Suwat si Pol pa mman Baanan Sukuꞌ si Isa ndooy ni Rom 13:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Akig tabi arat-tabiat Papuꞌ tabi si Isa Almasi. Maka paayad-ayad kitabi mari yaꞌ taduwan tabi oy-oy pamiki magnapsu ni kalaatan.

Suwat si Pol pa mman Baanan Sukuꞌ si Isa ndooy ni Rom 13:14 ပူးပေါင်းရင်းမြစ်များ

Galatiya 3:27

Maka pag lay jaꞌ kam pinandi tandaꞌ bi mmeꞌ na ni Almasi, sibuꞌ na du kam ka lay na nibuuk dī bi ka iya. Arat Almasi ina bong nnaꞌ ta pa juba, lay na patuk bi.

Galatiya 5:24

Meꞌ kitabi itu tibuuk na ka si Isa Almasi, bong kinawnan pabuwatan tagga pa Tuhan, timanan tabi na. Meꞌ tabi ngingat, pagkajama tabi maruhuꞌ ma wā pinagbayaan meꞌ napsu tabi, lay na tabeꞌ matoy ni si Isa Almasi llansang taꞌ tehang.

Epesus 4:24

Sangkon ni hāl pagkajama bi ma bahau, ndang lay na du kam binaan, bong ibaratan badjuꞌ sutsiꞌ, patukun bi na. Batan lay na kam buwanan Tuhan kaallum bahau supaya kam meꞌ karuha iya na du sabana-bana intong ka sutsiꞌ.

Kolossa 2:23

Bong ndaꞌ mata, katuwaꞌ na sila mogbogan siga aturan meꞌ looy, saula-ula diyoꞌ pangatayan da. Maka meꞌ bantuk bana-bana sa sila bal-iman. Lagiꞌ na, meꞌ bantuk yaꞌ sa sila mandang hāl junyaꞌ sabap meꞌ da niksaꞌ baran da. Boꞌ ko, ni mimon taat da, yaꞌ luu san disu katabang nalloban napsu da ni kalaatan.

1 Pitel 2:11

Siga kakasi ku, junyaꞌ tuu itu saꞌ lahat tabi sabanna. Sampi jaꞌ kitabi ntuu. Sangkon junjung ku na ningkaam, daa na duwanun bi napsu maat ma pinaabak meꞌ jama ma nabiat mandang hāl junyaꞌ. Batan siga napsu meꞌ looy ilay, meꞌ karuha banta bi ma niksaꞌ nyawa bi.