Suwat si Pol pa mman Baanan Sukuꞌ si Isa ndooy ni Rom 13:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Waktu itu batnaa, ibaratan sangom, agon katis na dambahangi, maka tapit na pakallat mataallaw. Sangkon, mimon pabuwatan maat, ibaratan badjuꞌ, urusan tabi na. Boꞌ saynan tabi na ka kaintongan. Batan kaintongan tabi ina, yana pakakas man tabi nalloban kalaatan.

Suwat si Pol pa mman Baanan Sukuꞌ si Isa ndooy ni Rom 13:12 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 13:14

Akig tabi arat-tabiat Papuꞌ tabi si Isa Almasi. Maka paayad-ayad kitabi mari yaꞌ taduwan tabi oy-oy pamiki magnapsu ni kalaatan.

1 Korin 10:11

Na ilooy ilay ma bay katuwaꞌ ni kabboꞌ-bboan kami bay sinuwatan man mandaan kitabi ni timpu batnaa na, yana timpu man siga tunaꞌ njawom kitab pasal Almasi binakbul.

1 Korin 7:29

Siga danganakan, ituu jaꞌ meꞌ ku ka kaam: Yaꞌ na situ hallom waktu tabi taꞌ junyaꞌ. Sangkon, labba man batnaa, subay Papuꞌ numbul satu pakutuꞌ tabi, luu yaꞌ luu soheꞌ tabi sitampu.

2 Korin 10:4

Sugaꞌ siga pakakas kami itu saꞌ situ meꞌ pakakas biyasa ntuu ni junyaꞌ, batan pakakas kami lakka man Tuhan maka mehe kawasa da man nalloban pamiki maat. Boꞌ kabinasa gi ni oy-oy pamiki bingkok ma pinakoy meꞌ Ibilis man magsian manusiyaꞌ ka ngomkoman sila.

2 Korin 6:7

Bila kami magnasihat, kabanahan jaꞌ mimon ma pinōꞌ meꞌ kami, boꞌ tumatandaꞌ luu jaꞌ kawasa Tuhan njataꞌ kami. Kaintongan kawul-piil kami yana pakakas kami man ngatuhan soysoy nguntra kami.

Epesus 4:22

Maka ndang lay na kam binaan ni hāl pagkajama bi maruhuꞌ, bong ibaratan badjuꞌ lamaꞌ, urusan bi na, batan kabinasa sina ni kaallum bi. Maruhuꞌ ilay, bay jaꞌ kam taboo-boo meꞌ napsu bi buwat jinisan kalaatan.

Epesus 5:11

Daa kam mmeꞌ-mmeꞌ meꞌ uwahan jama njawom kalindoman buwat jinisan ma yaꞌ pataꞌ pinabuwat. Arapun pakitahan bi sila kaintongan kawul-piil bi mari tumatandaꞌ kalaatan da.

Epesus 5:8

Bana na, maruhuꞌ sibuꞌ du kam ka sila njawom kalindoman, boꞌ batnaa luu na kam njawom karantaan sabap tibuuk na kam ka Papuꞌ Isa. Sangkon subay sikatuwaꞌ tangge-tingkōꞌ bi ka jama ma tattap njawom karantaan.

Hibrani 10:25

Daa kitabi ngakig kasohean ma nabiat yaꞌ mmeꞌ bila pagkahi da kumpo-kumpo numba. Arapun subay kitabi mmeꞌ sampay sibuwansang-buwansang pa kaayaran, labi na ni timpu batnaa pagka song patapit na pin llaw man Papuꞌ Isa pabeleng.

Hibrani 12:1

Na pagka meka jama mattoꞌ bay dari suntuan ayad ningkitabi sabap meꞌ da mangando pa Tuhan, sabuli-buli tabi ngakig sila. Maka labbahan tabi na dusa tabi sampay oy-oy na pin ma kasanggalang ningkitabi buwat kahandak Tuhan. Bong dalil ta pa jama maglumbaꞌ sonse, subay lakkahan tabi oy-oy kahabo ningkitabi supaya kitabi katatas sonse ni lān ma bay sinukuꞌ meꞌ Tuhan ningkitabi.

Yaꞌkub 1:21

Sangkon labbahan bi na mimon ma katamak ningkaam ka mimon kalaatan ma pinaabak meꞌ jama, boꞌ bi magpadiyoꞌ na pa Tuhan. Maka ngasip na kam ni palman na ma lay na bay inannaꞌ njawom atay bi. Batan palman na ina kasalamat ningkaam.

Yaꞌkub 5:8

Kaam pun, subay du luu pasensiya bi ngagad. Patagguhun bi iman bi mmeꞌ ni Papuꞌ tanne-pasuꞌ batan tapit na sina katakka na.

1 Pitel 2:1

Na pagka luu na kaallum bi bahau, timanan bi na mimon pabuwatan maat maka mimon dustaꞌ. Daa dan jinis bitsala bi, boꞌ sarī na baw pabuwat bi. Daa na kam dangkiꞌ atawa mitnahan pagkahi bi manusiyaꞌ.

1 Pitel 4:7

Na katapusan junyaꞌ ina, yaꞌ na hallom. Sangkon paayarun bi na pamiki bi maka ilagan bi dī bi supaya yaꞌ na luu kasanggalang ningkaam maku duwaa pa Tuhan.

2 Pitel 3:11

Na pagka mimon-mimon hinansu bbos-bbos, subay paliksaꞌ tabi dī tabi bong pooy tangge-tingkōꞌ tabi ni batnaa. Subay sutsiꞌ kawul-piil tabi. Maka subay kitabi lillaꞌ pa Tuhan

2 Pitel 3:9

Sangkon sagannap ma mista Papuꞌ lawun numan janjiꞌ na pabeleng, magsāꞌ sila. Arapun lantan na jaꞌ silay katakka na sabap tahaꞌ pasensiya na ngagad manusiyaꞌ, kawu-kawu nawbat sila. Batan kainagon na ina yaꞌ luu san disu jama tanalkaꞌ.

1 Yahiya 2:18

Na siga anak, saꞌ ba, ndang lay na kam binaan maruhuꞌ, pag mintu tapit na llaw dambuli, luu disu pōꞌ inawnan Tukang Nguntra Almasi? Boꞌ ni sabana na, meka na sina pōꞌ nguntra Almasi ni batnaa. Sangkon katoonan tabi na bong inawnan llaw dambuli, basta tapit na.

Siga Pakaradjaan bay Pinalahil 1:3

Njawom supaat sina soysoy matsa kitab tuu. Damikiyan, njawom supaat du sagannap ma pakale sampay nganna mimon isi na, batan yaꞌ na situ hallom binakbul na siga tunaꞌ ni suwat tuu.

Siga Pakaradjaan bay Pinalahil 22:10

Maka yuk malaikat looy siꞌ niyaku, “Amay-amay daa sipukun siga tunaꞌ njawom kitab tuu, batan tapit na situ masa man da binakbul.