Suwat si Pol pa mman Baanan Sukuꞌ si Isa ndooy ni Rom 15:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Man kawasa Rū Tuhan njataꞌ ku, lay na ku kapōꞌ siga pabuwatan kahaylan-haylan. Maka man gaos Rū Tuhan, lay na du ku ngalataan lahat masaplag umanat mahap pasal Almasi labba man Jerusalem ngabut sampay pa Ilirikum.

Suwat si Pol pa mman Baanan Sukuꞌ si Isa ndooy ni Rom 15:19 ပူးပေါင်းရင်းမြစ်များ

Matiyu 12:28

Na sabap Rū Tuhan bay muwanan aku kawasa-kapatut man ku mapōꞌ siga seytan, tumatandaꞌ luu na takka pamarinta Tuhan pa mman bi.

Yahiya 4:48

Yuk si Isa niiya, “Yaꞌ bitu kam kuhi pitsayaꞌ niyaku ngkod-ngkoran bi yaꞌ bay ngita aku mōꞌ siga sipat kawasa Tuhan.”

Salsila siga Rasul 1:8

Sugaꞌ subay katoonan bi, binuwanan du sina kam kawasa pag mintu kam pinatannaan na Rū Sutsiꞌ. Dari masaplag na sina kam mintu pasal aku ni Jerusalem sampay ni sikaliput Yahudiya ka Samariya, maka sampay pa sika-mpat pidju alam.”

Salsila siga Rasul 13:14

Kuwan si Pol ka si Balnabas, lay na palakka man Pelga song pilay pa daira Antiyok ndooy ni Pisidiya. Pag taabut Llaw Pahali, lay sila pa disu langga siga Yahudi, boꞌ da ningkōꞌ pakale.

Salsila siga Rasul 13:51

Sugaꞌ tapit jaꞌ siꞌ ga si Pol lakka man lahat looy, lay doꞌ papasan da momok tanaꞌ ma ngakkot ni sinilas da tandaꞌ yaꞌ na luu lamud da ni jama daira looy. Pus meꞌ looy, lay na baw sila pilay pa Ikoniyum.

Salsila siga Rasul 14:10

Dari siꞌ mitsala na si Pol pahaddo niiya, yuk na, “Nangge na ko!” Pag-anu, magti du lalla looy palambung boꞌ na magbeleng-beleng lumān.

Salsila siga Rasul 14:20

Sugaꞌ pag liput jaꞌ si Pol meꞌ sagannap ma mmeꞌ ni si Isa ndooy, lay na ya bangun sampay lay na du ya mmeꞌ ninsila pabeleng pa jawom daira looy. Pag meꞌ sumawung, lay na baw ga si Pol ka si Balnabas song pilay pa Delbe.

Salsila siga Rasul 14:25

Sasang da ndooy, luu duwa daira man da bay masaplag umanat mahap, duhuꞌ ndooy ni Pelga, boꞌ da palūd pa Attaliya.

Salsila siga Rasul 14:6

Pag taaka ga si Pol bay pag-isunan da, lay sila lahi pa siga daira Listra ka Delbe ndooy ni Laykawniya. Maka lay gi sila ngalataan kakawum-kawman ma ngaliput ga daira looy.

Salsila siga Rasul 15:12

Na pag lupus jaꞌ siꞌ tu si Pitel mitsala, yaꞌ na luu bay nammu halling ndooy. Pag-anu si, lay na baw sila pakale ni ga si Pol ka si Balnabas nuntut pabalik pasal siga pakaradjaan kahaylan-haylan bay pabuwat Tuhan njataꞌ da para ni siga bangsa saꞌ Yahudi.

Salsila siga Rasul 16:18

Na hangat pinagsibalik-balik meꞌ danda looy halling meꞌ looy llaw pa dangallaw, dugahan na si Pol. Dari lay ya pateleꞌ sambayan na halling ni seytan njawom baran danda looy, yuk na, “Ni kawasa awon si Isa Almasi, sohoꞌ ta na ko palakka man jawom baran danda naa.” Dari siꞌ, sarunduun du lay lakka seytan na.

