Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Suwat si Pol pa mman Baanan Sukuꞌ si Isa ndooy ni Rom 14:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

17 Kamasaꞌ ni sabana na, bong hāl meꞌ nginum-mangan, yaꞌ du sina luu kabigiꞌ-bigian na ni pamarinta Tuhan. Ilooy ya hagaan ni pamarinta na yana kaintongan, kasalassayan ka kagakan njawom atay tabi lakka man Rū Sutsiꞌ.

အခန်းကိုကြည့်ပါ။ ကော်ပီ




Suwat si Pol pa mman Baanan Sukuꞌ si Isa ndooy ni Rom 14:17
38 ပူးပေါင်းရင်းမြစ်များ  

Pamakoy na bay pinabuwat ka bū untaꞌ maka kambot na kuwit sapiꞌ. Makanan na tompang ka gowaꞌ buwani. Ndooy siꞌ, wā ya masaplag ni siga jama ma bay pilay pa mman na, yuk na, “Nawbat na kam sabap tapit na katakka pamarinta Tuhan.” Na sabapan pabuwatan si Yahiya ilay siꞌ, lay na binakbul bay tunaꞌ Nabi Isaya, ilooy ma yuk na, “Luu sina mintu jama takale ngahowap ni lahat lau-lau, yuk na, ‘Saddiyahun bi na lān ni katakka Papuꞌ. Paintongun bi na mari tahan na patiluꞌ pa mman bi.’ ”


Sangkon pakutuun bi na meꞌ bi mmeꞌ ni pamarinta Tuhan maka akigun bi kaintongan Tuhan. Basta ina inaa numbul satu ningkaam, malaingkan Tuhan sa muwanan kaam mimon ma kagunahan ningkaam.


Pag takale meꞌ disu ma paharung mangan ndooy bay bitsala si Isa, yuk na, “Tuwan, kira ku, tud sinupaatan la soysoy mintu bay tumabeꞌ ni paballangan njawom okoman pamarinta Tuhan.”


Ni junyaꞌ tuu tu, mastiꞌ lumingkaꞌ jaꞌ sina kam ni jinisan kamalasahiyan. Sugaꞌ pagakun bi jaꞌ atay bi batan lay na situ ku tumanjataꞌ man mimon kasusahan njawom junyaꞌ. Aku ilay bay maan kaam ilooy siꞌ labbasakayi supaya sannang na atay bi man sabapan pagkatibuuk bi ka aku.”


Pag halling si Isa, “Baan ta ko banahan, yaꞌ sina luu kapatabeꞌ ni pamarinta Tuhan bong yaꞌ doꞌ bay duhuꞌ pinamaddihan pabalik.”


Pag tampung si Isa, “Baan ta ko banahan, yaꞌ sina jama kapatabeꞌ ni pamarinta Tuhan bong yaꞌ doꞌ duhuꞌ bay pinamaddihan meꞌ boheꞌ ka Rū Sutsiꞌ.


Na kuwan sagannap ma bahau jaꞌ mmeꞌ ni si Isa ndooy ni Antiyok, ssob na sila meꞌ Rū Sutsiꞌ sampay tud gāk na sila.


Na pus meꞌ looy, yaꞌ na baw bay luu laug njataꞌ siga baanan sukuꞌ si Isa ni sikaliput Yahudiya ka Jalil sampay Samariya. Boꞌ na, pabasag na pin pangando da ni Papuꞌ maka yaꞌ maglumba meꞌ da ngisbat iya. Dari man tabang Rū Sutsiꞌ njataꞌ sukuꞌ si Isa, pasōng na pin eka jama ma pitsayaꞌ ni si Isa.


Na meꞌ Tuhan ina pag-asa tabi, kamura-murahan buwanan na du kam kagakan mehe maka kasannangan njawom atay bi sabap meꞌ bi pitsayaꞌ ni Papuꞌ Isa. Kamura-murahan sabap meꞌ bi pitsayaꞌ, ginaosan du kam meꞌ kawasa Rū Sutsiꞌ supaya pabasag na pin holat bi pa Tuhan.


Na bong ina kita maabak meꞌ ta nganduwan napsu ta, ilooy du takoleꞌ ta katiksaan nyawa. Sugaꞌ bong ina kita makutuꞌ meꞌ ta nganduwan kahandak Rū Sutsiꞌ, ilooy ya takoleꞌ ta kasampulnaan nyawa ka kasannangan njawom atay ta.


Kahapan man kahandak Tuhan, tibuuk na kitabi ka si Isa Almasi, yana poonan man tabi koleꞌ kapandoyan man Tuhan. Lagiꞌ na, sabapan si Isa Almasi, lay na kitabi initung meꞌ Tuhan intong sampay lay na kitabi dari sukuꞌ Tuhan. Maka sabapan si Isa, lay na kitabi pinaddusan man hukuman ni mimon dusa tabi.


Bong ina sila bana-bana njawman pamarinta Tuhan, talbuktiꞌ du sina ni siga kawul-piil da man tabang Rū Sutsiꞌ, saꞌ ga ni bitsala da sadjaꞌ.


Yaꞌ kina katoonan bi, kinawnan jama buwat maat, yaꞌ luu kabigiꞌ-bigian da ni pamarinta Tuhan? Daa kam ngandupang dī bi. Intomun bi, basta ina sagannap ma buwat maat meꞌ sapantun kalalamaan yaꞌ halal kawin, atawa ma numba kajinisan sarī man Tuhan, ma magjina, ma sikameek-kameek lalla ka pagkahi da lalla, atawa danda ka pagkahi da danda, mastiꞌ yaꞌ sina luu sukuꞌ da ni pamarinta Tuhan.


