Suwat si Pol pa mman Baanan Sukuꞌ si Isa ndooy ni Rom 4:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

^11-12 Na danan na ilay bay sinohoꞌ ngislam mari luu sipat ni baran na ndang lai na ya initung intong sabap meꞌ na bay pitsayaꞌ ni palman Tuhan. Dari poonan man salsila Nabi Ibrahim, tahati tabi na kon jama initung intong, sabap meꞌ da pitsayaꞌ, saꞌ ga sabap meꞌ da bay inislam. Sangkon binilang na Nabi Ibrahim mmaꞌ mimon ma pitsayaꞌ ni Almasi, bay inislam atawa niyaꞌ. Batan saliꞌ-saliꞌ na du sila ngikut Nabi Ibrahim pitsayaꞌ.

Suwat si Pol pa mman Baanan Sukuꞌ si Isa ndooy ni Rom 4:11 ပူးပေါင်းရင်းမြစ်များ

Matiyu 16:16

Tampung si Saymon Pitel, “Kau na bina Almasi, tukang nalamat ma bay njanjiꞌ meꞌ Tuhan sabanna ma llum saumu-umu. Kau na Anak Tuhan.”

Matiyu 8:11

Maka yuk si Isa, “Bbos-bbos, meka sina jama pōꞌ man sika-mpat pidju alam siharung-harung mangan ka ga Nabi Ibrahim, Nabi Isahak ka Nabi Yaꞌkub ni pamarinta Tuhan.

Lukas 19:9

Yuk si Isa ni si Zakiyus, “Batnaa tu, salamat na ko sampay ga jama lumaꞌ bi sabap lay na ko mōꞌ buktiꞌ sabana-bana kau panubuꞌ Boꞌ Ibrahim.

Yahiya 3:33

Sugaꞌ soysoy baw ina pitsayaꞌ ni umanat na, malaingkan sibuꞌ du ya ka bay mangaku bana palman Tuhan.

Yahiya 3:36

Dari soysoy ina pitsayaꞌ ni Anak na, luu na kasampulnaan nyawa na saumu-umu. Sugaꞌ soysoy ina yaꞌ pitsayaꞌ ni Anak Tuhan, malaingkan yaꞌ sina koleꞌ kasampulnaan nyawa sabap yaꞌ kuhi lakka mulkaꞌ Tuhan njataꞌ na.”

Yahiya 6:35

Yuk si Isa, “Aku na situ makanan looy ma muwan kasampulnaan nyawa. Soysoy pa mman ku maka pitsayaꞌ niyaku, malaingkan yaꞌ na ya lingantu pabalik maka yaꞌ na du kuhi tohoꞌ kallong na saumu.

Yahiya 6:47

“Baan ta kam banahan, soysoy pitsayaꞌ niyaku, luu na kasampulnaan nyawa na saumu-umu.

Yahiya 8:33

Pag-anu, yuk siga pa-mmean Yahudi ndooy siꞌ, “Kami bitu la panubuꞌ Nabi Ibrahim. Yaꞌ kami bay pingkaꞌ pinahata. Ongoy taggahaꞌ tatammu nu na baw ga māꞌ pinaddusan kami mari kami yaꞌ na pinahata?”

Suwat si Pol pa mman Baanan Sukuꞌ si Isa ndooy ni Rom 10:11

Batan yuk njawom kitab, ‘Soysoy pitsayaꞌ niiya yaꞌ kaap-apan.’ ”

Suwat si Pol pa mman Baanan Sukuꞌ si Isa ndooy ni Rom 10:4

Yaꞌ tahati da lay na ginantian meꞌ Tuhan jalan sibuwa ka jalan bahau. Batnaa tu, Almasi na yana jalan bahau man manusiyaꞌ initung intong, basta sila pitsayaꞌ jaꞌ niiya.

Suwat si Pol pa mman Baanan Sukuꞌ si Isa ndooy ni Rom 10:6

Tandaꞌ jama mista saraꞌ Tuhan kalanduꞌ awod binogbogan, kasohean magsambatan na ga subay jama bay doꞌ duhuꞌ dutai pa sulgaꞌ boꞌ na nammu kasalamatan. Sugaꞌ daa na sila susa. Luu na du Almasi bay duwai man sulgaꞌ nalamat manusiyaꞌ. Boꞌ inaa na sina umanat ma sohoꞌ kami kinapitsayaan ni manusiyaꞌ.