Salsila siga Rasul 17:10

Pag ndaꞌ siga sukuꞌ si Isa ndooy meꞌ looy, honaꞌ-honaꞌ da gam na sohoꞌ da ga si Pol ka si Saylas halin pa daira Bereya. Dari sangom looy du, lay na ga si Pol tinuhiyan meꞌ siga sukuꞌ si Isa pa behe lān. Pag takka da ni Bereya, lay na baw sila paasok pa jawom langga siga Yahudi.

Salsila siga Rasul 17:15

Si Pol siꞌ bay palakka, lay gi ya tinuhiyan meꞌ kasohean sukuꞌ si Isa ngkod daira Aten. Pag poleꞌ siga soheꞌ si Pol pa Bereya, lay gi si Pol nugun ninsila nohoꞌ ga si Saylas ka si Timuti patuhut deꞌ-dēꞌ pa mman na.

Salsila siga Rasul 18:1

Pag-anu, lay na lakka si Pol man Aten, boꞌ na pilay pa Korin.

Salsila siga Rasul 18:19

Na lān da siꞌ song pa Siriya, lay gi sila pahās ni Epesus. Ndooy siꞌ, lay si Pol pilay pa langga Yahudi magbilmaarup ka sila pasal si Isa. Pag lay jaꞌ takale da bay bitsala si Pol, kainagon da pahallom na pin si Pol ndooy, sugaꞌ yaꞌ na baw ya bay kuhi. Sugaꞌ pus na muhun moleꞌ, yuk na, “Bbeleng sa ku bong nugut du Tuhan.” Pag-anu siꞌ, lay na ya patuwak song pa Siriya. Kuwan ga si Akila, lay na jaꞌ tamban ndooy ni Epesus.

Salsila siga Rasul 19:1

Sasang si Apolos ndooy ni Korin, kuwan si Pol, lay pilay pa Epesus man taꞌ dile. Takka pa Epesus, lay ya sitammu ka ga kasohean jama ma pitsayaꞌ ni si Isa.

Salsila siga Rasul 20:20

Maka katoonan bi na du jaman ku bay magpanoan kaam ni mayran sampay ni siga lumaꞌ bi, yaꞌ du luu kabanahan bay limbuhan ku. Oy-oy umanat ma katabang, lay jaꞌ du pasampay ku ningkaam.

Salsila siga Rasul 20:6

Kuwan kami ka si Pol, noy paddus na paballangan siga Yahudi inawnan paballangan Tinapay Yaꞌ Magpasulig, boꞌ kami lay palakka man Pilipi mmeꞌ taꞌ adjung pilay pa Troas. Paddus jaꞌ lima ngallaw, lay na du kami nakka Troas. Maka lay na kami sitammu balik ka siga soheꞌ kami ndooy. Dari ndooy na doꞌ kami sikamimon bay pahantiꞌ njawom pituꞌ ngallaw.

Suwat si Pol pa mman Baanan Sukuꞌ si Isa ndooy ni Rom 15:13

Na meꞌ Tuhan ina pag-asa tabi, kamura-murahan buwanan na du kam kagakan mehe maka kasannangan njawom atay bi sabap meꞌ bi pitsayaꞌ ni Papuꞌ Isa. Kamura-murahan sabap meꞌ bi pitsayaꞌ, ginaosan du kam meꞌ kawasa Rū Sutsiꞌ supaya pabasag na pin holat bi pa Tuhan.

Suwat si Pol pa mman Baanan Sukuꞌ si Isa ndooy ni Rom 15:16

Aku itu bay pineneꞌ binuwat sosohoan si Isa Almasi kalnaꞌ siga bangsa ma saꞌ Yahudi. Pabuwatan ku tu meꞌ karuha imam batan masaplag ku umanat mahap man Tuhan ninsila. Kuwan sagannap ma pitsayaꞌ, sila meꞌ sapantun jakat sinongan meꞌ ku pa Tuhan. Boꞌ tinimaꞌ jaꞌ sina sila meꞌ Tuhan sabap lay na sinutsiꞌ pangatayan da meꞌ Rū Sutsiꞌ.

