Suwat si Pol pa mman Baanan Sukuꞌ si Isa ndooy ni Rom 8:15 - Sabahagiꞌ Kitab Tawrat: Panagnaan ni Awwal Jaman maka Kitab Injil

^15-16 Na jaman tabi ilay njawman saraꞌ, pagka daran kitabi ngalangga, sibuꞌ du karuha tabi ka ata ma tawu pinidjalaꞌ meꞌ papuꞌ na. Pag batnaa, lay na lungay tawu tabi sabap lay na kitabi pinatannaan Rū Tuhan ma nabangan kitabi buwat kaintongan. Boꞌ na, makitau gi ya njawom atay tabi tud bana-bana du anak Tuhan na kitabi. Dari inaa sina kon tabi ngawnan Tuhan “Maꞌ.”

Suwat si Pol pa mman Baanan Sukuꞌ si Isa ndooy ni Rom 8:15 ပူးပေါင်းရင်းမြစ်များ

Matiyu 25:25

Sangkon bay jaꞌ tapuk ku sīn nu njawom tanaꞌ sabap tawu ku tapalkalaꞌ meꞌ nu bong bay lugiꞌ. Atu na sīn bay halap nu niyaku.’

Malkus 14:36

Yuk na, “Maꞌ, katoonan ku du yaꞌ luu tunmanūn ningkau. Bong siꞌ luu dapat, hawasan nu na kabinsanaan ma bay gantaꞌ nu njataꞌ ku. Sugaꞌ subay kahandak nu binean, saꞌ ga niyaku.”

Lukas 11:2

Yuk si Isa ninsila, “Bila kam maku duwaa pa Tuhan, meꞌ tuu hantang na, yuk bi, ‘Maꞌ, kamura-murahan pinaehe na pin awon nu meꞌ jama sikamimon. Kamura-murahan lillaꞌ na jaꞌ mimon manusiyaꞌ ni pamarinta nu.

Lukas 22:42

Yuk na, “Maꞌ, bong siꞌ ko kuhi, hawasan nu na kamalasahiyan ma bay gantaꞌ nu njataꞌ ku. Sugaꞌ subay baw kahandak nu binean, saꞌ ga niyaku.”

Lukas 8:28

Boꞌ daran patakka seytan na. Maka san daran pinusas battis-tangan na ka karina sampay njagahan lagi, masi du tabakkasan na. Pag-anu, boꞌ na pinaggos meꞌ seytan na nohoꞌ pilay pa tangngaꞌ dile yaꞌ maglumaꞌ. Na llaw looy siꞌ, pag takita na si Isa, ilooy ma killahap ya sampay pahangkop ni awpan na. Pag-anu siꞌ, lay na sohoꞌ si Isa seytan looy palakka man jawom baran na. Dari magti ngahowap lalla looy siꞌ, yuk na, “Batōy nu itu ku Isa? Katoonan ku du bina kau Anak Tuhan Mahatinggi. Junjung ku na ningkau, daa jaꞌ ku pidjalaun.”

Lukas 8:37

Sugaꞌ bbuwatan jama sikamimon ni sikaliput Gerasa, lay maku luuy nohoꞌ si Isa lakka man lahat da sabap tawu sila. Dari siꞌ lay na ga si Isa dutai taꞌ kumpit da song palakka.

Yahiya 16:8

Pag takka na, pinalahil na sina mintu meꞌ na ni manusiyaꞌ kabanahan pasal dusa, pasal kaintongan maka pasal hukuman Tuhan.

Yahiya 20:17

Yuk si Isa niiya, “Daa ku kuwangkutan nu. Pawus gi situ ku pa jataꞌ pa mman Mmaꞌ ku. Sugaꞌ tugun ku ningkau, pilay na ko pa mman siga danganakan ta. Baan nu sila pilay na ku pa jataꞌ pa mman Mmaꞌ ku, yana Mmaꞌ bi, pa mman Tuhan ku, yana Tuhan bi.”

Salsila siga Rasul 16:29

Dari tukang jaga looy siꞌ magti bay nohoꞌ binoonan siga sūꞌ, boꞌ na deꞌ-dēꞌ paasok ni bilik man ga si Pol ka si Saylas. Mipig na ga baran na sambayan na nangge ka tuut na ni awpan da.

Salsila siga Rasul 2:37

Pag lay jaꞌ takale siga jama ndooy bay bitsala si Pitel, lassa sobak na ga atay da ni kasasso da. Dari yuk da ni si Pitel ka ga pagkahi na rasul, “Siga mbuwaꞌ danganakan, oy tu la pataꞌ subay pabuwat kami supaya kami inampun meꞌ Tuhan?”

Suwat si Pol pa mman Baanan Sukuꞌ si Isa ndooy ni Rom 8:23

Kitabi pun itu, meꞌ sapantun ngandahing na du, batan landuꞌ na meꞌ tabi magdautan llaw man baran tabi pinabahauwan. Bana na, lay na kitabi pinaasokan Rū Tuhan, yana sabahagiꞌ ni mimon supaat ma bay duhuꞌ pinamuwan meꞌ Tuhan ningkitabi. Sugaꞌ masi du kitabi magdautan llaw man Tuhan malahil kajatuhan mimon supaat ma ndang bay hinallian siga anak na.

