Suwat si Pol pa mman Baanan Sukuꞌ si Isa ndooy ni Rom 3:27 - Sabahagiꞌ Kitab Tawrat: Panagnaan ni Awwal Jaman maka Kitab Injil

^27-28 Dari yaꞌ luu tapag-abbu meꞌ tabi saula-ula puwas na dusa tabi sabapan kaayaran bay pabuwat tabi atawa sabapan hulas-sangsāꞌ tabi mogbogan saraꞌ. Batan saꞌ silay poonan pabuwatan tabi man dusa tabi bay pinuwasan. Ilooy ya man dusa tabi bay puwas sabap meꞌ tabi pitsayaꞌ ni si Isa.

Suwat si Pol pa mman Baanan Sukuꞌ si Isa ndooy ni Rom 3:27 ပူးပေါင်းရင်းမြစ်များ

Malkus 16:16

Soysoy ina pitsayaꞌ niyaku sampay bay pinandi, malaingkan salamat na ya. Sugaꞌ soysoy ina yaꞌ pitsayaꞌ, kalabuan du sina hukuman Tuhan.

Yahiya 3:36

Dari soysoy ina pitsayaꞌ ni Anak na, luu na kasampulnaan nyawa na saumu-umu. Sugaꞌ soysoy ina yaꞌ pitsayaꞌ ni Anak Tuhan, malaingkan yaꞌ sina koleꞌ kasampulnaan nyawa sabap yaꞌ kuhi lakka mulkaꞌ Tuhan njataꞌ na.”

Suwat si Pol pa mman Baanan Sukuꞌ si Isa ndooy ni Rom 10:5

Na ni kapasal jama mogbogan saraꞌ man da initung intong, luu bay sinuwatan meꞌ Nabi Musa, ilooy ma yuk na, “Bong jama mogbogan panohoan labbasakayi njawom saraꞌ, koleꞌ sila kasampulnaan nyawa.” Salla na, bong inawnan manusiyaꞌ, yaꞌ luu san disu kabogbog saraꞌ labbasakayi.

Suwat si Pol pa mman Baanan Sukuꞌ si Isa ndooy ni Rom 11:6

Dari pagka aseꞌ Tuhan man da bay dari sukuꞌ na, tumatandaꞌ saꞌ du sangsāꞌ da buwat jinisan taat kon da bay pineneꞌ. Bong siꞌ ilay sila bay tapeneꞌ sabapan sangsāꞌ da, yaꞌ silay taawnan aseꞌ ninsila arapun yana tungbas atawa hasil ni bay sangsāꞌ da.

Suwat si Pol pa mman Baanan Sukuꞌ si Isa ndooy ni Rom 2:17

Kuwan kaam baw siga pagkahi ku Yahudi, katoonan ku du mangasa kam ni sangsāꞌ bi mogbogan saraꞌ Nabi Musa bilang kaintongan bi pa Tuhan. Maka pinag-abbu meꞌ bi kaam bangsa ma lungbid ka Tuhan.

Suwat si Pol pa mman Baanan Sukuꞌ si Isa ndooy ni Rom 2:23

Kaam ina tigiꞌ ngabbu ni hāl bangsa tabi bay pina-ntanan saraꞌ Tuhan. Sugaꞌ oy sōng na bong kam kadiyoꞌ ni awon Tuhan hangat kam ngalangga saraꞌ na?

Suwat si Pol pa mman Baanan Sukuꞌ si Isa ndooy ni Rom 3:19

Na hantak bitsala looy ilay siꞌ njawom kitab, tumatandaꞌ na mimon manusiyaꞌ dusahan pa Tuhan. Tud yaꞌ luu san disu nammu daawa man da nangkisan hukuman Tuhan, awla na bangsa Yahudi ma bay pina-ntanan saraꞌ, boꞌ langga da lagi. Sangkon mimon manusiyaꞌ pataꞌ kalabuan hukuman.

Suwat si Pol pa mman Baanan Sukuꞌ si Isa ndooy ni Rom 3:26

Sugaꞌ batnaa supaya tumatandaꞌ na Tuhan hukum intong, bohoꞌ na bay ngalabuꞌ hisab para ni dusa manusiyaꞌ. Sugaꞌ lay tiniggan meꞌ na njataꞌ si Isa. Sangkon sagannap ma pitsayaꞌ ni si Isa, initung na meꞌ Tuhan intong.

