati sabanna.

2 Korin 3:18

Dari kitabi itu batnaa, pagka lai na kinaddoan tambun ni pamiki tabi, tumampak na ningkitabi ehe kaayaran Papuꞌ. Maka hangat kinanna meꞌ tabi kaayaran na, hinalin na pin sina pagkajama tabi leꞌ Rū na ngabut sampay sumibuꞌ na kitabi ka arat-tabiat na.

Epesus 1:11

Na bangsa kami itu bay duhuꞌ ngaholat ni katakka Almasi. Maka kami du bay ginantaꞌ meꞌ Tuhan binuwat sukuꞌ na ma subay moo sanglit ka kabantugan niiya. Labba man tagnaꞌ junyaꞌ lagi, ndang ilooy na silay bay garaꞌ Tuhan. Boꞌ garaꞌ Tuhan ina labbasakayi mastiꞌ pinajatu jaꞌ sina ni jalan ma sikatuwaꞌ ka kahandak na.

Epesus 4:24

Sangkon ni hāl pagkajama bi ma bahau, ndang lay na du kam binaan, bong ibaratan badjuꞌ sutsiꞌ, patukun bi na. Batan lay na kam buwanan Tuhan kaallum bahau supaya kam meꞌ karuha iya na du sabana-bana intong ka sutsiꞌ.

Pilipi 3:21

Maka iya du agad tabi nganggantian baran tabi ma sallahan ka baran ma llum saumu-umu meꞌ karuha niiya. Iya ilay buwat meꞌ looy ni kaehe kawasa na magbayaꞌ ni jataꞌ mimon-mimon.

Kolossa 3:10

sampay lay na saynan bi ka pagkajama bahau. Dari mangkin pasōng pangahati bi ni ilooy ma bay mapayak kaam, mangkin magsasōng na pin meꞌ arat-tabiat bi hinalin ngkod-ngkoran yaꞌ gi taabut bi arat-tabiat na.

2 Timuti 1:9

Maka ndang-ndang, iya du bay nalamat kita sampay ngaliyun kita supaya kita dari sukuꞌ na ma sutsiꞌ halloman ta llum. Sugaꞌ iya ilay bay nalamat kita, saꞌ baw ga man sabapan ni lilingan na mahap arat-tabiat ta. Arapun kon na ilay bay nalamat kita sabap ndang inaa garaꞌ na yaꞌ gi san junyaꞌ bay pinapayak. Ndang luu na garaꞌ na makitahan manusiyaꞌ aseꞌ-tabang na njataꞌ pabuwatan si Isa Almasi.

2 Timuti 2:19

Sugaꞌ san du ina dangoy tōꞌ palsu pinaantup, bong inawnan kabanahan man Tuhan, mastiꞌ taasahan jaꞌ. Sibuꞌ du sina karuha na ka pananggehan lumaꞌ ma yaꞌ takoleꞌ inusik. Maka luu gi sina duwa kabanahan bay sinuwatan ma subay iningat meꞌ ta. Disu, “Kinatoonan du sina meꞌ Tuhan bong soy sukuꞌ na,” kaduwa na, “Soysoy mangaku sukuꞌ Tuhan, subay tagongan da na buwat dusa.”

1 Pitel 1:2

Halloman tabi yaꞌ gi bay lahil pa junyaꞌ, ndang katoonan Tuhan na pitsayaꞌ kitabi ni si Isa bbos-bbos. Dari man gantaan Tuhan, lay na kitabi sinutsiꞌ meꞌ Rū na. Maksud na supaya kitabi ngasip ni si Isa Almasi, maka supaya puwas na dusa tabi sabapan lahaꞌ si Isa bay pinaduwai kalnaꞌ kitabi. Kamura-murahan lipat man lipat na pin kasannangan ningkaam ka barakat man Tuhan.

1 Pitel 1:20

Halloman junyaꞌ yaꞌ gi bay pinapayak, ndang lay na bay ginantaꞌ meꞌ Tuhan Almasi maddusan kitabi man komkoman Ibilis. Sugaꞌ noy ni timpu batnaa na, ni ahil jaman, boꞌ luu na Almasi bay pinalahil meꞌ Tuhan ningkaam.

1 Yahiya 3:2

Siga kakasi ku, batnaa anak Tuhan na situ kitabi, sugaꞌ yaꞌ gi baw bay pinalahil ningkitabi bong pooy kadari tabi bbos-bbos. Ilooy du katoonan tabi, pag beleng Almasi, meꞌ iya na du kitabi batan takita tabi na sina mintu bong pooy kadari na banahan.

Siga Pakaradjaan bay Pinalahil 13:8

Dari dak mimon na manusiyaꞌ taꞌ babaw junyaꞌ numba sattuwa looy na. Ilooy du yaꞌ numba iya yana sagannap ma lay na sinuwatan awon da njawom Būk Kaallum man ngalista awon sagannap ma luu kasampulnaan nyawa da saumu-umu. Awon da ilay ndang lay na sinuwatan njawom būk looy labba man kapayak junyaꞌ. Ilooy ma dapu būk looy yana Bili-bili looy ma bay pingkaꞌ pinapatoy.