Suwat si Pol pa mman Baanan Sukuꞌ si Isa ndooy ni Rom 12:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Man sabapan aseꞌ Tuhan njataꞌ tabi, lay na kitabi binuwanan jinisan kapandoyan bilang ladjikiꞌ ningkitabi. Dari subay situ tabi saliꞌ-saliꞌ makoy ladjikiꞌ ma bay sinukuꞌ ningkitabi para kaayaran ni pagkahi tabi sukuꞌ si Isa. Bong disu bay kaladjikian masampay siga umanat ma bay pinalahil meꞌ Tuhan niiya, subay du pasampay na umanat ma kinapitsayaan meꞌ na bay pinalahil niiya.

Suwat si Pol pa mman Baanan Sukuꞌ si Isa ndooy ni Rom 12:6 ပူးပေါင်းရင်းမြစ်များ

Matiyu 23:34

Batan luu-luu ina mintu sohoꞌ ku pitu pa mman bi siga nabi ka ga jama halul-akka ka ga guru, kasohean llansang jaꞌ du meꞌ bi taꞌ tehang. Kuwan kasohean, pinawu-pawu meꞌ bi ni siga langga bi sampay inonse meꞌ bi padisu-padisu lahat.

Matiyu 25:22

“Pag-anu, pasunuꞌ na baw ilooy ma bay inambanan duwampūꞌ libu, yuk na, ‘Tuwan, atu na sīn nu bay mbanan nu, duwampūꞌ libu maka luu gi untung na duwampūꞌ libu.’

Lukas 11:49

Sangkon, ni kalawom akka Tuhan, ndang luu na bay garaꞌ na mungka kalaatan bi. Yuk Tuhan maruhuꞌ, ‘Sohoꞌ ku du sina mintu kanabi-nabihan ka ga rasul pa mman bangsa Yahudi. Pag pōꞌ da ina mintu, kasohean bininsanaꞌ, kuwan kasohean sampay pinapatoy!’ ”

Salsila siga Rasul 13:1

Na ni baanan sukuꞌ si Isa ndooy ni Antiyok, luu siga tukang masampay siga umanat ma pinalahil meꞌ Rū Sutsiꞌ ninsila, maka luu du siga jama alistu nōꞌ. Sila ilay siꞌ yana si Balnabas, si Simiyun ma pinagdē si Itom, si Lusiyus yana jama Sayrin, si Sol, maka si Manean. Si Manean ilay bay pingkaꞌ samod ka Gubnul Herod jaman da anak-anak lagi.

Salsila siga Rasul 15:32

Ndooy siꞌ, pagka si Judas ka si Saylas ndang tukang masampay siga umanat ma pinalahil meꞌ Rū Sutsiꞌ ninsila, meka du umanat bay pasampay da man da mataggu iman siga sukuꞌ si Isa sampay matakkoꞌ pangando da.

Salsila siga Rasul 2:17

Yuk Tuhan, ‘Ni ahil jaman, patannaꞌ ku Rū ku njataꞌ bangsa sikamimon. Kuwan siga anak bi, danda-lalla, masampay na siga umanat ma pinalahil meꞌ Rū ku ninsila. Kuwan kalallahan bi ma anak-anak bahau, pinakitahan na siga pandapat. Kuwan ga kalallahan bi pun ma toa na, luu du palahil Rū ku ninsila njawom siga upihan da.

Salsila siga Rasul 21:9

Iya ilay anakan mpat budjang. Ga kabudjangan looy ilay siꞌ, saliꞌ-saliꞌ lay kaladjikian tukang masampay siga umanat ma pinalahil meꞌ Rū Sutsiꞌ ninsila.

Suwat si Pol pa mman Baanan Sukuꞌ si Isa ndooy ni Rom 1:11

Kainagon ku sitammu na kitabi supaya kam tahampitan ku tōꞌ man Rū Sutsiꞌ mari magsasōng gi basag pangando bi ni si Isa.

Suwat si Pol pa mman Baanan Sukuꞌ si Isa ndooy ni Rom 12:3

Na meꞌ aku tu bay pineneꞌ binuwat disu rasul si Isa man aseꞌ Tuhan, junjung ku na ningkaam, daa kam mista dī bi langkaw man pagkahi bi. Subay kam papatong mamiki pasal dī bi batan saꞌ sina sat kaam bay sinukuan kapandoyan meꞌ Tuhan, arapun sampay mimon pagkahi bi ma pitsayaꞌ ni si Isa.

1 Korin 12:18

Lipara, mimon kalangkapan baran saliꞌ-saliꞌ ndang lay na pinagsibatuk-batuk meꞌ Tuhan meꞌ ndang karomanan na.