Suwat si Pol pa mman Baanan Sukuꞌ si Isa ndooy ni Rom 15:24

Balangkali ni lān ku mintu pilay pa lahat Kastilaꞌ, kapahās doꞌ ku duhuꞌ ni lahat bi. Kamura-murahan sikagāk-kagāk du kitabi pag takka ku pilu, boꞌ ku tatabangan bi ni palanan ku.

1 Korin 2:4

Aku ilay bay masaplag ka magnasihat nnaa, ndang katoonan bi na du, yaꞌ du ku bay makoy alat bitsala. Batan kahandak ku bong kam pitsayaꞌ, subay saꞌ man sabapan kapintal ku mitsalahan kaam. Arapun kainagon ku bong kam pitsayaꞌ, subay man sabapan siga sipat kawasa Tuhan bay tasakup bi maka sabapan Rū Sutsiꞌ bay mukaꞌ puad bi.

2 Korin 12:12

Bong siꞌ taintom bi bay jaman ku nnaa natasan kabinsanaan, tumatandaꞌ na pagkarasul ku. Batan jinisan pabuwatan kahaylan-haylan maka sipat kawasa Tuhan bay takita bi njataꞌ ku.

Galatiya 3:5

Saꞌ ba, lay na dean Tuhan Rū na ningkaam, boꞌ lay gi ya makitahan kaam jinisan pabuwatan kahaylan-haylan? Sugaꞌ saꞌ silay sabap meꞌ bi bay buwat jinisan taat saraꞌ agama. Arapun iya ilay bay buwat meꞌ looy sabap meꞌ bi bay pitsayaꞌ ni umanat ma bay takale bi pasal si Isa.

Kolossa 1:25

Aku tu lay pineneꞌ meꞌ Tuhan binuwat sosohoan na kalnaꞌ kaam kabangsa-bangsahan ma saꞌ Yahudi. Sangkon tuyuan ku ngalataan kalahat-lahatan bi masaplag umanat Tuhan.

1 Tesaloneka 1:5

Batan jaman kami ilay bay masampay umanat mahap pasal si Isa Almasi ningkaam, lay na kam pitsayaꞌ. Boꞌ kaam ilay bay pitsayaꞌ, saꞌ du ga sat man sabapan bitsala kami; luu du kawasa Rū Sutsiꞌ bay mukaꞌ puad bi. Sarī gi, lay du bay tabistu bi bana halling kami batan lay na bay tasakup bi arat-tabiat kami nnaa. Maka katoonan bi na du, mimon bay pabuwat kami nnaa, yaꞌ luu saꞌ yaꞌ bay pa kaayaran ningkaam.

2 Timuti 4:17

Para na pin, jaman ku bay sinumariya, lai du ku bana inunungan meꞌ Papuꞌ Isa. Boꞌ bay gi ya nganggaosan aku masaplag umanat na labbasakayi ni mimon jama saꞌ Yahudi ndooy. Sat na jaꞌ, sasang ku ilay siꞌ bay sinumariya, parasahan ku subay ga ku hayop liput na meꞌ baanan halimaw. Kahapan, lay du ku sinalamat meꞌ Papuꞌ man bahaya looy.

Hibrani 2:4

Batan lay sila binuwanan meꞌ Tuhan kawasa mōꞌ jinisan pabuwatan kahaylan-haylan tandaꞌ mawjud umanat da pasal Almasi. Sampay lay gi sila binuwanan ladjikiꞌ man Tuhan, yana jinisan kapandoyan man Rū Sutsiꞌ gantaꞌ ma numan ni kahandak Tuhan.

1 Pitel 1:12

Boꞌ lay gi pinalahil meꞌ Tuhan ni kanabi-nabihan siga tunaꞌ da yaꞌ gi binakbul ni jaman da. Sakayi da binakbul, noy ni sinōng na, yana ni angkat-angkatan tabi na situ batnaa. Batan bohoꞌ luu bay pinapitu pa junyaꞌ tukang nalamat looy siꞌ, yana Almasi. Pag-anu, luu na umanat mahap pasal iya bay pinasaplag ningkaam meꞌ siga jama ma ginaosan meꞌ Rū Sutsiꞌ, yana Rū Tuhan bay pinapitu man sulgaꞌ. Siga pakaradjaan ma bay sabbut ku siꞌ, minsan siga malaikat magkainagon du kahati banahan.