Suwat si Pol pa mman Baanan Sukuꞌ si Isa ndooy ni Rom 15:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ Sugaꞌ yaꞌ baw tu ku nawakka mag-abbu ni oy maka oy na sarī man Almasi. Isu-isu iya du bay nampulnaꞌ pabuwatan ku sampay bitsala ku supaya pitsayaꞌ na siga bangsa ma saꞌ Yahudi ni umanat mahap pasal iya.

Suwat si Pol pa mman Baanan Sukuꞌ si Isa ndooy ni Rom 15:18 ပူးပေါင်းရင်းမြစ်များ

Matiyu 25:16

Likutan bōs da, kuwan ilooy ma bay inambanan limampūꞌ libu, magti du pinalān meꞌ na sampay lay ya nguntung limampūꞌ libu.

Malkus 16:20

Dari kuwan siga mulit na siꞌ, lay na ngalataan kalahat-lahatan masaplag umanat mahap pasal Papuꞌ Isa. Man kawasa na njataꞌ da, meka na sipat kahaylan-haylan bay tapōꞌ da bilang buktiꞌ ni sikamimon tud bana du umanat da.

Salsila siga Rasul 14:27

Luu jaꞌ siꞌ sila takka ni Antiyok, lay tawag da sagannap sukuꞌ si Isa ndooy. Kumpo jaꞌ siꞌ sila, lay na ga si Pol nuntut mimon bay pabuwat da man tabang Tuhan ni jataꞌ da. Maka lay gi sila nuntut bong pooy meꞌ Tuhan bay mukaꞌ puad siga bangsa saꞌ Yahudi pitsayaꞌ na ni si Isa.

Salsila siga Rasul 15:12

Na pag lupus jaꞌ siꞌ tu si Pitel mitsala, yaꞌ na luu bay nammu halling ndooy. Pag-anu si, lay na baw sila pakale ni ga si Pol ka si Balnabas nuntut pabalik pasal siga pakaradjaan kahaylan-haylan bay pabuwat Tuhan njataꞌ da para ni siga bangsa saꞌ Yahudi.

Salsila siga Rasul 15:4

Pag takka ga si Pol pa Jerusalem, lay du sila hinasi meꞌ siga rasul ka siga pagkahi da pa-mmean sampay mimon ma mmeꞌ ni si Isa ndooy. Pag-anu siꞌ, nuntut na ga si Pol ilooy ma bay pabuwat da man tabang Tuhan sasang da bay ngalataan kalahat-lahatan masaplag.

Salsila siga Rasul 21:19

Na pus si Pol bay jara ninsila, lay du sila tuntutan na mimon bay pabuwat Tuhan ni siga bangsa saꞌ Yahudi pag lay jaꞌ sila pasaplagan na umanat mahap.

Salsila siga Rasul 26:20

Duhuꞌ-duhuꞌ man ku bay masaplag ndooy ni Damaskus. Pasunuꞌ, ndooy na baw ni Jerusalem. Paddus mandooy, boꞌ lay na ku ngalataan kakawum-kawman ni sikaliput Yahudiya. Lakka mandooy, lay na baw ku pilay pa kalahat-lahatan ga bangsa saꞌ Yahudi masaplag. Tōꞌ ku ninsila, subay sila nawbat ka maglillaꞌ pa Tuhan. Maka subay sila buwat kaayaran mari tumatandaꞌ lai na du labbahan da mimon dusa da.

Suwat si Pol pa mman Baanan Sukuꞌ si Isa ndooy ni Rom 1:5

Boꞌ iya na silay bay nguwakilan kami binuwat siga rasul na. Lay kami buwanan na kapatut masaplagan kabangsa-bangsahan nohoꞌ pitsayaꞌ sampay ngasip niiya, pamaehe bantug ni awon na.

Suwat si Pol pa mman Baanan Sukuꞌ si Isa ndooy ni Rom 16:26

Pag batnaa, man kahandak Tuhan sabanna ma llum saumu-umu, lay na pinatallak umanat mahap ni mimon bangsa mari sila pitsayaꞌ ni si Isa sampay ngasip niiya.

