Suwat si Pol pa mman Baanan Sukuꞌ si Isa ndooy ni Rom 12:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Damikiyan, ma kaladjikian magamgaman atay jama, subay du pakutuꞌ na. Ma bay kaladjikian sīnan, subay yaꞌ tingot nulung siga pagkahi na ma sigpit. Bong luu bay kaladjikian alistu magpa-mmean, subay du ya tiggo magtakōk. Ma kaladjikian manimbang, subay du ya manimbang ni kagāk atay na nabangan jama.

Suwat si Pol pa mman Baanan Sukuꞌ si Isa ndooy ni Rom 12:8 ပူးပေါင်းရင်းမြစ်များ

Panagnaan 18:19

Iya itu jama bay peneꞌ ku supaya iya na noan ga anak-mpu na mmeꞌ ni kahandak ku ka buwat mahap sampay nanggehan kaintongan. Na bong ina mintu ngasip du siga anak-mpu na ni kahandak ku, mastiꞌ tinuman jaꞌ sina mimon ma bay janjiꞌ ku niiya.”

Matiyu 25:40

“Pag tampung Sultan ilay mintu, ‘Baan ta kam banahan, waktu bi ilay bay buwat meꞌ looy ni soysoy danganakan ku san du pooy diyoꞌ na ni bandingan manusiyaꞌ, saliꞌ du ka aku bay pabuwat bi meꞌ looy.’

Salsila siga Rasul 11:23

Si Balnabas siꞌ tu jama mahap maka sukup pangando. Boꞌ na, ssob na ya meꞌ Rū Sutsiꞌ. Pag takka na pilay, tud bay gāk ya batan ni lilingan na luu na pin supaat Tuhan ni jataꞌ siga sukuꞌ si Isa ndooy. Dari lay ya muwansangan sila nohoꞌ magkanaalla ngisbat Papuꞌ ni mimon hilas atay da. Labba mandooy, tud bay meka na jama pasampun mmeꞌ ni Papuꞌ Isa ni daira looy.

Salsila siga Rasul 13:12

Pag ndaꞌ gubnul meꞌ looy na bay katuwaꞌ si Elimas, tud bay haylan ya ni kawasa Papuꞌ Isa ma pinasaplag meꞌ da. Dari magti ya pitsayaꞌ ni si Isa.

Salsila siga Rasul 13:15

Pag-anu, luu lalla bay matsahan siga jamaa ndooy kasohean man saraꞌ Nabi Musa ka kasohean man kitab kanabi-nabihan. Pag-lupus, kuwan siga pa-mmean ni langga looy, lay nohoꞌ disu jama mahati ni ga si Pol, yuk na, “Kaam, pagkahi kami Yahudi, bong luu umanat bi gantaꞌ kapataggu na pin iman ga jamaa ntuu, bong anu, pakalehan bi doꞌ kami.”

Salsila siga Rasul 15:32

Ndooy siꞌ, pagka si Judas ka si Saylas ndang tukang masampay siga umanat ma pinalahil meꞌ Rū Sutsiꞌ ninsila, meka du umanat bay pasampay da man da mataggu iman siga sukuꞌ si Isa sampay matakkoꞌ pangando da.

Salsila siga Rasul 20:2

Takka jaꞌ siꞌ ndooy, lay ya ngalataan lahat looy ngandaꞌ-ngandaꞌ siga baanan sukuꞌ si Isa sampay lay gi ya magnasihat man na mataggu iman da. Pag-anu, boꞌ na pawus na pa Greece.

Salsila siga Rasul 20:28

Pag-anu, yuk si Pol lagi ni ga pa-mmean looy, “Ilagan bi dī bi. Maka ayaran bi mimon sukuꞌ si Isa ma bay hinalap meꞌ Rū Sutsiꞌ ningkaam. Tud kinasengan sina sila meꞌ Tuhan. Sila ilay meꞌ sapantun altaꞌ Tuhan ma bay binalli meꞌ na ka lahaꞌ Anak tungga na.