Suwat si Pol pa mman Baanan Sukuꞌ si Isa ndooy ni Rom 4:2

Iya ilay bay initung intong, saꞌ ga man sabapan siga pabuwatan na. Bong siꞌ ilay bay man sabapan siga pabuwatan na, malaingkan luu na pinag-abbu meꞌ na. Sugaꞌ bong pa Tuhan, tud yaꞌ luu tapag-abbu leꞌ Nabi Ibrahim.

Suwat si Pol pa mman Baanan Sukuꞌ si Isa ndooy ni Rom 7:21

Pangissahan ku, san luu dawom ku wā buwat kaintongan, luu na pin napsu ni baran ku kaboo-boo niyaku buwat jinisan dusa.

Suwat si Pol pa mman Baanan Sukuꞌ si Isa ndooy ni Rom 7:23

luu na pin napsu ku naggaꞌ. Dari sibuꞌ du ku ka ata pinagbayaan meꞌ napsu ku buwat dusa sabap nabiat ku nganduwan iya.

Suwat si Pol pa mman Baanan Sukuꞌ si Isa ndooy ni Rom 8:2

Lagiꞌ na, pag lay jaꞌ kitabi tibuuk ka si Isa Almasi, lay na kitabi binuwanan meꞌ Rū Sutsiꞌ kaallum bahau. Batan lay na kitabi paddusan Rū Sutsiꞌ man kawasa napsu tabi buwat dusa. Sangkon yaꞌ na tiksaꞌ nyawa tabi.

Suwat si Pol pa mman Baanan Sukuꞌ si Isa ndooy ni Rom 9:11

Sugaꞌ yaꞌ gi san sila bay pinamaddihan, ndang bay ginantaꞌ meꞌ Tuhan bong oy sukuꞌ da man majatu garaꞌ na. Dari sasang da masi njawom kūn induꞌ da lagi, jaman yaꞌ gi san luu dapat da buwat mahap atawa maat,

Suwat si Pol pa mman Baanan Sukuꞌ si Isa ndooy ni Rom 9:31

Boꞌ bangsa Israil ilay ma bay magtuyuꞌ-tuyuꞌ mogbogan saraꞌ bong pin sila initung intong, yaꞌ du bay nduwan.

Suwat si Pol pa mman Baanan Sukuꞌ si Isa ndooy ni Rom 9:32

Kon meꞌ looy batan yaꞌ sila kuhi pitsayaꞌ ni si Isa man da initung intong. Gam pin lay jaꞌ sila mangasa ni bay hulas-sangsāꞌ da mogbogan saraꞌ. Sangkon na ilay si Isa tadalil pa batu man siga Yahudi bay sumantuk.

1 Korin 4:7

Kaam ina nnaa ma tigiꞌ nilang jama, kanna bi mareꞌ luu kam patingkat man pagkahi bi. Tilaw ta teꞌ kam, luu kina kapandoyan bi ma saꞌ lakka man Tuhan? Na pagka yaꞌ luu, ongoy taggahaꞌ subay na pin kam ngabbu saula-ula kapandoyan bi lakka man dī bi?

Galatiya 2:16

Sugaꞌ batnaa, labbahan ta na pamiki meꞌ looy. Batan katoonan ta na, ilooy ya man manusiyaꞌ initung meꞌ Tuhan intong yana sabap meꞌ da pitsayaꞌ ni si Isa Almasi, saꞌ ga sabap meꞌ da mogbogan saraꞌ. Inaa sina kon kita bay pitsayaꞌ niiya. Tabista ta na yaꞌ luu san disu jama koleꞌ kaintongan pa Tuhan meꞌ na bay mogbogan saraꞌ.

Galatiya 3:22

Sugaꞌ tallak na silay njawom kitab mimon manusiyaꞌ takawum leꞌ dusa. Sangkon yaꞌ takaya da mogbogan saraꞌ. Dari lay na Tuhan nganjanjiꞌ muwasan dusa da basta sila pitsayaꞌ jaꞌ ni si Isa Almasi.