Suwat si Pol pa mman Baanan Sukuꞌ si Isa ndooy ni Rom 12:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Bong disu bay kaladjikian nabangan jama, subay du ya tinagi nabang. Ma kaladjikian alistu noan jama kitab, subay du ya nōꞌ.

Suwat si Pol pa mman Baanan Sukuꞌ si Isa ndooy ni Rom 12:7 ပူးပေါင်းရင်းမြစ်များ

Matiyu 28:19

Sangkon, lataan bi na junyaꞌ boꞌ toan bi na sikamimon bangsa pasal aku supaya sila mmeꞌ niyaku. Maka pandihun bi na sila ni awon Mmaꞌ ku, Anak na, ka Rū Sutsiꞌ.

Yahiya 3:2

Disu sangom, lay ya pilay pa mman si Isa. Takka ndooy yuk na, “Tuwan, katoonan kami kau guru lakka man Tuhan. Yaꞌ sina ko kapōꞌ siga pakaradjaan kahaylan-haylan meꞌ ilooy ma bay pabuwat nu bong yaꞌ luu kawasa Tuhan njataꞌ nu.”

Salsila siga Rasul 13:1

Na ni baanan sukuꞌ si Isa ndooy ni Antiyok, luu siga tukang masampay siga umanat ma pinalahil meꞌ Rū Sutsiꞌ ninsila, maka luu du siga jama alistu nōꞌ. Sila ilay siꞌ yana si Balnabas, si Simiyun ma pinagdē si Itom, si Lusiyus yana jama Sayrin, si Sol, maka si Manean. Si Manean ilay bay pingkaꞌ samod ka Gubnul Herod jaman da anak-anak lagi.

Salsila siga Rasul 20:20

Maka katoonan bi na du jaman ku bay magpanoan kaam ni mayran sampay ni siga lumaꞌ bi, yaꞌ du luu kabanahan bay limbuhan ku. Oy-oy umanat ma katabang, lay jaꞌ du pasampay ku ningkaam.

Salsila siga Rasul 20:28

Pag-anu, yuk si Pol lagi ni ga pa-mmean looy, “Ilagan bi dī bi. Maka ayaran bi mimon sukuꞌ si Isa ma bay hinalap meꞌ Rū Sutsiꞌ ningkaam. Tud kinasengan sina sila meꞌ Tuhan. Sila ilay meꞌ sapantun altaꞌ Tuhan ma bay binalli meꞌ na ka lahaꞌ Anak tungga na.

Salsila siga Rasul 6:1

Ni masa looy siꞌ, paeka boꞌ paeka na pin bangsa Yahudi ma mmeꞌ ni si Isa. Kasohean Yahudi looy bay takka man kalahat-lahatan ni poan Israil. Pallun da yana Greek maka pinag-awnan sila Hellenis. Sugaꞌ kaekahan Yahudi ma pitsayaꞌ ndang bay pinamaddihan ni Israil maka pallun da yana Hibrani. Song hallom, kasohean sila ma pallun Greek yaꞌ kasulutan ni siga pagkahi da Yahudi ma pallun Hibrani. Yuk da, “Bila magbuwan na balanjaꞌ llaw-llaw ni siga bawu danda, ongoy taggahaꞌ siga bawu danda kami yaꞌ san hinampitan?”

1 Korin 12:28

Na meꞌ kitabi itu njawom sakup Almasi na, luu jinisan pabuwatan bay sinukuꞌ ningkitabi. Duhuꞌ, luu bay kawakilan leꞌ Tuhan binuwat siga rasul si Isa. Kaduwa na, kasohean bay kawakilan masampay siga umanat ma bay pinalahil meꞌ Rū Sutsiꞌ ninsila. Ni katallu na, kasohean bay kawakilan binuwat siga guru. Sarī man inaa, luu gi sina bay kaladjikian mōꞌ pabuwatan kahaylan-haylan man kawasa Tuhan. Kuwan kasohean, kaladjikian ngulian jama. Kasohean kaladjikian basag nabang, kasohean tukang magmalim maka luu gi kasohean kaladjikian mitsala ni jinisan pallun ma yaꞌ san bay pingkaꞌ kapandoyan da.