Salsila siga Rasul 4:36

Na disu jama ma bay maballihan tanaꞌ na yana si Yusup, lalla man nusa Kiprus, disu panubuꞌ si Libay. Meꞌ siga rasul ngawnan iya si Balnabas, hatiyan na, “tukang magamgam.” Dari luu jaꞌ siꞌ ballihan tanaꞌ na, lay na du pa-ntan na pa mman siga rasul.

Suwat si Pol pa mman Baanan Sukuꞌ si Isa ndooy ni Rom 12:13

Maka bong pagkahi tabi sukuꞌ Tuhan kabus, subay tulung tabi. Maka daa kitabi paalang ngahulmat jama bong sila pa lumaꞌ tabi.

Suwat si Pol pa mman Baanan Sukuꞌ si Isa ndooy ni Rom 13:6

Lagiꞌ na, subay kita mayaran sukay parinta supaya luu hasil pa-mmean ta sasang da marinta bilang siga tindog Tuhan.

1 Korin 12:28

Na meꞌ kitabi itu njawom sakup Almasi na, luu jinisan pabuwatan bay sinukuꞌ ningkitabi. Duhuꞌ, luu bay kawakilan leꞌ Tuhan binuwat siga rasul si Isa. Kaduwa na, kasohean bay kawakilan masampay siga umanat ma bay pinalahil meꞌ Rū Sutsiꞌ ninsila. Ni katallu na, kasohean bay kawakilan binuwat siga guru. Sarī man inaa, luu gi sina bay kaladjikian mōꞌ pabuwatan kahaylan-haylan man kawasa Tuhan. Kuwan kasohean, kaladjikian ngulian jama. Kasohean kaladjikian basag nabang, kasohean tukang magmalim maka luu gi kasohean kaladjikian mitsala ni jinisan pallun ma yaꞌ san bay pingkaꞌ kapandoyan da.

2 Korin 1:12

Siga danganakan, ituu itu kagakan kami: Tatantu kami sutsiꞌ jaꞌ niyat atay kami ni mata Tuhan. Maka katoonan kami yaꞌ luu pabuwat kami man kami taawnan yaꞌ bonto ni mimon jama, awla na ningkaam. Ni mimon pabuwatan kami, yaꞌ kami mangasa ni akka kami dī kami. Ilooy ya asahan kami yana aseꞌ-tabang Tuhan.

2 Korin 11:3

Ilooy kahanggawan ku, taggahaꞌ lay na baw kam mintu inakkahan meꞌ karuha jaman Sitti Hawa bay takoleꞌ inakkahan meꞌ sō mattoꞌ. Hanggaw ku taggahaꞌ takoleꞌ na baw kam pinagsian sampay man lungay na kasutsian bi ka hilas atay bi ngisbat Almasi.

2 Korin 8:12

Basta kam ina tinagi nulung, kasulutan jaꞌ sina Tuhan ni saraka bi, dangoy-dangoy jaꞌ takaya bi. Tuhan ina yaꞌ du nohoꞌ siga sukuꞌ na muwan san yaꞌ luu pangabut da.

2 Korin 9:11

Binuwanan du sina kam meꞌ Tuhan jinisan supaat supaya wā kam katulung ni jama. Pag ina mintu pasampay kami tulung bi, meka na sina jama magsuku pa Tuhan sabapan bi.

2 Korin 9:13

Batan pag ina mintu takita siga danganakan tabi ndooy ni Yahudiya hāp arat bi bay basag nulung ninsila sampay ni mimon jama, mudji na sila Tuhan. Boꞌ ilooy na silay mintu buktiꞌ mehe ninsila tud bana-bana du kam mean umanat mahap pasal Almasi.

2 Korin 9:7

Sangkon, kaam na mag-atas piki bong dangoy karomanan bi pinamuwan, boꞌ deanun bi na ni gasad bayaꞌ bi. Yaꞌ sina mahap bong kam muwan san kam yaꞌ doman atawa sabap meꞌ bi bay nilogos. Arapun subay hilas meꞌ tabi muwan, batan kasulutan sina Tuhan banahan ngita jama gāk muwan.

