Suwat si Pol pa mman Baanan Sukuꞌ si Isa ndooy ni Rom 6:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Ongoy, yaꞌ gi kina katoonan bi lay na kitabi tabeꞌ ni kapatoy si Isa Almasi takdang tabi bay pinandi tandaꞌ tabi tibuuk na ka iya?

Suwat si Pol pa mman Baanan Sukuꞌ si Isa ndooy ni Rom 6:3 ပူးပေါင်းရင်းမြစ်များ

Matiyu 28:19

Sangkon, lataan bi na junyaꞌ boꞌ toan bi na sikamimon bangsa pasal aku supaya sila mmeꞌ niyaku. Maka pandihun bi na sila ni awon Mmaꞌ ku, Anak na, ka Rū Sutsiꞌ.

Salsila siga Rasul 19:5

Pag lay jaꞌ takale da meꞌ looy, lay du sila nohoꞌ pinandi ni awon Papuꞌ Isa.

Salsila siga Rasul 2:38

Pag tampung si Pitel, “Subay kam nawbat saliꞌ-saliꞌ, boꞌ bi nohoꞌ pinandi ni awon si Isa Almasi. Meꞌ looy ilay, puwas na mimon dusa bi pa Tuhan boꞌ bi buwanan na ladjikiꞌ, yana Rū Sutsiꞌ.

Salsila siga Rasul 8:16

Bana na, lay na sila pingkaꞌ pinandi ni awon Papuꞌ Isa, sugaꞌ yaꞌ gi sila bay pinatannaan Rū Sutsiꞌ.

Suwat si Pol pa mman Baanan Sukuꞌ si Isa ndooy ni Rom 6:16

Bong yaꞌ katoonan bi, soysoy ina duwan ta, inaa na sina papuꞌ ta. Sangkon bong ina kita nganduwan napsu ta buwat dusa, malaingkan dusa yana papuꞌ ta mahata kita. Pag toklas na, tiksaꞌ nyawa ta. Sugaꞌ bong ina inaa ya duwan ta kahandak Tuhan, malaingkan Tuhan yana Papuꞌ ta. Kuwan kita yana ata na. Pag toklas na, intong na jaꞌ kawul-piil ta.

Suwat si Pol pa mman Baanan Sukuꞌ si Isa ndooy ni Rom 6:8

Sangkon batnaa, pagka lay na kitabi tabeꞌ ni si Isa matoy, malaingkan pitsayaꞌ na kitabi tabeꞌ na du ni kaallum na.

Suwat si Pol pa mman Baanan Sukuꞌ si Isa ndooy ni Rom 7:1

Na siga danganakan, yaꞌ du sina kam awam pasal saraꞌ. Katoonan bi du njawman sakup saraꞌ sadjaꞌ kitabi halloman tabi llum. Sugaꞌ bong itu kitabi lay na matoy, yaꞌ na luu kawasa-kapatut saraꞌ njataꞌ tabi.

1 Korin 10:2

Dari kahalan da ilay siꞌ ni tayiꞌ baliyu looy ka dilawut looy, tabilang lay sila pinandi tandaꞌ da mmeꞌ ni Nabi Musa.

1 Korin 12:13

Lay na kitabi tinibuuk meꞌ Tuhan pa disu baran sa batan lay na kitabi saliꞌ-saliꞌ pinaasokan disu Rū, yana Rū Sutsiꞌ. Kasohean kitabi bangsa Yahudi, kasohean ssaꞌ, kasohean ata, kasohean ssaꞌ, sugaꞌ saliꞌ-saliꞌ kitabi bay pinaasokan Rū Sutsiꞌ.

1 Korin 15:29

Balik ta pa hāl jama llum pabalik. Bong ilay bana jama ma lay na matoy yaꞌ na pinakallum, oy sabap kasohean nohoꞌ pinandi para pagkahi da ma lay na matoy? Oy pus da buwat meꞌ looy bong yaꞌ na du pinakallum pabalik siga pagkahi da?

1 Korin 3:16

Na kaam, sukuꞌ si Isa, subay katoonan bi kaam lumaꞌ Tuhan batan luu na Rū na maglumaꞌ njawom atay bi.