Sugaꞌ ni sabana na, mangan yaꞌ mangan, bong inawnan makanan, yaꞌ du luu kaboo kitabi palawak man Tuhan. Damikiyan, yaꞌ du luu kaboo kitabi tapit pa Tuhan.


Bistahun bi doꞌ, san yaꞌ luu dusa Almasi samasakali, lay na ga ya binuwat meꞌ Tuhan subay ga baldusa batan mimon dusa tabi lay na tinanggung meꞌ na. Kon na bay buwat meꞌ looy supaya dari jama intong na kitabi meꞌ karuha kaintongan Tuhan man sabapan pagkatibuuk tabi ka Almasi.”


Boꞌ jama ma pinagbayaan meꞌ Rū Sutsiꞌ ina, sibuꞌ karuha da ka poon kayu ayad jaꞌ buwaꞌ na. Batan jinisan kahapan takita ni kawul-piil da, yana aseꞌ, kagakan, sannang atay, pasensiya, bbuwatan ayad ni pagkahi da ka arat mahap. Tapangandohan sila


Siga danganakan, saꞌ ba, gāk kam sabap tibuuk na kam ka Almasi maka kagamgaman na kam sabapan aseꞌ na ningkaam? Maka saꞌ ba, lungbid na kam ka Rū Sutsiꞌ sampay luuy na kam ni jama? Pagka meꞌ naa,


Sugaꞌ daa kam hidjab. Kitabi ya situ sabana-bana sukuꞌ Tuhan. Batan kitabi na situ pinagmundaan meꞌ Rū Sutsiꞌ numba Tuhan. Maka kitabi itu gāk sabapan pagkatibuuk tabi ka si Isa Almasi. Boꞌ na, poonan tabi salamat sabap meꞌ tabi mangando niiya, saꞌ ga sabapan pabuwatan tabi mogbogan jinisan saraꞌ meꞌ sapantun ngislam.


Maka ituu gi tu hagaan niyaku ni hāl meꞌ ku initung meꞌ Tuhan intong. Sugaꞌ kaintongan ku itu, saꞌ ga sabap meꞌ ku bay mogbogan saraꞌ agama, arapun sabap meꞌ ku pitsayaꞌ ni si Isa Almasi. Batan kaintongan ku tu, yana ladjikiꞌ man Tuhan niyaku.


Na siga danganakan, ni mimon kahalan bi, pagakun bi jaꞌ atay bi sabap sukuꞌ Papuꞌ Isa na kam. Sangkon, meꞌ halling ku na siꞌ, pagakun bi atay bi.


Bong ina suhuran bi kasusahan bi pa Tuhan, binuwanan du sina kam meꞌ na kasannangan njawom atay bi ka njawom pamiki bi sabapan pagkatibuuk bi ka si Isa Almasi. Boꞌ kasannangan man Tuhan ina tud kainu-inu, yaꞌ takaya hinati meꞌ manusiyaꞌ.


Maka kamura-murahan binuwanan du kam meꞌ Tuhan gaos lakka man kawasa na ma yaꞌ luu sibuꞌ sabanding na. Dari san gi oy katuwaꞌ ningkaam, katatas kam maka masi na pin kam gāk. Sarī gi, patahaꞌ na pin pasensiya bi.


Kaam ilay bay ngahasi umanat kami, tud gāk kam man sabapan Rū Sutsiꞌ san bay basag laug njataꞌ bi. Dari sabap meꞌ bi amu-amu natas ni laug ka kabinsanaan, tumatandaꞌ na lay na kam ngakig kadarihan kami ka Papuꞌ Isa.


Batan sigi-sigi kami bay maintoman kaam ka muwansangan kaam pa kaayaran. Maka bay gi kam tugun kami subay pagsitawpun bi kawul-piil bi ka kaam inawnan siga sukuꞌ Tuhan. Ndang-ndang Tuhan du bay ngaliyun kaam supaya kam tabeꞌ ni pamarinta na sampay ni ehe kabantugan na.


Sangkon, daa na kam kuhi binoo magsiꞌ ka jinisan tōꞌ ma yaꞌ sikatuwaꞌ ka kabanahan bay hasi bi. Kasohean ina nōꞌ luu lawuk haram. Tōꞌ meꞌ looy ilay yaꞌ du luu paluntungan na ninsila ma mogbog. Batan hāl makanan ina yaꞌ du kasambu ni nyawa tabi. Arapun iya kasambu yana aseꞌ-tabang Tuhan ningkitabi.


Minsan ina kam yaꞌ bay pingkaꞌ ngita si Isa ngabut sampay batnaa, maaseꞌ du kam niiya maka tattap du pangando bi niiya. Sangkon pannoꞌ atay bi meꞌ kagakan saꞌ alang-alang,


Ituu itu aku, si Saymon Pitel, disu ata si Isa Almasi. Maka aku itu disu rasul na. Itu suwat ku pa mman bi ma pitsayaꞌ na du ni si Isa Almasi, yana Tuhan tabi ka tukang nalamat kitabi. Ni kaintong na, yaꞌ ya minig jama, batan kaam pun ina, meꞌ kami na du, bay kaladjikian saliꞌ-saliꞌ buwatan hagaan, yana pangando tabi niiya.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