Suwat si Pol pa mman Baanan Sukuꞌ si Isa ndooy ni Rom 8:26

Na tamūd ina luu pabuwatan yaꞌ takaya tabi. Kahapan, luu na pin sina Rū Sutsiꞌ nabangan kitabi. Nnaꞌ ta na pa maku duwaa pa Tuhan. Tamūd yaꞌ san katoonan tabi bong oy pataꞌ subay paku tabi mman Tuhan. Lipara, luu du Rū Sutsiꞌ makuhan kitabi duwaa pasal pakaradjaan njawom atay tabi ma yaꞌ luu bitsala tatammu bong pooy meꞌ halling.

Suwat si Pol pa mman Baanan Sukuꞌ si Isa ndooy ni Rom 9:4

Tud senseng ehe kabantugan njataꞌ da. Bistahun bi doꞌ, sila ilay bangsa ku Israil, yana bangsa bay pineneꞌ meꞌ Tuhan binuwat anak na. Maka sila du man Tuhan bay makitahan ehe kawasa na. Boꞌ ninsila lagi man Tuhan bay mōꞌ siga pagsulutan sampay man na bay ngandean saraꞌ na ka siga aturan pasal lanan meꞌ numba iya. Damikiyan, ninsila du man Tuhan bay muwan jinisan janjiꞌ.

1 Korin 2:12

Boꞌ inaa na sina Rū ma bay pinaasok ningkitabi. Sabapan na, yaꞌ na sibuꞌ pamiki tabi ka siga jama ma mandang hāl junyaꞌ. Kon na ilay bay ndean supaya tahati tabi na siga supaat ma bay pamuwan Tuhan ningkitabi ni kaehe aseꞌ na.

2 Korin 11:4

Gampang ku la ningkaam. Bong luu jama pilu moo tōꞌ sarī pasal si Isa ma yaꞌ magbēꞌ ka tōꞌ kami, kuhi-kuhi jaꞌ kam pitsayaꞌ. Damikiyan, bong luu noan kaam pasal Rū Sutsiꞌ atawa pasal umanat mahap, kuhi-kuhi jaꞌ du kam pitsayaꞌ san yaꞌ sikatuwaꞌ tōꞌ da ka ningkami.

Galatiya 2:4

Sugaꞌ luu du baw kasohean pasalluk ndooy yaꞌ kasulutan ni umanat ku. Kahandak da, mimon ma pitsayaꞌ ni si Isa subay llogos nohoꞌ mogbogan saraꞌ agama Yahudi. Sugaꞌ tabistu kami na du saꞌ sila danganakan kami sabanna. Lay jaꞌ sila pasalluk ni baanan kami mayu-mayu bong kami mogbogan saraꞌ agama atawa niyaꞌ. Sugaꞌ tabista kami du bong pamiki da binean, mastiꞌ kalangkat jaꞌ ni kasumunsayaan tabi njawman si Isa Almasi.

Galatiya 5:1

Na siga danganakan, kon ilay Almasi bay maddusan kitabi man jawom sakup saraꞌ supaya kitabi sumunsayaꞌ na. Sangkon amay-amay daa na kam kuhi pinahata meꞌ saraꞌ pabalik. Takkoan bi na kasumunsayaan bi.

Epesus 1:5

man maruhuꞌ lagi, ndang lay na ginantaꞌ meꞌ na subay kitabi dari anak na man sabapan pabuwatan si Isa Almasi, batan ndang ilooy nulut ni kahandak na.

2 Timuti 1:7

Daa ko tawu buwat ma bay sinukuꞌ meꞌ Tuhan ningkau. Batan Tuhan ilay bay matannaꞌ Rū na njataꞌ ta supaya luu na gaos ta ka aseꞌ sampay tabang ngagak dī ta. Saꞌ ga silay supaya kita subay na pin tawu.

Hibrani 2:15

Maka Almasi ilay bay matoy supaya talakkahan na na tawu tabi ni kapatoy, yana tawu ma meꞌ sapantun bay mahata kitabi halloman tabi llum.

Yaꞌkub 2:19

Maka baan ku ya, “Bong ina sat pitsayaꞌ, yaꞌ sukup. Pamikihan doꞌ paayad. Saꞌ ba, pitsayaꞌ ko disu du Tuhan? Mahap sina. Sugaꞌ minsan ina siga seytan, pitsayaꞌ du meꞌ looy sampay mipig na sila ni katawu da minulkaan bbos-bbos.”

1 Yahiya 4:18

Bong kita maasean Tuhan ka pagkahi ta manusiyaꞌ, yaꞌ na sina luu tawu ta pa Tuhan. Ilooy ya ilay man jama tawu bong bistahan da luu pidjalaꞌ Tuhan ngagad sila. Sangkon soysoy tawu pinidjalaꞌ, tarang-tarang kulang meꞌ na maaseꞌ.