Suwat si Pol pa mman Baanan Sukuꞌ si Isa ndooy ni Rom 12:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Na meꞌ kitabi itu sikaaseꞌ-kaaseꞌ, subay hilas aseꞌ tabi. Subay kitabi wā lammis ni kalaatan. Maka subay kitabi wā makutuꞌ kaayaran.

Suwat si Pol pa mman Baanan Sukuꞌ si Isa ndooy ni Rom 12:9 ပူးပေါင်းရင်းမြစ်များ

Matiyu 26:49

Dari magti pasōng si Judas pa mman si Isa sambayan na halling, “Tuwan Guru,” boꞌ inūk meꞌ na si Isa.

Yahiya 12:6

Na sabana na, yaꞌ silay luu luuy si Judas ni jama miskin, arapun kon na bay halling meꞌ looy sabap panangkaw ya. Minsan iya bay hinalap ngantanan pangannaan sīn ni baanan ga si Isa, bbuwatan na daran ngulangan sīn da para ni dī na.

Salsila siga Rasul 11:23

Si Balnabas siꞌ tu jama mahap maka sukup pangando. Boꞌ na, ssob na ya meꞌ Rū Sutsiꞌ. Pag takka na pilay, tud bay gāk ya batan ni lilingan na luu na pin supaat Tuhan ni jataꞌ siga sukuꞌ si Isa ndooy. Dari lay ya muwansangan sila nohoꞌ magkanaalla ngisbat Papuꞌ ni mimon hilas atay da. Labba mandooy, tud bay meka na jama pasampun mmeꞌ ni Papuꞌ Isa ni daira looy.

2 Korin 6:6

Maka tandaꞌ kami sosohoan Tuhan, yaꞌ luu pabuwat kami oy maka oy na man kami taawnan sabu. Boꞌ na, tumatandaꞌ du luu pangahati kami ni kitab. Sarī gi, tahaꞌ pasensiya kami maka manimbang kami ni jama. Maka tumatandaꞌ du pinagmundaan kami meꞌ Rū Sutsiꞌ. Maka hilas jaꞌ aseꞌ kami ni mimon manusiyaꞌ.

2 Korin 8:8

Sugaꞌ san ku tu siꞌ bay mitsala meꞌ tuu, yaꞌ du ku tu ngalogos kaam. Arapun doman jaꞌ ku toon bong kam bana-bana du maaseꞌ ni pagkahi bi. Inaa sina kon ku bay nabbut pasal pagkahi bi ntuu ni Masidunya magkainagon nulung, kawu-kawu kam ngakig sila.

1 Tesaloneka 2:3

Kami ilay bay masaplagan kaam, yaꞌ bay luu njawom umanat kami gantaꞌ man magsian jama. Damikiyan, yaꞌ du bay luu niyat kami maat maka yaꞌ du bay luu maksud kami ngandupang jama.

1 Tesaloneka 5:15

Luu-luu buwat maat ningkaam, daa subay na pin kam mawos. Gam pin, buwat na pin kam mahap ninsila sampay ni mimon manusiyaꞌ, mmeꞌ, yaꞌ mmeꞌ ni Papuꞌ Isa.

1 Tesaloneka 5:21

Sugaꞌ pus na masampay, pindogahan bi doꞌ bong pataꞌ hinasi umanat na atawa niyaꞌ. Bong hati bistahan bi tud mattan lakka man Rū Sutsiꞌ, malaingkan kannahun bi; bong niyaꞌ, san daa na.

1 Timuti 1:5

Baan nu sila ngkon tabi noan jama umanat Tuhan supaya sila maasean pagkahi da manusiyaꞌ. Maaseꞌ ina, mastiꞌ takaya da jaꞌ bong sutsiꞌ niyat atay da, maka yaꞌ na sila buwat oy maka oy na ma nulang ni honaꞌ-honaꞌ da, maka bong sila kanaalla mangando ni si Isa Almasi.

Hibrani 1:9

Tud kasulutan ko ni kaintongan, sugaꞌ dugahan ko ni mimon kalaatan. Sangkon aku itu, yana Tuhan nu, bay muwanan kau kagakan ka kabantugan labi man sikamimon.”

Hibrani 12:14

Pagbuli-bulihan bi miha kasalassayan ka mimon manusiyaꞌ. Maka subay kam sutsiꞌ. Batan yaꞌ sina mintu luu sikita ka Papuꞌ bong ya yaꞌ sutsiꞌ.

Yaꞌkub 3:17

Boꞌ jama ma luu pangahati da lawom man Tuhan, duhuꞌ-duhuꞌ, sutsiꞌ kawul-piil da. Pasunuꞌ, tiggo sila ngulihal kasalassayan. Boꞌ na, gampang gi sila ni parasahan jama. Kuhi sila tinoan. Basag sila manimbang ni jama maka mōꞌ sila jinisan kaayaran. Yaꞌ sila minig jama maka arat-tabiat da wā magbēꞌ ka kabanahan ma kinapitsayaan meꞌ da.

1 Pitel 1:22

Na pagka lay na du kam mmeꞌ ni tōꞌ sabanna, pasutsiꞌ na pin sina pangatayan bi. Sangkon pakutuun bi na meꞌ bi sikaaseꞌ-kaaseꞌ. Maka subay hilas aseꞌ bi meꞌ karuha jama magdanganakan.

1 Pitel 4:8

Maka numbul satu isbatun bi meꞌ bi sikaaseꞌ-kaaseꞌ ni kahilas atay bi. Batan bong ina kam maasean siga pagkahi bi, mastiꞌ ampun bi jaꞌ sila san du pooy eka dusa da ningkaam.