1 Korin 5:6

Bong ina luu na pin lamud kalalamaan meꞌ naa ni baanan bi, yaꞌ sina sikatuwaꞌ bong kam ngabbu lagi bahasa kaam jama kanaalla mmeꞌ ni kahandak Papuꞌ. Subay siꞌ katoonan bi na bong kinawnan dusa pinabiya, kalamin ni sikamimon. Bong dalil ta pa pasulig, san ina dangkitiꞌ du, lataꞌ na sina man na ngassob.

1 Korin 6:19

Bong yaꞌ katoonan bi, baran tabi itu lumaꞌ Rū Sutsiꞌ ma bay dean Tuhan kitabi. Saꞌ na sina kitabi dapu baran tabi, arapun Tuhan na dapu

1 Korin 6:9

Yaꞌ kina katoonan bi, kinawnan jama buwat maat, yaꞌ luu kabigiꞌ-bigian da ni pamarinta Tuhan? Daa kam ngandupang dī bi. Intomun bi, basta ina sagannap ma buwat maat meꞌ sapantun kalalamaan yaꞌ halal kawin, atawa ma numba kajinisan sarī man Tuhan, ma magjina, ma sikameek-kameek lalla ka pagkahi da lalla, atawa danda ka pagkahi da danda, mastiꞌ yaꞌ sina luu sukuꞌ da ni pamarinta Tuhan.

1 Korin 9:13

Sugaꞌ san itu kami bay mangatas buwat meꞌ looy, pataꞌ du baw silay bong kami bay koleꞌ hasil. San baw siga jama ma tukang ngayaran langga mehe ndooy ni Jerusalem, binalanjaan du meꞌ siga jamaa ndooy. Siga imam pun ma tukang numbaliꞌ kulban, mastiꞌ luu jaꞌ du bahagiꞌ da.

1 Korin 9:24

Kitabi itu ma mmeꞌ ni si Isa, subay pupusan tabi basag tabi makutuꞌ kahandak na meꞌ karuha jama maglumbaꞌ sonse mupusan basag da pin koleꞌ jaꞌ haddiya numbul satu. Na tiyap-tiyap jama maglumbaꞌ ina, disu du koleꞌ haddiya numbul satu. Sangkon subay kam kanaalla makutuꞌ kahandak Papuꞌ mari takoleꞌ bi haddiya ma puhung bi.

2 Korin 13:5

Sangkon na ina, pindogahan bi bana kawul-piil bi bong sikatuwaꞌ du ka umanat mahap ma kinapitsayaan meꞌ bi. Bong ina tud bana-bana du si Isa Almasi patannaꞌ njawom atay bi, mastiꞌ tumatandaꞌ jaꞌ sina ni ayad kawul-piil bi. Bong ina niyaꞌ, saꞌ ga bina oy, meꞌ bi pitsayaꞌ ni kuwit tōng bi sadjaꞌ.

Galatiya 3:27

Maka pag lay jaꞌ kam pinandi tandaꞌ bi mmeꞌ na ni Almasi, sibuꞌ na du kam ka lay na nibuuk dī bi ka iya. Arat Almasi ina bong nnaꞌ ta pa juba, lay na patuk bi.

Yaꞌkub 4:4

Bong ina pakaradjaan meꞌ naa paabak bi, yaꞌ kam magkanaalla pa Tuhan. Ilooy ya meꞌ punu njawom atay bi hāl junyaꞌ. Bong yaꞌ katoonan bi, tiyap-tiyap ina pakaradjaan junyaꞌ inisbat meꞌ bi, malaingkan nikutan kam Tuhan maka sibuꞌ du kam ka manta iya.

1 Pitel 3:21

Kasalamatan da ilay ni boheꞌ dunuk looy mattoꞌ, tadalil tabi pa boheꞌ man tabi bay pinandi tandaꞌ tabi lay na salamat man hukuman Tuhan. Kitabi ilay bay pinandi, saꞌ ga pandihan man ngalakkahan lumut ni baran tabi. Arapun pandihan tabi ina yana sipat lay na kitabi maku ampun man Tuhan mari hayang na pamiki tabi. Boꞌ kasalamatan tabi itu mawjud na batan lay na pinakallum pabalik si Isa Almasi.