Suwat si Pol pa mman Baanan Sukuꞌ si Isa ndooy ni Rom 6:17

Na jaman bi ilay yaꞌ gi bay mmeꞌ ni si Isa, masi gi silay kam pinahata meꞌ napsu bi buwat dusa. Magsuku pa Tuhan, pag batnaa niyaꞌ na. Batan ni kahilas atay bi, lay na bean bi kabanahan ma bay tinōꞌ ningkaam.

2 Korin 11:31

Bay bitsala ku ilay siꞌ, tud bana silay. Tasayu du sina meꞌ ilooy ma tawop pinudji saumu-umu, yana Tuhan, Mmaꞌ Papuꞌ tabi si Isa.

2 Korin 12:6

Sugaꞌ bong siꞌ ku ilay bay doman magpabantug ni hāl ma bay pinalahil niyaku, san ku yaꞌ na magdupang-dupang ngalabihan bitsala batan yaꞌ ku mitsala bong saꞌ kabanahan. Sugaꞌ agak ku gi situ dī ku nuntut hāl ma bay pinalahil niyaku. Karomanan ku bong ku binantug, subay yaꞌ labi man ilooy ma bay tasakup jama ni jataꞌ ku.

2 Korin 3:5

Boꞌ na, katoonan kami na du bong inawnan kapandoyan kami, saꞌ situ lakka man dī kami, arapun lakka man Tuhan.

2 Korin 6:1

Na meꞌ kitabi tu saliꞌ-saliꞌ limbang Tuhan ngaliyun manusiyaꞌ pa mman na, junjung kami na ningkaam, daa na pasensengan bi aseꞌ Tuhan ningkaam.

Galatiya 2:8

Batan tabista da du, yana meꞌ Tuhan nampulnaꞌ pabuwatan si Pitel magrasul ni siga Yahudi, meꞌ looy du meꞌ na nampulnaꞌ pabuwatan ku ni siga bangsa ma saꞌ Yahudi.

Kolossa 3:17

Meꞌ kaam ina wakil Papuꞌ Isa, mimon bitsala bi ka pabuwatan bi subay magbēꞌ ka ntan bi. Maka subay kam wā magsuku ni Mmaꞌ tabi Tuhan sabapan mimon bay pabuwat si Isa ningkaam.

Hibrani 11:8

Damikiyan Nabi Ibrahim pun, sabapan pangando na pa Tuhan, lay jaꞌ du ya mmeꞌ ni panohoan Tuhan. Bay sohoꞌ Tuhan niiya, subay ya maglayin pa disu lahat ma bay njanjiꞌ meꞌ Tuhan pinamuwan niiya. Dari lay na jaꞌ ya ngambanan lahat na san yaꞌ gi bay tasayu na bong ninggai lahat looy man na bay tumiluꞌ.

Hibrani 5:9

Dari pagka wā ya mmeꞌ ni kahandak Tuhan, tandaꞌ yaꞌ luu salla na, lay du ya dari poonan kasalamatan ma natas saumu-umu para ni sikamimon ma ngasip niiya.

Yaꞌkub 1:22

Daa sat pakale jaꞌ kam ni palman na, arapun bean bi du. Batan bong ina yaꞌ bean bi, ngandupang jaꞌ kam dī bi bong kam mista salamat kam.

1 Yahiya 3:18

Sangkon siga anak, daa kita maaseꞌ ni bitsala jaꞌ atawa ni kuwit tōng sadjaꞌ. Arapun subay du takita aseꞌ ta ni tangge-tingkōꞌ ta batan inaa aseꞌ sabanna.

Suwat Lakka man si Jūd 1:9

Minsan baw Mikail yana disu malaikat langkaw banahan kawasa-kapatut na, yaꞌ du bay nawakka buwat meꞌ sila. Batan jaman Mikail ilay bay magsaggaꞌ ka Ibilis pasal mayat Nabi Musa, yaꞌ du ya bay nawakka madiyoꞌ Ibilis. Ilooy du bay halling na niiya, “Papuꞌ sa bahalaꞌ naggong kau.”