Suwat si Pol pa mman Baanan Sukuꞌ si Isa ndooy ni Rom 3:31 - Sabahagiꞌ Kitab Tawrat: Panagnaan ni Awwal Jaman maka Kitab Injil

³¹ Sugaꞌ minsan itu lay na kitabi initung intong sabap meꞌ tabi pitsayaꞌ ni si Isa, saꞌ baw ina ga subay takupan tabi na saraꞌ Nabi Musa, gam pin tanggehan tabi lagi.

Suwat si Pol pa mman Baanan Sukuꞌ si Isa ndooy ni Rom 3:31 ပူးပေါင်းရင်းမြစ်များ

Matiyu 15:6

Dari sabapan tōꞌ bi ina, luu na sina jama yaꞌ na mag-arat ni induꞌ-mmaꞌ da. Pagka meꞌ naa, saꞌ ga bina oy, talloban bi palman Tuhan bong pin tapaantup bi jaꞌ aturan bi.

Matiyu 3:15

Sugaꞌ tampung si Isa, “Pilayun na ba. Dari du sina ko mandi aku, batan subay bean ta mimon kahandak Tuhan ningkita.” Dari lay na kuhi si Yahiya mandi si Isa.

Matiyu 5:17

“Na aku itu bay pitu, daa kam mista ga luu maksud ku matoyan saraꞌ Nabi Musa atawa siga suwat kanabi-nabihan. Arapun kon itu ku bay pitu majatu ilooy ma bay tinunaꞌ meꞌ da.

Matiyu 5:20

Baan ta kam banahan, yaꞌ sina kam tumabeꞌ ni pamarinta Tuhan bong yaꞌ lumabi kaintongan bi man ni siga Parisi ka ga guru saraꞌ agama.”

Lukas 20:16

Baan ta kam, mastiꞌ pilay jaꞌ silay ya pa mman siga panungguꞌ looy, boꞌ na mapatoy sila labbasakayi. Pag lupus, boꞌ pina-ntan meꞌ na kabbun na man siga panungguꞌ sarī.” Pag lay jaꞌ siꞌ takale bay bitsala si Isa meꞌ ga jama ndooy, yuk da, “Sipais! Kamura-murahan yaꞌ du luu jama buwat meꞌ looy ni lahat tabi.”

Suwat si Pol pa mman Baanan Sukuꞌ si Isa ndooy ni Rom 10:4

Yaꞌ tahati da lay na ginantian meꞌ Tuhan jalan sibuwa ka jalan bahau. Batnaa tu, Almasi na yana jalan bahau man manusiyaꞌ initung intong, basta sila pitsayaꞌ jaꞌ niiya.

Suwat si Pol pa mman Baanan Sukuꞌ si Isa ndooy ni Rom 2:20

Ni bistahan bi, tawop kam noan sagannap ma yaꞌ luu pangahati da, ma meꞌ sapantun anak-anak. Batan bangsa tabi ngantanan kitab ka saraꞌ man bay nuwatan kabanahan ka ilmuꞌ langkap.

Suwat si Pol pa mman Baanan Sukuꞌ si Isa ndooy ni Rom 3:4

Minsan mimon manusiyaꞌ ngandustaꞌ, bong Tuhan, mastiꞌ bonto jaꞌ. Meꞌ bay sinuwatan njawom kitab, yuk Nabi Daud, “Tuhan, bila kau magpalman, song hallom, tumatandaꞌ du bana sadjaꞌ bay palman nu. Bong sinahawi hukuman nu, song hallom, tumatandaꞌ du katuwaꞌ jaꞌ ko.”

Suwat si Pol pa mman Baanan Sukuꞌ si Isa ndooy ni Rom 3:6

Yaꞌ silay dari binean pamiki meꞌ looy, batan bong niyaꞌ katuwaꞌ Tuhan ngamulkaan jama ma buwat kalaatan, pooy meꞌ na taasahan huwis intong taabut na ngahukum mimon manusiyaꞌ?

Suwat si Pol pa mman Baanan Sukuꞌ si Isa ndooy ni Rom 4:14

Dari bong itu kitabi subay na pin mogbogan saraꞌ boꞌ tabi koleꞌ ilooy ma bay njanjiꞌ meꞌ Tuhan, malaingkan yaꞌ luu pūs pitsayaꞌ tabi ni janjiꞌ Tuhan. Maka yaꞌ du luu guna janjiꞌ Tuhan.

Suwat si Pol pa mman Baanan Sukuꞌ si Isa ndooy ni Rom 7:22

San njawom atay ku tud doman ku mean saraꞌ Tuhan,

Suwat si Pol pa mman Baanan Sukuꞌ si Isa ndooy ni Rom 8:4

Maksud Tuhan buwat meꞌ looy supaya takaya tabi na buwat kaintongan meꞌ ilooy ma tinōꞌ njawom saraꞌ. Dari batnaa, saꞌ na napsu tabi pakutuꞌ tabi nduwan, arapun kahandak Rū Sutsiꞌ na.

1 Korin 9:21

Damikiyan, bila ku njawom siga bangsa ma yaꞌ san toon saraꞌ Yahudi, mmeꞌ du ku ni arat kabiyasahan da bong pin luu jaꞌ taboo ku mmeꞌ ni Papuꞌ Isa. Sugaꞌ bong baw ndaꞌ ku tagga pabuwatan da pa Tuhan, mastiꞌ yaꞌ du ku mmeꞌ, batan wā ku mean tōꞌ Almasi.

Galatiya 2:19

“Boꞌ aku baw tu, tabista ku na, san pooy basag ku bay mogbogan saraꞌ, basta yaꞌ du tabogbog ku labbasakayi. Dari lay na tikutan ku saraꞌ mari tatūs ku lān ma bay ginantaꞌ meꞌ Tuhan man jama nulut ni kahandak na. Meꞌ ku ngingat, pagkajama ku maruhuꞌ lay na tabeꞌ matoy ni Almasi llansang taꞌ tehang.

Galatiya 2:21

Sangkon bong itu ku mangasa na baw ni hulas-sangsāꞌ ku mogbogan saraꞌ man ku initung intong, sibuꞌ na du ka bay tuwak ku aseꞌ Tuhan niyaku. Batan sat ku saꞌ māꞌ yaꞌ luu kapuspusan kapatoy si Isa.”