1 Korin 12:5

Damikiyan, kajinisan du pabuwatan sinukuꞌ ningkitabi man masambu nyawa pagkahi tabi, sugaꞌ disu du Papuꞌ tabi saliꞌ-saliꞌ.

1 Korin 14:26

Na siga danganakan, bila kam kumpo-kumpo numba, ituu palbiatan ku ningkaam. Mahap sina bong kasohean ngalang kalangan pudji pa Tuhan; maka mahap du bong kasohean nganasihat maka kasohean masampay umanat ma bay pinalahil meꞌ Rū Sutsiꞌ ninsila. Maka mahap du bong kasohean mitsala ni siga pallun ag-agan, basta luu jaꞌ tukang muwan maana. Sugaꞌ junjung ku na ningkaam, oy-oy pabuwat bi, subay kasambu ni siga nyawa sikamimon njawom baanan bi.

Galatiya 6:6

Kaam ma tinoan kitab, sapatut na subay kam nulung guru bi sampay ngahampitan sila balanjaꞌ bi.

Epesus 4:11

Na ni kapasal jinisan kapandoyan bilang ladjikiꞌ ma ndean meꞌ Almasi, kasohean jama pineneꞌ binuwat rasul na. Kasohean binuwat tukang masampay siga umanat bay pinalahil meꞌ Rū Sutsiꞌ ninsila. Kasohean binuwat tukang masaplag umanat mahap. Kasohean pineneꞌ binuwat pa-mmean ngayaran siga baanan sukuꞌ si Isa. Maka kasohean binuwat guru.

Kolossa 4:17

Maka baan bi si Alkipus, meꞌ iya jama bay kawakilan nohoꞌ maghulas-sangsāꞌ kalnaꞌ Papuꞌ, subay pabuwat na ilooy ma bay sinukuꞌ niiya.

1 Timuti 2:7

Ituu situ kon ku bay pineneꞌ meꞌ Tuhan binuwat rasul na nohoꞌ masaplag umanat mahap ni siga bangsa saꞌ Yahudi. Toan ku sila supaya sila mangando ni si Isa Almasi ka pitsayaꞌ ni tōꞌ sabanna. Na pitsayaꞌ jama atawa niyaꞌ, basta kanaalla jaꞌ baw situ bitsala ku. Yaꞌ ku pandoy ngandustaꞌ.

1 Timuti 3:2

Sangkon, bila kam meneꞌ pa-mmean, subay ya jama ma yaꞌ luu sutsutan njataꞌ na maka subay disu du nda na. Boꞌ na, subay ya jama pandoy ngagak dī na. Maka subay ya patong mamiki maka hatu. Subay ya pangahulmat maka alistu noan jama.

1 Timuti 4:16

Paayad-ayad ko supaya yaꞌ luu salla ni kawul-piil nu atawa pun ni tōꞌ nu. Bong ina tud kanaalla du ko mmeꞌ ni palbiatan tuu, malaingkan saꞌ sat kau salamat, arapun sampay mimon ma pakale ni tōꞌ nu.

1 Timuti 5:17

Balik ta pa siga pa-mmean baanan sukuꞌ si Isa, bong ina sila pa-mmean mahap, subay sila binuwanan hasil ayad, awla na sagannap ma tiggo nōꞌ ka magnasihat.

2 Timuti 2:2

Siga tōꞌ ma bay takale nu man ku, yana tōꞌ ma bay pasaplag ku ni pag-awpan siga baanan jama, pasampayun na ni kalallahan ma taasahan nu, ma pandoy noan jama sarī.

2 Timuti 2:24

Boꞌ inawnan sosohoan Papuꞌ ina, yaꞌ dari sasaꞌ. Subay ya magpahāp ni sikamimon maka pandoy noan jama. Maka subay du tahaꞌ pasensiya na.

2 Timuti 4:2

masaplag umanat Tuhan. Pagbuli-bulihan nu na noan jama kabanahan, doman-yaꞌ sila doman mmeꞌ. Paintoman nu na pin sagannap ma magsāꞌ atawa amu-amu buwat dusa. Bitsalahan nu sila nohoꞌ nawbat. Patagguhun na pin iman da. Maka bila ko noan sila, subay tahaꞌ jaꞌ pasensiya nu.