Suwat si Pol pa mman Baanan Sukuꞌ si Isa ndooy ni Rom 14:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Sawpama ni hāl mangan lawuk, kuwan jama ma basag pangando da, mangan sila oy-oy karomanan da, yaꞌ luu hinaram. Boꞌ sila ma yaꞌ basag pangando da, isu-isu utan-utanan kakan da.

Suwat si Pol pa mman Baanan Sukuꞌ si Isa ndooy ni Rom 14:2 ပူးပေါင်းရင်းမြစ်များ

Panagnaan 1:29

Maka lay gi magpalman Tuhan ninsila, yuk na, “Luu na situ jinisan tinanom-tinanom ka buwaꞌ-buwaꞌ kayu dean ku kaam man bi magbalanjaꞌ.

Panagnaan 9:3

Maka labba man batnaa, dari na sila labbasakayi pabuwat bi lawuk bi. Dean ku na sila ningkaam man bi magbalanjaꞌ sibuꞌ du ka tinanom bay pamuwan ku ningkaam nohoꞌ kinakan.

Suwat si Pol pa mman Baanan Sukuꞌ si Isa ndooy ni Rom 14:1

Na kasohean pagkahi tabi yaꞌ gi sina basag pangando da ni si Isa. Sugaꞌ san meꞌ looy, subay sila hasiyun bi bong sila luu palamud pa jawom baanan bi. Maka san luu pamiki da ma yaꞌ numan ningkaam, san daa na kam magjawap.

Suwat si Pol pa mman Baanan Sukuꞌ si Isa ndooy ni Rom 14:14

Kamasaꞌ meꞌ aku itu disu jama tibuuk ka Papuꞌ Isa, basta katoonan ku baw tu, yaꞌ luu lawuk hinaram meꞌ Tuhan. Sugaꞌ bong baw luu pagkahi tabi mista luu lawuk haram niiya, malaingkan subay yaꞌ kakan na. Bong ilay ya bay mangan, dari dusa niiya batan nulang ni honaꞌ-honaꞌ na.

Suwat si Pol pa mman Baanan Sukuꞌ si Isa ndooy ni Rom 14:20

Daa langkat tabi kaayaran ma pabuwat Tuhan njawom atay pagkahi tabi sat ga sabap lawuk. Bana na, yaꞌ sina luu lawuk haram. Sugaꞌ saꞌ sina aseꞌ bong kitabi mangan yaꞌ biddaꞌ ni pag-awpan siga danganakan tabi ma mista haram lawuk tabi. Ilooy ilagan tabi taggahaꞌ kitabi na baw dari poonan man da ndusa bong sila mmeꞌ na pin mangan ilooy ma kanna da haram.

Suwat si Pol pa mman Baanan Sukuꞌ si Isa ndooy ni Rom 15:1

Na kitabi itu ma basag pangando tabi, sapatut na, subay takissa tabi parasahan siga danganakan tabi ma kulang pangahati, ma yaꞌ gi basag pangando da. Maka subay sila pinasensiya meꞌ tabi ni kasaan pamiki da. Daa subay na pin kahandak tabi jaꞌ duwan tabi.

1 Korin 10:25

Na balik ta pa sumbalian, oy-oy jaꞌ sumbalian pinaballihan ni tabuꞌ, takakan bi jaꞌ sina. San kam yaꞌ na nilaw bong bay sinongan pa siga tuhan-tuhan.

1 Korin 8:9

Sugaꞌ san ina kita sumunsayaꞌ na mangan oy maka oy na, subay du kita paayad-ayad taggahaꞌ ndusa siga danganakan ta ma kulang pangahati sabapan ta.

1 Korin 9:22

Maka bila ku njawom siga sukuꞌ si Isa ma kulang gi pangahati da pasal kasumunsayaan da njawman si Isa, pabiya ku na doꞌ kasumunsayaan ku bong pin pakale jaꞌ sila ni bitsala ku. Dari meꞌ halling sambat ku na siꞌ, san gi oy ntan jama atawa bangsa da, atas ku mmeꞌ meꞌ uwahan da bong pin luu jaꞌ taboo ku pa jawom kasalamatan.

Galatiya 2:12

Sibuwa na takka, tuwaꞌ arat na batan yaꞌ ya magsibiddaꞌ jama. Mmeꞌ ya siharung-harung mangan ka soysoy jaꞌ sampay siga jama ma saꞌ Yahudi. Sugaꞌ song hallom, luu na baw takka pagkahi na siga Yahudi man panohoan si Yaꞌkub lakka man Jerusalem. Dari bbuwatan si Pitel, lay tagongan na meꞌ na paharung mangan ni siga danganakan na ma saꞌ Yahudi. Kon na tagongan na batan tawu ya sinahawi meꞌ siga pagkahi na Yahudi sabap meꞌ na paharung mangan ni jama ma yaꞌ bay pingkaꞌ inislam.

1 Timuti 4:4

Mimon ina ma bay pinapayak meꞌ Tuhan, mastiꞌ mahap jaꞌ. Sangkon daa na tuwak tabi makanan ma awnan kasohean haram. Gam pin subay timaꞌ tabi sampay pinagsukuhan pa Tuhan.

Taytus 1:15

Jama meꞌ looy ilay ma yaꞌ pitsayaꞌ ni si Isa, ndang yaꞌ du bay sinutsiꞌ meꞌ Tuhan atay da. Yaꞌ luu niyat atay da sutsiꞌ batan ndang lamaꞌ pamiki da. Maka yaꞌ na san luu nulang ni honaꞌ-honaꞌ da bong sila buwat maat. Boꞌ sagannap ma pitsayaꞌ ni si Isa ina, lay na sinutsiꞌ atay da. Sangkon katoonan da na san gi oy sinagid atawa pun kinakan meꞌ da, yaꞌ du luu katamak ninsila.

Hibrani 13:9

Sangkon, daa na kam kuhi binoo magsiꞌ ka jinisan tōꞌ ma yaꞌ sikatuwaꞌ ka kabanahan bay hasi bi. Kasohean ina nōꞌ luu lawuk haram. Tōꞌ meꞌ looy ilay yaꞌ du luu paluntungan na ninsila ma mogbog. Batan hāl makanan ina yaꞌ du kasambu ni nyawa tabi. Arapun iya kasambu yana aseꞌ-tabang Tuhan ningkitabi.

Hibrani 9:10

Sarī gi, siga aturan ma bay bogbogan da ilay tuwaꞌ pa hāl ma yaꞌ ngotab pa jawom atay, meꞌ sapantun aturan hāl makanan ka inuman sampay jinisan pandihan. San pooy meꞌ mogbogan siga aturan meꞌ looy, yaꞌ du kasutsiꞌ ni atay. Sugaꞌ talpaksaꞌ baw ninsila mogbog ngkod-ngkoran yaꞌ gi bay pinasampay pagsulutan bahau.