Suwat si Pol pa mman Baanan Sukuꞌ si Isa ndooy ni Rom 3:22

Dari man gantaan Tuhan, initung na manusiyaꞌ intong basta sila pitsayaꞌ jaꞌ ka mangando ni si Isa Almasi. Tuhan ina yaꞌ magsibiddaꞌ san gi oy bangsa jama.

Suwat si Pol pa mman Baanan Sukuꞌ si Isa ndooy ni Rom 3:26

Sugaꞌ batnaa supaya tumatandaꞌ na Tuhan hukum intong, bohoꞌ na bay ngalabuꞌ hisab para ni dusa manusiyaꞌ. Sugaꞌ lay tiniggan meꞌ na njataꞌ si Isa. Sangkon sagannap ma pitsayaꞌ ni si Isa, initung na meꞌ Tuhan intong.

Suwat si Pol pa mman Baanan Sukuꞌ si Isa ndooy ni Rom 3:30

Disu du sina Tuhan, maka disu du jalan man na ngitung manusiyaꞌ intong, yana meꞌ da pitsayaꞌ ni si Isa, bangsa Yahudi atawa ssaꞌ.

Suwat si Pol pa mman Baanan Sukuꞌ si Isa ndooy ni Rom 4:10

saꞌ ga sabap meꞌ na bay pingkaꞌ inislam. Batan saꞌ ba, ndang lai na ya initung intong yaꞌ gi san ya bay inislam?

Suwat si Pol pa mman Baanan Sukuꞌ si Isa ndooy ni Rom 9:30

Dari hantak bitsala ku ilay siꞌ, kuwan siga jama ma saꞌ Yahudi, san sila yaꞌ bay miha jalan man da initung meꞌ Tuhan intong, lay na du nammu kaintongan sabap meꞌ da pitsayaꞌ ni si Isa.

Suwat si Pol pa mman Baanan Sukuꞌ si Isa ndooy ni Rom 9:33

Boꞌ magbēꞌ du bana ka suwat njawom kitab, ilooy ma yuk Tuhan, “Ndaun bi sa. Luu sina mintu nnaꞌ ku ni Zayon batu man jama sumantuk. Sampay ilooy na poonan man mandung imukka da. Sugaꞌ soysoy baw ina mintu pitsayaꞌ ni batu looy, yaꞌ kaap-apan saumu-umu.”

Suwat si Pol pa mman Baanan Sukuꞌ si Isa ndooy ni Rom 9:6

Siga pagkahi ku ilay bangsa Israil ma bay nuwak si Isa, sibuꞌ du sila ka bay nimanan mimon kabantugan looy siꞌ. Sugaꞌ san meꞌ looy, saꞌ ga hatiyan na yaꞌ na bay tinuman meꞌ Tuhan janjiꞌ na ni bangsa Israil. Sat na jaꞌ, saꞌ na mimon panubuꞌ si Israil taawnan bangsa Israil sabanna.

2 Korin 1:22

Damikiyan iya na du sina bay maasok Rū Sutsiꞌ pa jawom atay tabi tandaꞌ sukuꞌ na na kitabi. Boꞌ Rū Sutsiꞌ ina yana buktiꞌ man tabi kasiguru koleꞌ mimon ma bay njanjiꞌ meꞌ Tuhan ni sukuꞌ na.

Galatiya 3:22

Sugaꞌ tallak na silay njawom kitab mimon manusiyaꞌ takawum leꞌ dusa. Sangkon yaꞌ takaya da mogbogan saraꞌ. Dari lay na Tuhan nganjanjiꞌ muwasan dusa da basta sila pitsayaꞌ jaꞌ ni si Isa Almasi.

Galatiya 3:29

Maka pagka sukuꞌ Almasi na kam, malaingkan initung na sina kam anak Nabi Ibrahim. Boꞌ na, kapakaam na mimon ma bay njanjiꞌ meꞌ Tuhan.

