Suwat si Pol pa mman Baanan Sukuꞌ si Isa ndooy ni Rom 2:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Meꞌ bi mista, tawop kam magmundaan jama ma meꞌ sapantun buta ni kaawam da ni hāl Tuhan. Ni bistahan bi, kaam na meꞌ sapantun sūꞌ ni sagannap ma njawom lindom.

Suwat si Pol pa mman Baanan Sukuꞌ si Isa ndooy ni Rom 2:19 ပူးပေါင်းရင်းမြစ်များ

Matiyu 15:14

Sila ina guru awam noan jama awam. Sibuꞌ du sina karuha da ka jama buta nondaꞌ jama buta. Boꞌ jama buta ina, bong nondaꞌ pagkahi na buta, mastiꞌ labuꞌ pa jawom lowang jaꞌ sikaduwa.”

Matiyu 4:16

Sila ilay awam ni kabanahan pasal Tuhan. Sibuꞌ karuha da ka jama maglahat njawom lindom. Yaꞌ luu sōng da sarī man ngagad kapatoy da. Sugaꞌ luu du sina mintu takka pa lahat da meꞌ karuha sūꞌ dantaꞌ banahan. Iya na silay mintu marantaan pamiki da mari katoonan da na kabanahan.”

Matiyu 5:14

“Damikiyan, kaam ina meꞌ sapantun sūꞌ marantaan pamiki jama supaya tatammu da Tuhan. Kaayaran bi takita leꞌ sikamimon meꞌ karuha daira bay pinatangge ni punsak buntuꞌ.

Matiyu 6:23

Sugaꞌ bong ina kam mandang jaꞌ meꞌ bi nulut dī bi, sibuꞌ du kam ka jama sakihan mata da. Yaꞌ tumampak meꞌ bi ngandaꞌ. Sibuꞌ du karuha bi ka jama bagagap jaꞌ njawom lindom. Boꞌ na, bong kam mista na pin mahap meꞌ bi ngandaꞌ, mangkin na kam njawom lindom na saꞌ alang-alang.”

Malkus 10:15

Baan ta kam banahan, bong ina pangando jama pa Tuhan saꞌ meꞌ karuha pangando anak-anak ni induꞌ-mmaꞌ na, malaingkan yaꞌ ya kapatabeꞌ ni pamarinta Tuhan.”

Lukas 1:79

Batan iya ina yana sūꞌ para ni manusiyaꞌ ma njawom lindom, yana sagannap ma awam ni kabanahan sampay tawu ni kapatoy. Maka iya na sina magmundaan kitabi supaya mahap na kitabi pa Tuhan maka supaya tatammu tabi na lān kasalassayan ka pagkahi tabi manusiyaꞌ.”

Yahiya 9:34

Pag tampung ga pa-mmean looy, “Kalalaan nu! Man jawom kūn induꞌ nu lagi, ndang baldusa na ko. Tatammu nu na baw ga magpandoy-pandoyan kami.” Dari siꞌ, lay na ga ya binandaan yaꞌ na nohoꞌ paasok balik pa jawom langga.

Salsila siga Rasul 26:18

makallat mata da supaya sila kapōꞌ na man jawom lindom pa jawom dantaꞌ. Man sabapan pangahati ma pasampay nu ninsila, kapōꞌ na sina mintu sila man jawom sakup Ibilis pa jawom sakup Tuhan. Maka sabapan pangando da ina mintu niyaku, puwas na mimon dusa da, boꞌ da kapatabeꞌ na ni siga sukuꞌ Tuhan.’

Suwat si Pol pa mman Baanan Sukuꞌ si Isa ndooy ni Rom 2:18

Katoonan bi kahandak Tuhan maka lān mahap banahan tinūs sabap bay adjian bi saraꞌ.

Suwat si Pol pa mman Baanan Sukuꞌ si Isa ndooy ni Rom 2:20

Ni bistahan bi, tawop kam noan sagannap ma yaꞌ luu pangahati da, ma meꞌ sapantun anak-anak. Batan bangsa tabi ngantanan kitab ka saraꞌ man bay nuwatan kabanahan ka ilmuꞌ langkap.

1 Korin 3:18

Na bong luu kam nnaa mista halul-akka kam ni hāl junyaꞌ, boꞌ masi gi kam awam ni hāl Tuhan, ngandupang jaꞌ kam dī bi bong kam manganna halul-akka kam. Gam na kam milang dī bi dupang supaya kam pinabuwat halul-akka meꞌ Tuhan.

1 Korin 4:10

Ni bandingan manusiyaꞌ ina, biddaꞌ na dupang kami sabap meꞌ kami amu-amu masaplag pasal Almasi. Boꞌ kaam baw ina, kanna bi halul-akka na kam ni hāl Almasi. Kami itu, ni bandingan jama, lammaꞌ kawasa kami. Boꞌ kaam baw tu, subay ga kam jama sukup kawasa. Kami itu pinag-udjuꞌ. Gam ina kaam, pinaehe gi.

Pilipi 2:15

Meꞌ naa ina, tumatandaꞌ sutsiꞌ na kam maka anak Tuhan na kam ma yaꞌ luu sutsutan njataꞌ bi. Dari sabapan hāp kawul-piil bi sasang bi maglahat ka jama angkat-angkatan batnaa ma bingkok ka sabu, tadalil na sina kam pa siga potean ninag njawom lindom.