1 Korin 13:2

Damikiyan, san sawpama kita lay kaladjikian masampay siga umanat Tuhan, boꞌ katoonan ta lagi mimon ilmuꞌ ma yaꞌ gi bay pinalahil ni manusiyaꞌ, bong yaꞌ du luu aseꞌ ta ni jama, yaꞌ du luu pūs ta. Damikiyan, san sawpama yaꞌ luu kulang pangahati ta ni mimon-mimon, boꞌ sukup lagi pangando ta pa Tuhan sampay takaya ta nohoꞌ punu paenseg, bong yaꞌ du luu aseꞌ ta ni jama, yaꞌ du luu pūs ta.

1 Korin 14:1

Siga danganakan, pakutuun bi na meꞌ bi sikaaseꞌ-kaaseꞌ. Maka subay kam magkainagon banahan ni siga kapandoyan bilang ladjikiꞌ ma lakka man Rū Sutsiꞌ, labi na hāl kapandoyan masampay siga umanat ma pinalahil meꞌ Rū Sutsiꞌ.

1 Korin 14:24

Sugaꞌ bong ina luu paasok jama meꞌ looy sasangan bi masampay siga umanat man Rū Sutsiꞌ ni pallun ma tahati da, halin sina parasahan da. Batan man sabapan umanat bi, tabista da na sina baldusa sila. Maka tumatandaꞌ na ninsila pataꞌ sila kalabuan hukuman Tuhan.

1 Korin 14:29

Ni kapasal jama ni baanan bi ma bay kaladjikian masampay siga umanat lakka man Tuhan, bong sila masampay, sapatut na subay meꞌ looy du siꞌ ga duwa-tallu jaꞌ du sila. Maka umanat da subay binanding paayad meꞌ sikamimon bong magbēꞌ du ka tōꞌ si Isa atawa niyaꞌ.

1 Korin 3:5

Doꞌ kam bi. Soy doꞌ itu kami ka si Apolos? Kami bitu sosohoan sadjaꞌ ma bay mitsalahan kaam supaya kam pitsayaꞌ ni si Isa. Kami itu dangoy na, buwat jaꞌ kami saliꞌ-saliꞌ ma bay sinukuꞌ meꞌ Papuꞌ ningkami.

1 Korin 7:7

Sabana na, kainagon ku mimon kalallahan meꞌ aku du kaladjikian tanam san yaꞌ ndahan. Sugaꞌ kaniya-kaniya baw situ kitabi ka ladjikiꞌ ma bay sinukuꞌ meꞌ Tuhan ningkitabi. Kasohean kaladjikian luu soheꞌ da sitampu, kasohean kaladjikian tanam san yaꞌ luu soheꞌ da sitampu.

2 Korin 8:12

Basta kam ina tinagi nulung, kasulutan jaꞌ sina Tuhan ni saraka bi, dangoy-dangoy jaꞌ takaya bi. Tuhan ina yaꞌ du nohoꞌ siga sukuꞌ na muwan san yaꞌ luu pangabut da.

Epesus 3:5

Meꞌ halling sambat ku na siꞌ, kamaatunan garaꞌ Tuhan ina bay llimbuhan ni siga angkat-angkatan maruhuꞌ. Noy batnaa na boꞌ lay na pinalahil meꞌ Rū Sutsiꞌ ni siga rasul si Isa ka ga jama ma kaladjikian masampay siga umanat man Tuhan.

Epesus 4:11

Na ni kapasal jinisan kapandoyan bilang ladjikiꞌ ma ndean meꞌ Almasi, kasohean jama pineneꞌ binuwat rasul na. Kasohean binuwat tukang masampay siga umanat bay pinalahil meꞌ Rū Sutsiꞌ ninsila. Kasohean binuwat tukang masaplag umanat mahap. Kasohean pineneꞌ binuwat pa-mmean ngayaran siga baanan sukuꞌ si Isa. Maka kasohean binuwat guru.

Pilipi 3:15

Sangkon kaam ma taggu na iman bi, sapatut na dambuwaꞌ pamiki na kam ka aku ni hāl angan-angan tabi. Sugaꞌ bong luu nnaa kasohean yaꞌ numan ni pamiki da bay bitsala ku siꞌ, bbos-bbos pinalahil du sina meꞌ Tuhan kabanahan ningkaam.

1 Tesaloneka 5:20

Bila luu danganakan bi māꞌ luu umanat karomanan na pinasampay lakka man Rū Sutsiꞌ, padarihun bi na ya. Daa ya sohoun bi diyam-diyam.

2 Pitel 1:20

Ilooy puntukan subay tahati bi, inawnan siga tunaꞌ kanabi-nabihan njawom kitab, saꞌ lakka man pamiki da dī da