Galatiya 3:7

Sangkon pahamun bi banahan, sagannap ma pitsayaꞌ ni janjiꞌ Tuhan meꞌ karuha Nabi Ibrahim, sila na sina initung meꞌ Tuhan siga anak Nabi Ibrahim.

Galatiya 5:5

Boꞌ kitabi baw itu ma pitsayaꞌ sampay mangasa ni gaos Rū Sutsiꞌ, holat tabi arat-tabiat tabi sigi-sigi hinalin ngkod-ngkoran yaꞌ gi kitabi intong gi man intong.

Galatiya 6:16

Kamura-murahan sagannap ma pitsayaꞌ ni bay bitsala ku jawom suwat tuu, binuwanan du kasannangan ka timbang meꞌ Tuhan. Batan sila na sina bangsa Israil sabanna. Hati na, sukuꞌ Tuhan na sila san gi oy bangsa da.

Epesus 1:13

Na kaam pun nnaa, meꞌ kami na du sina kam bay lliyun binuwat sukuꞌ Tuhan. Batan pag lay jaꞌ takale bi kabanahan, yana umanat mahap pasal kasalamatan, lay na du kam pitsayaꞌ ni Almasi. Pag-anu, boꞌ bi bay pinaasokan Rū Sutsiꞌ meꞌ ndang bay njanjiꞌ meꞌ Tuhan, tandaꞌ sukuꞌ na na kam.

Epesus 4:30

Maka daa pasusahun bi Rū Sutsiꞌ ka kawul-piil ma naggaꞌ ni kahandak na. Iya ina yana katakkoan man tabi katantu sukuꞌ Tuhan na kitabi. Maka iya du sina katakkoan man tabi katantu mastiꞌ pinaddusan jaꞌ kitabi man mimon kalaatan junyaꞌ bbos-bbos.

Pilipi 3:9

Maka ituu gi tu hagaan niyaku ni hāl meꞌ ku initung meꞌ Tuhan intong. Sugaꞌ kaintongan ku itu, saꞌ ga sabap meꞌ ku bay mogbogan saraꞌ agama, arapun sabap meꞌ ku pitsayaꞌ ni si Isa Almasi. Batan kaintongan ku tu, yana ladjikiꞌ man Tuhan niyaku.

Hibrani 11:7

Damikiyan Nabi Nū, sabapan pangando na pa Tuhan, pag lay jaꞌ ya binaan leꞌ Tuhan luu takka dunuk mehe bbos-bbos, lay du ya pitsayaꞌ. Dari lay du ya ngasip ni Tuhan nohoꞌ buwat bahitlaꞌ man nalamat ga paglūng na. Maka sabapan pangando na, lay ya initung meꞌ Tuhan intong. Sugaꞌ kuwan jama lahat na, yaꞌ kuhi pitsayaꞌ pag binaan meꞌ Nabi Nū luu takka dunuk. Batan inawnan dunuk, yaꞌ gi san bay pingkaꞌ takita leꞌ manusiyaꞌ. Dari sabap yaꞌ sila mmeꞌ pitsayaꞌ ni Nabi Nū, ilooy na man da bay kalabuan hukuman kapatoy ni bay dunuk looy.

2 Pitel 1:1

Ituu itu aku, si Saymon Pitel, disu ata si Isa Almasi. Maka aku itu disu rasul na. Itu suwat ku pa mman bi ma pitsayaꞌ na du ni si Isa Almasi, yana Tuhan tabi ka tukang nalamat kitabi. Ni kaintong na, yaꞌ ya minig jama, batan kaam pun ina, meꞌ kami na du, bay kaladjikian saliꞌ-saliꞌ buwatan hagaan, yana pangando tabi niiya.

Siga Pakaradjaan bay Pinalahil 9:4

Sugaꞌ yaꞌ sila pinadari meꞌ tabiat tompang biyasa makaat kakayu-kayuhan ka katumbu-tumbuhan sampay tinanom. Ilooy du bay sinukuꞌ ninsila, mapaddihan sagannap manusiyaꞌ ma yaꞌ luu sāp Tuhan taꞌ tundun da.