Suwat si Pol pa mman Baanan Sukuꞌ si Isa ndooy ni Rom 2:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Kuwan kaam baw siga pagkahi ku Yahudi, katoonan ku du mangasa kam ni sangsāꞌ bi mogbogan saraꞌ Nabi Musa bilang kaintongan bi pa Tuhan. Maka pinag-abbu meꞌ bi kaam bangsa ma lungbid ka Tuhan.

Suwat si Pol pa mman Baanan Sukuꞌ si Isa ndooy ni Rom 2:17 ပူးပေါင်းရင်းမြစ်များ

Matiyu 3:9

Daa kam mista sukat kam panubuꞌ Nabi Ibrahim yaꞌ na kam tuwaꞌ mulkaꞌ Tuhan. Bong siꞌ ina tud panubuꞌ Nabi Ibrahim pagpiha Tuhan, san ga buran batu naa, tapadari du meꞌ Tuhan ga panubuꞌ na.

Lukas 10:28

Yuk si Isa niiya, “Katuwaꞌ ko. Basta inaa na bogbogan nu, sampulnaꞌ nyawa nu saumu-umu.”

Yahiya 5:39

Magtuyuꞌ baw kam maliksaꞌ njawom kitab sabap manganna kam ndooy na man bi koleꞌ kasampulnaan nyawa saumu. Boꞌ ko, poonan kasampulnaan nyawa ma sinabbut ndooy yana aku na mismu.

Yahiya 5:45

Sugaꞌ daa kam mista ga aku nusunan kaam ni awpan Mmaꞌ ku bbos-bbos. Arapun iya ilay mintu nusunan kaam yana Nabi Musa ma asahan bi nanggehan kaam.

Yahiya 7:19

Boꞌ kaam ina sarī. Mangaku baw kam mulit Nabi Musa ma bay ngandean saraꞌ ni kabboꞌ-bboan tabi, boꞌ ko, yaꞌ du kam luu san disu ngikut saraꞌ na. Bong siꞌ ilay bana-bana meꞌ bi ngikut, ongoy baw taggahaꞌ ngulihal gi kam meꞌ bi mapatoy aku?”

Yahiya 8:33

Pag-anu, yuk siga pa-mmean Yahudi ndooy siꞌ, “Kami bitu la panubuꞌ Nabi Ibrahim. Yaꞌ kami bay pingkaꞌ pinahata. Ongoy taggahaꞌ tatammu nu na baw ga māꞌ pinaddusan kami mari kami yaꞌ na pinahata?”

Yahiya 8:41

Boꞌ kaam ina, ilooy ya akig bi pabuwatan mmaꞌ bi ilooy disu.” Iya halling da baw siꞌ tu, “Uy, saꞌ bitu kami anak halambiyaraꞌ! Disu du bilay mmaꞌ kami, yana Tuhan.”

Suwat si Pol pa mman Baanan Sukuꞌ si Isa ndooy ni Rom 2:23

Kaam ina tigiꞌ ngabbu ni hāl bangsa tabi bay pina-ntanan saraꞌ Tuhan. Sugaꞌ oy sōng na bong kam kadiyoꞌ ni awon Tuhan hangat kam ngalangga saraꞌ na?

Suwat si Pol pa mman Baanan Sukuꞌ si Isa ndooy ni Rom 3:27

Dari yaꞌ luu tapag-abbu meꞌ tabi saula-ula puwas na dusa tabi sabapan kaayaran bay pabuwat tabi atawa sabapan hulas-sangsāꞌ tabi mogbogan saraꞌ. Batan saꞌ silay poonan pabuwatan tabi man dusa tabi bay pinuwasan. Ilooy ya man dusa tabi bay puwas sabap meꞌ tabi pitsayaꞌ ni si Isa.

Suwat si Pol pa mman Baanan Sukuꞌ si Isa ndooy ni Rom 9:32

Kon meꞌ looy batan yaꞌ sila kuhi pitsayaꞌ ni si Isa man da initung intong. Gam pin lay jaꞌ sila mangasa ni bay hulas-sangsāꞌ da mogbogan saraꞌ. Sangkon na ilay si Isa tadalil pa batu man siga Yahudi bay sumantuk.

2 Korin 11:22

Bong pinag-abbu meꞌ da sila bangsa Hibrani, aku pun bangsa Hibrani du. Bong yuk da sila panubuꞌ si Israil ka Nabi Ibrahim, aku pun iyadu.

Galatiya 2:15

Maka yuk ku gi niiya, “Nges, meꞌ kita itu turunan bangsa Yahudi, kanna ta maruhuꞌ intong gi kita man kabangsa-bangsahan saꞌ Yahudi sukat bangsa ta ngantanan saraꞌ Tuhan. Boꞌ na, nabiat lagi bangsa ta ngawnan sagannap ma saꞌ Yahudi, siga baldusa.

Epesus 2:11

Na kaam nnaa ma saꞌ bangsa Yahudi, intomun bi doꞌ bay kahalan bi. Maruhuꞌ, kaam ina bay pinag-awnan meꞌ bangsa Yahudi kapil sabap yaꞌ kam bay ngikut saraꞌ da inislam. Padahal, bila jama inislam, ilooy du bay halin, kuwit awpan da. Bong pangatayan da, sibuꞌ du ka maruhuꞌ.

Siga Pakaradjaan bay Pinalahil 2:9

“Kaam ina, katoonan ku du kabinsanaan njataꞌ bi sampay kamiskinan bi. Sugaꞌ ni sabana na, dayahan kam. Tasayu ku du pitna inuwan njataꞌ bi meꞌ siga Yahudi ma nulang kaam. Sila ina mangaku sukuꞌ Tuhan, mingkan kumpulan sukuꞌ Ibilis sila.

Siga Pakaradjaan bay Pinalahil 3:1

Pasunuꞌ, yuk na niyaku, “Nuwat gi ko pilay pa mman pa-mmean looy ma ngantanan baanan sukuꞌ ku ndooy ni Saldis. Bong ko nuwat, yuk nu meꞌ tuu, “Bitsala tuu lakka man ilooy ma luu niiya Rū Tuhan sampay ma ngantanan potean looy siꞌ sikapituꞌ. Yuk na meꞌ tuu, “Kaam ina, katoonan ku du meka jama māꞌ kaam baanan tapit pa Tuhan, sugaꞌ sabana na, sibuꞌ du kam ka matoy pa Tuhan.

Siga Pakaradjaan bay Pinalahil 3:9

“Na luu siga jama nnaa ma mangaku bangsa Yahudi sila bahasa sukuꞌ Tuhan sila, sugaꞌ ngandustaꞌ jaꞌ sina sila. Ni sabana na, sukuꞌ Ibilis sila. Ndaun bi sa, pasujud ku du sina mintu sila ni battis bi. Maka bohoꞌ da ina mintu makibana na kaasean ta kam.