Epesus 6:5

Na kuwan kaam ma ata, asipun bi siga papuꞌ bi. Mag-arat kam ni kaloman bi ninsila. Ni mimon pabuwatan bi ninsila, subay kam magtuyuꞌ buwat ni kahilas atay bi. Meꞌ bi ngingat, sibuꞌ du kam ka maghulas-sangsāꞌ kalnaꞌ Papuꞌ Isa.

Kolossa 3:22

Kaam pun baw siga ata, subay du kam wā ngasip ni siga papuꞌ bi ntuu ni junyaꞌ. Daa subay na pin luu papuꞌ bi nganjaga boꞌ bi magtuyuꞌ buwat. Jama meꞌ looy ilay, muhung jaꞌ sanglit ni manusiyaꞌ. Saꞌ ga sanglit man Tuhan puhung da. Arapun luu-yaꞌ luu papuꞌ bi nganjaga, subay kam kanaalla buwat paayad pagka kaam jama ma ngisbat Papuꞌ Isa.

1 Tesaloneka 2:3

Kami ilay bay masaplagan kaam, yaꞌ bay luu njawom umanat kami gantaꞌ man magsian jama. Damikiyan, yaꞌ du bay luu niyat kami maat maka yaꞌ du bay luu maksud kami ngandupang jama.

1 Tesaloneka 2:8

Tandaꞌ ehe aseꞌ kami ningkaam, sarī man umanat mahap man Tuhan bay pasampay kami ningkaam, lay gi du atas kami narapan umu kami kalnaꞌ kaam. Tud maaseꞌ kami ningkaam.

1 Timuti 4:13

Na njawom nu ngagad katakka ku pilu, pakutuun na pin meꞌ nu matsahan baanan sukuꞌ si Isa nnaa kitab. Passaun ninsila hatiyan na man nu maintoman sila ka noan sila.

1 Timuti 5:17

Balik ta pa siga pa-mmean baanan sukuꞌ si Isa, bong ina sila pa-mmean mahap, subay sila binuwanan hasil ayad, awla na sagannap ma tiggo nōꞌ ka magnasihat.

1 Timuti 6:18

Maka baan nu sila subay sila tigiꞌ buwat mahap ni jama. Mangkin meka na pilak da, mangkin subay meka na kaayaran pabuwat da. Daa sila sohoun sēng nulung jama njawom tiksaꞌ, gam pin subay sila mahampitan jama tiksaꞌ paeka.

Hibrani 10:25

Daa kitabi ngakig kasohean ma nabiat yaꞌ mmeꞌ bila pagkahi da kumpo-kumpo numba. Arapun subay kitabi mmeꞌ sampay sibuwansang-buwansang pa kaayaran, labi na ni timpu batnaa pagka song patapit na pin llaw man Papuꞌ Isa pabeleng.

Hibrani 13:17

Asipun bi siga pa-mmean bi sukuꞌ si Isa. Lillaꞌ jaꞌ kam ninsila batan sila ina ngayaran kaam mari sambu nyawa bi. Maka katoonan da du sina, luu jaꞌ masa ni sinōng paawop na sila pa Tuhan magsabanna bong pooy meꞌ da bay buwat ilooy ma bay sinukuꞌ ninsila. Dari bong ina bean bi jaꞌ sila, mastiꞌ gāk du sila ngayaran kaam. Sugaꞌ bong ina niyaꞌ, susa sina sila. Boꞌ na, kalugian gi ningkaam.

Hibrani 13:22

Siga danganakan, junjung ku na ningkaam, daa kam jamu pakale ni bay palbiatan ku njawom suwat tuu siꞌ. Ndang-ndang, yaꞌ du situ tahaꞌ kalanduꞌ.

Hibrani 13:24

Katapusan bitsala ku, pasampayun bi doꞌ salam duwaa ku ni siga pa-mmean bi sampay ni mimon sukuꞌ Tuhan nnaa. Damikiyan siga danganakan tabi pun man Itali, lay du bay nohoꞌ masampay salam duwaa da ningkaam.

Hibrani 13:7

Sarī man naa, daa takupan bi siga pa-mmean bi ma bay noan kaam palman Tuhan. Kannahun bi ayad kawul-piil da maka akigun bi pangando da ni si Isa.