Suwat si Pol pa mman Baanan Sukuꞌ si Isa ndooy ni Rom 16:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Na bong mintu ya takka pa lahat bi, hasiyun bi sa ya paayad sabap tibuuk du sina ya ka Papuꞌ Isa. Bong luu kulang na, daa kam paagak nulung iya. Iya ilay, meka na bay tatabangan na sampay na aku.

Suwat si Pol pa mman Baanan Sukuꞌ si Isa ndooy ni Rom 16:2 ပူးပေါင်းရင်းမြစ်များ

Matiyu 25:40

“Pag tampung Sultan ilay mintu, ‘Baan ta kam banahan, waktu bi ilay bay buwat meꞌ looy ni soysoy danganakan ku san du pooy diyoꞌ na ni bandingan manusiyaꞌ, saliꞌ du ka aku bay pabuwat bi meꞌ looy.’

Salsila siga Rasul 9:13

Iya tampung si Ananiyas baw siꞌ tu, “Uy la Papuꞌ, meka na bilay jama bay nuntutan aku yaꞌ na taambat kalaatan bay pabuwat na ni siga sukuꞌ nu ndooy ni Jerusalem.

Salsila siga Rasul 9:15

Sugaꞌ yuk Papuꞌ Isa ni si Ananiyas, “San na ko, subay sina ko pilay. Lalla looy ilay bay peneꞌ ku tukang masaplag pasal aku ni kabangsa-bangsahan saꞌ Yahudi sampay ni ga sultan da maka ni siga pagkahi nu bangsa Israil.

Salsila siga Rasul 9:36

Na ni lahat looy siꞌ, luu gi disu daira inawnan Joppa. Ndooy siꞌ, luu disu danda ma mmeꞌ ni si Isa inawnan si Tabita. Bong ni pallun Greek, si Dolkas. Iya ilay wā buwat mahap ni jama sampay nulung jama miskin.

Salsila siga Rasul 9:39

Dari lay na du si Pitel mmeꞌ ninsila. Takka jaꞌ siꞌ, lay na ya binoo pa jataꞌ pa jawom bilik man mayat looy. Ndooy siꞌ, meka bawu danda nangis sambayan da makitahan si Pitel jinisan pakayan ma bay tinahiꞌ meꞌ si Dolkas ninsila jaman na llum lagi.

Salsila siga Rasul 9:41

Pag-anu, ilooy ma inantanan na tangan na meꞌ si Pitel pinatangge. Pag lupus, lay na linganan si Pitel siga bawu looy siꞌ ka ga pagkahi da sukuꞌ si Isa. Pag-anu, lay na sila pinakitahan llum na si Tabita pabalik.

Suwat si Pol pa mman Baanan Sukuꞌ si Isa ndooy ni Rom 15:7

Sangkon sihasi-hasi kam. Yana meꞌ Almasi bay ngahasi kaam, subay du kam ngahasi mbuwaꞌ danganakan bi sukuꞌ si Isa, pamaehe bantug pa Tuhan.

Suwat si Pol pa mman Baanan Sukuꞌ si Isa ndooy ni Rom 16:15

Maka salam duwaa du ni si Pilologus, si Juliya, si Nereyus ka danganakan na saltaꞌ na ni si Olimpas ka mimon danganakan tabi sukuꞌ Tuhan ma samod ka sila.

Suwat si Pol pa mman Baanan Sukuꞌ si Isa ndooy ni Rom 16:23

Ituu batnaa, aku na baw situ, yana si Pol, pasīng mitsala pabalik. Si Gayus pun, lay du nohoꞌ masampay salam duwaa na pa mman bi. Iya situ dapu lumaꞌ man ku pahantiꞌ sampay man baanan sukuꞌ si Isa ntuu kumpo-kumpo. Maka si Erastus ma tukang ngantanan sīn parinta ni daira tuu ka danganakan tabi si Kuwaltus, lay du nohoꞌ masampay salam duwaa da pa mman bi.

Suwat si Pol pa mman Baanan Sukuꞌ si Isa ndooy ni Rom 16:6

Maka salam duwaa du ni si Miriam ma magtuyuꞌ-tuyuꞌ maghulas-sangsāꞌ kalnaꞌ kaam.

Suwat si Pol pa mman Baanan Sukuꞌ si Isa ndooy ni Rom 16:9

Maka salam duwaa du ni si Urbanus yana limbang kami maghulas-sangsāꞌ kalnaꞌ si Isa. Salam duwaa du ni kakasi ku si Istakis

Epesus 5:3

Sangkon meꞌ kaam anak Tuhan na, daa na kam buwat oy maka oy na man bi kaawnan lamud ni hāl jina, kasabuhan atawa napsu mulakab.

Pilipi 1:27

Sugaꞌ san gi oy katuwaꞌ niyaku, inaa puntukan banahan, basta subay pataꞌ jaꞌ kawul-piil bi ka kaam jama ma mmeꞌ ni umanat mahap pasal Almasi. Meꞌ naa ina, luu-yaꞌ ku luu nnaa, taaka ku du sina mintu kaam sama-sama magtuyuꞌ kalnaꞌ Almasi. Maka sibuꞌ-sibuꞌ kam magmaksud maka dambuwaꞌ atay bi nanggehan umanat mahap mari jama pitsayaꞌ ni si Isa.

Pilipi 2:29

Pag mintu ya takka pilu, hasiyun bi ya njawom kagakan batan ndang inaa pataꞌ ningkitabi jama danganakan njawman Papuꞌ Isa. Jama meꞌ iya itu subay pinagmaltabatan.

Kolossa 4:10

Sarī man naa, luu ntuu si Aristalkus, disu soheꞌ ku ntuu njawom jīl, lay nohoꞌ masampay salam duwaa na ningkaam. Si Malkus pun, yana kaki si Balnabas, lay du nohoꞌ masampay salam duwaa na ningkaam. Bong mintu ya bay pilu, meꞌ ndang bay tugun ku na maruhuꞌ, hasiyun bi sa ya paayad.

1 Timuti 2:10

Arapun ilooy ya pataꞌ pakutuꞌ da meꞌ da buwat kaayaran ni jama. Inaa ya sina arat tawop ni karandahan ma ngingat dī da ngisbat Tuhan.

2 Timuti 1:18

Kau pun ina, katoonan nu du, yaꞌ taambat bay tabang na niyaku bay jaman ku nnaa ni Epesus. Kamura-murahan pinanimbangan du ya meꞌ Papuꞌ ni llaw hukuman.

Taytus 2:3

Damikiyan baan nu du sagannap matatoa ma danda, arat-tabiat da subay moo kabantugan pa Tuhan. Subay sila yaꞌ mitna maka subay yaꞌ minarat ni inuman kalango. Subay sila noan

Pilimun 1:12

Batnaa, ilu na sina ya papoleꞌ ku pa mman nu minsan ya meꞌ bigi jantung ku na.

Pilimun 1:17

Sangkon karomanan ku, bong tud ingat nu du ku limbang nu maghulas-sangsāꞌ kalnaꞌ Tuhan, pag takka si Onesimas pilu, pooy-pooy meꞌ nu ngahasi aku, subay du meꞌ naa meꞌ nu ngahasi iya.

2 Yahiya 1:10

Na bong luu jama pilu pa mman bi nōꞌ sarī man tōꞌ Almasi, daa na padutaihun bi maka daa san gallakun bi.